1 Timotio 1:16 - ONUGBÙ NYƐNYÃ VUVƆ

¹⁶ Pɔ kibui lɛ nɛ shu so pɛ be di mɛ eshutukubui sɛ tɛ nɛ mɛ mɛɛ, ansɛ eziziadɛ nɛ be zizi nɛ shi, tɛ Kristo Yesu ebe bu yɛ tɛdudɔfɔɔ̃ nɛ gɛ obekekɔ ma kɔɛ lɛ nɛ akasɛ ansɛ kibui gɛ bagɛ ba ba yɛkɛ yɛa bha aŋa nɛ be di abhɛtɛ pɛ la ba mɔ ɛkpã mabeke mabeke.

1 Timotio 1:16 Referans Kwoze

1 Timotio 1:13

Kɛnya lɛ kɛlɛm sɛ iti dzi anɔ gɛ abhɛtɛ ebusobui di anɛ anɔ gɛ akpatɔnɔ anɔ klɛ idzi anɔ gɛ aza kanya, be di mɛ eshutukubui alasɛ ɛbhɛtɛ ebuia nɛ matimati mɛ anɛ mayɛkɛ mayɛkɛŋa.

Efesoanɛ 2:7

sɛ tɛ nɛ agɔ nɛ gɛ la ba nɛ mɛ tɛ ebe bu kɛsɔnɔ nɛ gɛ adɛsɔnɔ anɔnyanɔ akasɛ asɛ tɛmumɔ gɛ kɛ baa aba kasɛ kedziŋɛŋa gɛ kadɛ sɔnɔ yɛ dɔkukɔ, ebukasɛ nɛ yɛ ɛyɛmɛyɛyɔ kɔ lɔ nɛ Kristo Yesu mɛ.

Luka 7:47

Klɛso, ɛtsre wɔ sɛ, ba tsaodi akpɛ yɛ ebuizizi nɛ petee mɛ—alasɛ adɛmɛ anɔ kibui mɔmɔ dɛ. Pɔ agɛ ba yɛkɔ kibhliyi etsye adɛmɛ bhliyi.”

2 Petro 3:15

Kɛza wɔɛtɔkpui mɛ sɛ bulɔ Apalete nɛ idzyiyuyɔ kɛlɛesi nu tɛyɛyɛkɛkɔ, anasɛ gɛ bulɔ adzya Paolo tsyɛ aŋlɔmɛ kɔ nɔ nɛ̀ kibuinyinyi gɛ Kpaya akɔ yɛ nɛ shu.

2 Petro 3:9

Apalete ata gbɛede kɔ yɛ ebui bhɛbhɛtɛ gɛ aɖɔlu nɛ shu, anasɛ gɛ beteli nu kedegbɛgba nɛesi. Yɛ dzyi ayɔ nɛ wunɔ shu, ata pɛɛ sɛ anɔnyanɔ etsi, pɔ anɔnyanɔ aba tsyinaɛtemɛ.

1 Petro 3:20

agɛ adɛ tatɔ kibe dzidze bafla gɛ Kpaya epo nɛ ishunyɛnyɛna mɛ nɛ Noah ewui nɛabha gɛ àfatɛ yɛ otsyokpo. Nɛ ɔlɛ mɛ banɔ bhliyi ko, banɔ petee balɛ tɛɔsɔɛ, balɛ be bhuiayɛkɛ ɔganɔ buni mɛ,

Yohanɛsɛ 20:31

Pɔ ba ŋlɔmɛ anɛ sɛ tɛ nɔ zɔ yɛkɛŋa sɛ Yesu yɛenu Kristo, Kpaya yɛ Yi, klɛ nɛ yɛabha yɛyɛkɛŋa nɔbɔ mɔ ɛkpã nɛ yɛ nyi mɛ.

Yohanɛsɛ 3:36

Anɔ nɛ gɛ ayɛkɛ Eyi nɛ abhaŋa ɛkpã mabeke lɛ yɛ ahwɛ, pɔ anɔ nɛ gɛ adɛ yɛkɛ Eyi atɛ bamɔ ɛkpã, alasɛ Kpaya obulo ɔwɔ yɛ abha.”

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

Axwɛwɛwa 13:39

Ganɔ yɛa bha nɛ anɔnyanɔ gɛ ayɛkɛ aŋa nɛɛ ba bhɛtɛ yɛ ana ganɔ kidzonyɛdzoa bha gɛ nɔ tɔ na nɛ Mose ɔshã nɛ nu flogo.

Yohanɛsɛ 6:54

Anɔ nɛ gɛ atã mɛ ishuidzya klɛ awɔɛ̃ mɛ dzyosu ɛkpã mabekemabeke lɛ yɛ ahwɛ, klɛ ɛba nyɛmɛ yɛ nɛ kiwui gugɔɛ nɛabha.

Yohanɛsɛ 6:40

Alasɛ Maka yɛ tɛpɛpɛɛ kɛlɛ nu sɛ anɔnyanɔ gɛ edi Eyi klɛ ayɛkɛ yɛ abhaŋa aba mɔ ɛkpã gɛ tɛ ba beke, klɛ ɛba nyɛmɛ yɛ kpɛ kabha nɛ kiwui gugɔɛ nɛabha.”

Hebriuanɛ 7:25

Kɛlɛso aba za yɛkɛ kɔ bagɛ balɛ petee gɛ ba ba Kpaya kɔ aganɔ yɛabha, alasɛ alɛ kibenyɛbe sɛ tɛ evuboe kɔ alɛ.

2 Tɛsolonianɛ 1:10

nɛ kiwi nɛa bha gɛ aba ba sɛ tɛ ba kpɛ yɛ same nɛ yɛ banɔ dzyɔgo nɛ mɛ klɛ aba bhɛtɛ kibi nɛ bagɛ ba tɛ yɛkɛ aŋa nɛɛ shi. Wɔnɔ tsyɛ ɔbɔ za kɛlɛ mɛ, alasɛ nɔ yɛkɛ bulɔ kibuimɔɖɔ nɛa bha ɔŋa.

Efesoanɛ 1:12

sɛ tɛ bulɔ gɛ putɔ yɛ kɔ bulɔ kidzoenudidi trɔ Kristo abha, bu badzi bagɛ ba bakpɛ yɛ kabha vɛvɛ nɛabha.

Efesoanɛ 1:6

tɛ bu kpɛ yɛ ishubhubhui ɛyɛmɛyuyɔ, gɛ ashɛnahwɛ akɔ lɔ bububɔɛ nɛ yɛ Yi gɛ adɛmɛ yɛ bui.

2 Kɔrintioanɛ 4:1

Kɛlɛso ganɔ Kpaya eshutukubui didi belɛlɛ kɛxwɛwɛwa lɛlɛ nɛ lɛ bulɔ ahwɛ, idzyi edi koeyi nɛ bulɔɛ temɛ.

Romanɛ 15:4

Alasɛ kɛdɔnyɛdɔ gɛ ba ŋlɔmɛ elu aba fla ba ŋlɔmɛ kɛlɛ sɛ tɛ ba yɛkɔ akasɛ lɔɛdɔ nɔ, sɛ tɛ ganɔ awɔ̃dzudzu mɛ nɛ Kpayɛbuieplukpa anɛ kemikpɛkpɛ lɔ mɛɛ tɛ bu mɔ kidzoenudidi.

Yohanɛsɛ 6:37

Banɔ nɛ petee gɛ Kpayɛa akɔmɛ ba baba mɛ ɔkɔ, klɛ anɔnyanɔ gɛ aba mɛ ɔkɔ ɛtɛ ba kɛkɛ yɛ.

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Luka 23:43

Yesu etsre yɛ asɛ, “Itsre wɔ kɛgbɛagba sɛ obonɛ ɔbɔ za mɛ ɔbha nɛ paraɖiso nɛ mɛ.”

Luka 15:10

Nɛ kidzo lɛlɛ nɛabha, itsre nɔ sɛ, samemumɔ aba za Kpaya axwɛdɛ amɛ nɛ ezizi terikpo gɛ etsyina temɛ.”

1 Kɔrintioanɛ 7:25

Ɔtsɔ̃nɛ nɛ badzɛ gɛ be ke ti anyɛa pɛ mɛ: Kabhaŋɛŋa ka ma mɛ ahwɛ denɔ Apalete nɛ ɔkɔ, pɔ ikulu kebhui ansɛ anɔ gɛ ganɔ Apalete nɛ eshutukubui didi mɛ ana gɛ ba ba yɛkɛ yɛa bha ŋa.