1 Timotio 2:7 - ONUGBÙ NYƐNYÃ VUVƆ

⁷ Klɛ kɛɛ nɛ nɛ shu so pɛ be bu mɛ asɛ idzi otugbanɔ anɛ anɔkpɛkpɛ, gɛ ɛɛɖɔ kɛgba, iti hu otro—klɛ mɛ nu kɛgba tɛyɛyɛkɛŋa adɔkasɛ kɔ Bagɛ ba dɛ yɛkɛaŋa.

1 Timotio 2:7 Referans Kwoze

Axwɛwɛwa 9:15

Pɔ Apalete nɛ etsre Ananiasɛ asɛ, “Vɛ! anya nɛɛ enu mɛ kɛɖaŋudɔ gɛ eklu sɛ tɛ aba yɛkɔ mɛ kinyi nɛ avɛnɔ bagɛ ede nu Yuɖanɛ anɛ balɛ bekusi anɛ Izraɛlanɛ.

2 Timotio 1:11

Klɛ nɛ kibuidzyɔgoe nɛ shu be bu mɛ ansɛ otugbanɔ anɛ anɔkpɛkpɛ anɛ adɔkasɛ.

Romanɛ 9:1

Ɛɖɔ kɛgba nɛ Kristo mɛ—iti hu otro, mɛ kititi nɛ ɖɔ trɔɛ lɛa bha nɛ Ɔfufɔɛ Dzyɔgo nɛm,

Romanɛ 15:16

sɛ idzi Kristo Yesu kibui nɛ aɖuɖɔ kɔ bagɛ ba dɛ yɛkɛaŋa plɛnɔ kpayanɔ axwɛwa kɔ Kpaya kibui dzyɔgo nɛ tɛɖuɖɔ, sɛ tɛ bagɛ ba dɛ yɛkɛaŋa ne be dzi beyi gɛ Kpaya aba yɛkɛ, gɛ Ɔfufɔɛ Dzyɔgo nɛ ɔtrɔahwɛ.

Galatianɛ 2:9

Yakobo, Petro anɛ Yohanɛsɛ, ba gɛ benu anasɛ bushã, ba kɔ mɛ anɛ̀ Barnabasɛ ahwɛ nɛna kukɔ ɔhaglɔ kibelɛlɛ gɛ ba mɔ ɛyamyuyɔ gɛ bakɔ mɛ. Ba dɛmɛ sɛ bu vɛ ba gɛ be dinu Yuɖanɛ nɔ kɔ klɛ tɛ ba lɛ avɛ Yuɖanɛ nɔ kɔ.

Galatianɛ 1:20

Ɛtrɔɛ kɛklãgbu nɛ lɛabha ba nɛ Kpaya amɛ sɛ kibui nɛ gɛ ɛŋlɔmɛ kɔ nɔ kɛdɛ nu otro.

Galatianɛ 1:16

sɛ tɛ ebu yɛ Eyianyɛ nɛ akasɛ nɛ̀ mɛmɛ sɛ tɛ ɛba ɖɔ yɛ bui nɛ bagɛ be dinu Yuɖanɛ shi, ɛdɛ da bisi anɔnyanɔ nu,

Romanɛ 11:13

Ɛɖɔ kaɖɔ tsre wɔnɔ bagɛ adɛ yɛkɛaŋa. Nɛ kibelɛ mɛ gɛ mɛ nu anɔkpɛkpɛ kɔ bagɛ adɛ yɛkɛaŋa, ɛwa mɛ kɛxwɛ nɛ gelee

2 Petro 2:5

onugɛ adɛ yɛkɔ etsye kanɔ mɛ bekuku kibelɛlɛ gɛ amɛna buniyiyi nɛ́ banɔ nɛ gɛ be dinu kpayayɛ, pɔ akpɛ buka kana Noah, ebuidzyɔgo aɖɛɖɔ, nɛ̀ tɛegene gugɔɛ,

Galatianɛ 3:9

So bagɛ bayɛkɛŋa bayula lɛ aplɛnɔ Abraham, tɛyɛyɛkɛŋa anɔ.

2 Kɔrintioanɛ 11:31

Kpaya anɛ Apalete Yesu Aka, gɛ yɛ nyi ba bakpɛabha ɔvɛnɔ faã, enyi sɛ ɛtɛ hu otro.

Romanɛ 10:14

Kɛlɛ, kɛba za sɛ be kulu anɔɔ nɛ gɛ yɛa bha ba dɛ yɛkɛ aŋa? Klɛ kɛlɛ la ba yɛkɛ aanɔ nɛ gɛ be ke nu yɛ dɔ di nɛa bha aŋa? Klɛ kɛlɛ le be nu yɛ dɔ gɛ odi nu sɛ anɔ teli yɛ aɖɔ yɛbui etsrea lɛ?

Axwɛwɛwa 26:20

Putɔnɔ kɔ baga lɛ Damaskosɛ, ka kɔ baga lɛ Yerusalɛm nɛ Yuɖia petee, anɛ kɔ bagɛ be di nu Yuɖanɛ nɛ tsyɛ, ɛkasɛ kɛdɔ sɛ tɛ be tsyina kitem tɛ be tsyina tɔ Kpaya tɛ be bu balɛ tɛtsyitsyina nɛ akasɛ anɛ ganɔ balɛ ebui bhɛbhɛtɛm.

Axwɛwɛwa 22:21

“Ɔkɛlɛ Apalete nɛ etsrem asɛ, ‘Vɛ; Ɛba kpɛ wɔ nɛ odzidzekɔ nɛ bagɛ di nu Yuɖanɛ nɛ ɔkɔ.’ ”

Axwɛwɛwa 14:27

Nɛ balɛ ɔkɛlɛ tɛkuku mɛ, be klu basɔlɛha nɛ exogo klɛ ba ɖɔ etsrea lɛ ebui nɛ petee gɛ Kpaya abhɛtɛ ganɔ balɛa bha nɛ kana gɛ adanɛ tɛyɛyɛkɛŋa kidzo akɔ bagɛ be di nu Yuɖanɛ.

Yohanɛsɛ 7:35

Yuɖanɛ be bisi balɛ ɔhaglɔ asɛ, “Fakɔ anyɛa nɛ atrɔ sɛ tɛ avɛ gɛ bɔ tɛ ba mɔ yɛ? Pɛnɔ aba vɛ ɔkɛlɛ gɛ bulɔ banɔ da pɔɛhle ku Helanɛ nɛshi, gɛ ba kasɛ Hela bunuhu?

Galatianɛ 2:16

nɔ ti sɛ be te bu anɔ butsya nɛ ɔshã abha abhɛbhɛtɛ, pɔ nɛ Yesu Kristo tɛyɛyɛkɛŋa abha. So bulɔ, tsyɛ, bu kpɛ bulɔ tɛyɛyɛkɛŋa nɛ Kristo Yesu mɛ tɛ bu ba ŋa butsya nɛ Kristo mɛ klɛ anɛ ɔshã nɛabha bhɛbhɛtɛ, alasɛ nɛ ɔshã nɛabha bhɛbhɛtɛ anɔnyanɔ atɛ ba ŋa butsya.

Romanɛ 1:9

Kpaya, nɛ gɛ mɛ ɛdɛ kɛxwɛ kɔ nɛ mɛ idzyim petee anɛ Yɛeyi nɛ kibuidzyɔgo nɛ tɛɖuɖɔ mɛ, yɛ enu mɛ ebuimɔɖɔ anɛ kana gɛ ɛbaka wɔnɔɛ bui,

1 Kɔrintioanɛ 9:1

Ganɛ anɔ gɛ alɛ ishuahwɛ mɛ nu? Ganɛ anɔkpɛkpɛ mɛ nu? Ɛdɛmɔ Yesu bulɔ Apalete? Ganɛ wunɔ nu mɛ kɛxwɛwɛwa bubukasɛ nɛ Apalete nɛ mɛ?