1 Timotio 4:12 - ONUGBÙ NYƐNYÃ VUVƆ

¹² Tɛ kɔ anɔnyanɔ ebu wɔnɔa bha agɔ alasɛ no ko she so, pɔ nɔ kɔ kɛ gɛ bagɛ ba yɛkɛaŋa nɛ ebe diabhɛtɛ nɛ kaɖɔ ɖuɖɔ mɛ, anɛ ɛkpã mɛ, anɛ tɛɖuɖɔ mɛ, anɛ tɛyɛyɛkɛŋa mɛ ganɛ nɛ ishu bhubhui mɛ.

1 Timotio 4:12 Referans Kwoze

Titusɛ 2:7

Nɛ kibuinyɛbui mɛ, bhɛtɛ kibui dzyɔgo gɛ be be di abhɛtɛ. Nɛ wɔ kɛdɔkɛkasɛ mɛ, kasɛ ɔsɛ onu anɔ gɛ otoo hu otro, klɛ ɔtɔɔ wɔ buwɔfu

2 Timotio 2:22

Siɔlɔ buyansɔ̃ mɛ zɛza kɛdɔ tɛpɛpɛ, tɛ ɔkpatɔnɔ tɛzɛzam dzyɔgo, tɛyɛyɛkɛŋa, tɛɖuɖɔ anɛ ishuyuyɔ, ɔyɛkɔ plɛnɔ bagɛ be tsobunɔ Apalete denɔ idzyi dzyɔgo mɛ.

2 Timotio 2:15

Bhɛtɛ mɔmɔ tɛ ɔyɛkɔ wɔ shu ɔkɔ Kpaya ansɛ anɔ gɛ ba trɔ ahwɛ yɛabha, axwɛwa gɛ ama sɛ tɛ kɛwɛ̃ ku yɛ klɛ aanyɛna kibuigba nɛ mɔmɔ.

1 Petro 5:3

tɔ ŋa bukusi nɛ bagɛ lɛ wɔesi, pɔ odzi kɛdɔ gɛ bamɔabhɛtɛ kɔ Ibhoshiha.

1 Kɔrintioanɛ 11:1

Nɔ za mɛ dɔ bhɛbhɛtɛkasɛ nɛede, anasɛ gɛ ɛlɛ Kristo kɛdɔ bhɛbhɛtɛkasɛ nɛede.

1 Tɛsolonianɛ 1:6

No bo dzi banɔ gɛ no di bulɔ anɛ Apalete nɛ pɛ nɔɔ bhɛtɛ; nɛ butɔ gɛganɛɛ mɛ tsyɛ, nɔ yɛkɛ kibui nɛ gɛ ba mɛna nɔ nɛ same ganɔ Ɔfufɔɛ Dzyɔgo nɛ ɔkɔ.

Titusɛ 2:15

Kɛlɛ sɛ, ebuia nɛ, alɛ nu agɛ ala lɛ sɛ tɛ ɔkasɛ. Kpa lɛ kemi klɛ tɛ ɔkpa lɛ nɛ kabhaŋɛŋa petee mɛ. Tɛ kɔ anɔnyanɔ akpɛ wɔ butsɔ.

Mateo 18:10

“Di kɛlɛ ɔkɔ sɛ no ti di bunuvɔɛ bhlia nɛ ɔmɛayɛ kanyaka bhliyii. Alasɛ itsre nɔ sɛ balɛ baxwɛdɛ nɛ owũsise naa mɔ mɛ Aka nɛ owũsise nɛ amɛ kibenyɛbe.

2 Timotio 2:7

Tsodzi odi kibui nɛ gɛ ɛɖɔ, nɛ wɔ kɛtɔkpu mɛ, alasɛ Apalete nɛ aba kɔ sɛ onu ebuia nɛ petee mɛ.

Yakobo 3:13

Ane gɛ enyibui pɛ enu kibuiesi nɛ wɔnɔɛ shi? Kɔ ebui lɛ akasɛ ganɔ yɛ ɛkpã dzyɔgo nɛm, ganɔ ebui bhɛbhɛtɛ anɛ ishu zhizhinɔesi nɛ gɛ de kibuinyinyi mɛ.

Yakobo 3:17

Pɔ kibuinyinyi nɛ gɛ de owũsise, putɔnɔ nɛɛ, kɛlɛ shu petee bhui, klɛ ishuyuyɔ— tɛdɛdɛmɛnɔ, tɛyɛyɛkɔ nɛ lɛm, ishu zhizhinɔesi, tɛyuyuku nɛ eshutukubui didi nɛ eyuyu dzyɔgo, anɔamɛ madimadi anɛ kidzo tirikpom nyɛnyɛna vunɔ.

Filipianɛ 4:8

Gɔgɔɛ, badzya mɔ, kɛgɛ nu kɛgbɛagba, kɛgɛ gbɛgbla, kɛgɛ kɛlɛ nu kɛdzyɔgo, kɛgɛ kɛlɛ shu bhui, kɛgɛ kɛlɛ nu anɔɛ bui dɛdɛmɛnɔ, kɛgɛ kɛɛ pudi--onugɛ kɛdɔ tili pɛɛ̃ ɔdɔgɔsɛ kɛlɛ gɛ ba ba kpɛ nɛa bha--bhɛtɛ alɛlɛ nɛɛ di kɛtɔkpu mɛ.

1 Tɛsolonianɛ 2:10

No nu bebuimɔɖɔ, klɛ kana Kpaya tsyɛ alɛ, nɛ kana gɛ bulɔ ishubhui, tɛnɛnamɛzɛza anɛ kɛpɔ maza lɔ shu nɛ mɛ gɛ bu yɛkɔ za wɔnɔa gɛ ɔyɛkɛɔŋa nɛ shi.

1 Timotio 1:14

Ba yɛkɔ bulɔ Apalete nɛ ɛyamyuyɔ nɛ abalɛ mɛa bha gelee, ɔyɛkɔ plɛnɔ tɛyɛyɛkɛŋa nɛ tɛɖuɖɔ nɛ gɛ kpasɛ Kristo Yesu mɛ.