1 Timotio 4:10 - ONUGBÙ NYƐNYÃ VUVƆ

¹⁰ (klɛ kɛlɛ shu lɔ wɛxwɛ pɛ buu tɔ), bu tɛ yɛkɔ bulɔ kidzoenudidi nɛ kpɛ ɛkpã Kpaya nɛ mɛ, gɛ enu agɛ Ayɛyɛkɛkɔ banɔdzyrame nɛ petee, klɛ ɔyɛkɔdɛ kɔ bagɛ ba yɛkɛaŋa.

1 Timotio 4:10 Referans Kwoze

1 Timotio 2:4

gɛ apɛa sɛ tɛ be bu banɔ nɛ petee klɛ tɛ ba ba kɛgba nɛ tititim.

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

1 Timotio 2:6

gɛ ayɛkɔ yɛshu etsye ansɛ kɛbhɛ bubuya nɛ banɔdzyrame nɛ petee tɔkpu—gɛ ki dzi kibuimɔɖɔ nɛ kɛlɛ be dzyɔgo mɛ.

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

1 Yohanɛsɛ 4:14

Klɛ bu tɛ mɔ klɛ bu buɖɔ sɛ Aka asɛsɛ yɛ Eyianyɛ tɛ edzi Ayɛyɛkɛkɔ kanɔ.

Yohanɛsɛ 4:42

Be tsre adzɛ nɛ asɛ, “Bu dɛ yɛkɛŋa sɛ wɔa ɖɔɖɛɖɔ nɛ so, ɔtsɔnɛ bulɔnahwɛ bu nu kɔ shu, klɛ bu ti sɛ kɛgbɛagba anɔanɛ enu Ebhubhuiyɛkɛ nɛ́ kanɔ nɛ mɛ.”

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Hebriuanɛ 13:13

Kɛlɛso nɔ kɔ lɔ vɛ yɛ ɔkɔ nɛ kamade, tɛ bumɔ butsɔ nɛ gɛ amɔ.

1 Petro 1:21

Ganɔ yɛabha nɔ yɛ kɛ Kpaya abhaŋa, agɛ anyɛmɛ yɛ edenɔ bekpui mɛ klɛ akpɛ yɛ nyi nɛabha klɛ so wũnɔ tɛyɛyɛkɛŋa nɛ yɛ kidzo abha didi lɛ Kpaya mɛ.

Hebriuanɛ 11:26

Adɛmɛ kɛwɔɛ̃ gɛ ba ba kpɛɛ yɛ nɛ Kristo tɔkpu dɛ kisiredɔ gɛ aba mɔ nɛ Egipte, alasɛ edi kɛdɔ gɛ aba mɔ nɛ otugba.

1 Timotio 6:17

Bu otsre behoeyielete nɛ kanɔa nɛ mɛ sɛ ba tɛ za nɛ butɔm gɛganɛ pɛ ɔdɔgɔsɛ ba yɛkɔ kidzoenudidi atrɔ balɛ kɛnɔmɛdɔ nɛa bha, gɛ ɔtɛ bɔ na awɔ̃ lu nɛ kɛlɛa bha, pɔ ba yɛkɔ balɛ kidzoenudidi nɛ atrɔ Kpaya bha, yɛ akɔlɔ kɛdɔnyɛdɔ gelee kɔ bulɔ same mumɔ.

1 Timotio 3:15

onu gɛ ɛzɛ ba wɔɛ de tsyɛ, tɛ no ti kana gɛ alasɛ tɛ banɔ aga nɛ balɛ shu nɛ Kpaya bupa nɛ mɛ, gɛ nu ɛkpã Kpaya anɛ busɔlɛɔha, gɛ enu buvuosi nɛ kesikpɛkpɛ kɔ kɛgba.

Mateo 27:43

Ayɛkɛ Kpaya kabha ŋa. Kɔ Kpaya nɛ ebe bu yɛe onu gɛ apɛɛ yɛ, alasɛ aɖɔ asɛ, ‘Mɛ nu Kpaya yɛ Eyi.’ ”

Mateo 16:16

Simɔnɛ Petro ebui lɛ nu asɛ, “Wɔ nu Kristo, ɛkpã Kpaya nɛ yɛ Eyi.”

1 Kɔrintioanɛ 15:10

Pɔ nɛ Kpaya ɛyɛmɛyuyɔ enu agɛ enu, klɛ yɛ ɛyɛmɛyuyɔ kɔ mɛ kɛdi dzi kɛkpɛkpa. Oo, ɛwa kɛxwɛ dɛ balɛ petee—ganɛ mɛ nahwɛ, pɔ Kpaya ɛyɛmɛyuyɔ kɛlɛ za plɛnɔ mɛ.

2 Kɔrintioanɛ 1:10

Ebhui lɔ ayɛkɛ denɔ butsi tsutsɔmɔ nɛ di mɛ, klɛ aza be bhui lɔ ayɛkɛ. Nɛ yɛ abha bu yɛ kɔ bulɔɛ dzoenudidi nɛ trɔ sɛ aba za lɛabha aza be bhui lɔ ayɛkɛ,

1 Timotio 2:3

Kɛɛ nɛ kɛlɛ bɔ, klɛ kɛlɛ ku Kpaya bulɔ Ayɛyɛkɛkɔ nɛ awɔ̃,