1 Timotio 1:15 - ONUGBÙ NYƐNYÃ VUVƆ

¹⁵ Kibuiɖuɖɔ gɛ kɛlɛ sɛ ba yɛkɛ kɛlɛa bha ŋa nɛ nɛɛ: Kristo Yesu aba kanɔ nɛm sɛ tɛ aba yɛkɛ kɔ bezizi—gɛ mɛ inu ezizi nɛ dɛ nɛ balɛm.

1 Timotio 1:15 Referans Kwoze

Marko 2:17

Gɛ Yesu enu balɛ ebui nɛ gɛ bee bisi, ebu etsre alɛ asɛ, “Bagɛ ba taa nya na ma kɔ awani, banyɛnya balɛ alɛ kɔ awani. Bagɛ ba bhɛtɛ buzizi nɛ so pɛ ɛba, ganɛ bagɛ bana.”

Luka 19:10

Alasɛ Anɔdzyrame Yi aba sɛ tɛ aba pɛɛ klɛ tɛ evu kɛgɛ lɛla nɛ edzu.”

Yohanɛsɛ 12:47

“Anɔ nɛ gɛ enu mɛ ebui pɔ adɛ nyɛna lɛ, mɛ ɛtɛ ba klu kebhui nɛ yɛ. Alasɛ ɛdɛ ba sɛ tɛ ɛba klu kebhui nɛ kanɔ, pɔ ɛba sɛ tɛ ɛba bhui alɛ yɛkɛ.

Yohanɛsɛ 1:12

Pɔ kɔ bagɛ balɛ petee gɛ bayɛkɛ yɛ, kɔ bagɛ ba yɛkɛ yɛ nyi nɛa bha ŋa, akɔ alɛ kidzo sɛ tɛ ba be dzi Kpaya yɛeyialɛ—

Luka 5:32

Ɛdɛ ba sɛ tɛ ɛba klu banɔ dzyɔgo, bezizi nɛ so gɛ ɛba sɛ tɛ betsyinaɛ temɛ.”

1 Yohanɛsɛ 3:5

Pɔ nɔ nyi sɛ aba sɛ tɛ ayɛkɔ bulɔ ebuikpã ashɛnɔ. Klɛ yɛ mɛ kibuikpã ma.

1 Timotio 1:13

Kɛnya lɛ kɛlɛm sɛ iti dzi anɔ gɛ abhɛtɛ ebusobui di anɛ anɔ gɛ akpatɔnɔ anɔ klɛ idzi anɔ gɛ aza kanya, be di mɛ eshutukubui alasɛ ɛbhɛtɛ ebuia nɛ matimati mɛ anɛ mayɛkɛ mayɛkɛŋa.

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

1 Kɔrintioanɛ 15:9

Alasɛ mɛ nu agugɔɛ nɛ banɔkpɛkpɛ nɛ shi klɛ amasɛ tɛ be klu mɛ sɛ anɔkpɛkpɛ, alasɛ epɛɛ buzizi kɔ Kpaya busɔlɛha.

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

Mateo 9:13

Pɔ nɔ vɛ tɛ nɔ dɔ pɛɛ kibui nɛe si onu: ‘Ɛpɛɛ eshutukubui didi, ganɛ busoyiyi.’ Alasɛ ɛdɛ ba kɔ badzyɔgo nɛ tɛkukulu, pɔ kɔ bezizi.”

Mateo 1:21

Aba mɔ eyianyɛ, gɛ kɛlɛ sɛ tɛ ɔkɔ yɛ nyi sɛ Yesu, alasɛ yɛ ebe bu yɛ banɔ nɛ edenɔ balɛ buzizi mɛ.”

Hebriuanɛ 7:25

Kɛlɛso aba za yɛkɛ kɔ bagɛ balɛ petee gɛ ba ba Kpaya kɔ aganɔ yɛabha, alasɛ alɛ kibenyɛbe sɛ tɛ evuboe kɔ alɛ.

1 Timotio 4:9

Kɛnɛ nɛ nu kibuiɖuɖɔ gɛ ba ba yɛkɛ kɛlɛa bha ŋa gɛ kɛlɛ sɛ ba dɛmɛ lɛ petee

Romanɛ 5:6

Ɔmɔ nɛɛ, nɛ kibe dzyɔgo nɛ mɛ, gɛ bu ka za kemi maza anɔ ahwɛ mɛ, Kristo etsi nɛ bagɛ adɛ za kpayatiti mɛ nɛ tɔkpu.

1 Yohanɛsɛ 3:8

Anɔ nɛ gɛ abhɛtɛ kibuizizi enu ɔfufɔɛkpã ayɛ, alasɛ ɔfufɔɛkpã nɛ lɔ bhɛtɛ kizizi denɔ kesikpɛkpɛ ke. Kibui nɛ so gɛ Kpaya yɛ Yi aba kɛlɛ nu sɛ tɛ ezi ɔfufɔɛkpã nɛ kɛxwɛwɛwa.

1 Timotio 3:1

Kibui gɛ ba ba yɛkɛaŋa tili nɛɛ sɛ: Onu gɛ anɔ teli atrɔ nɛ idzyi mɛ asɛ tɛ edzi abhaŋa, kɛlɛa lɛ apɛɛ kɛxwɛgbla kɔ shu.

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,

Tɛbubukasɛ 22:6

Kpayaxwɛdɛ nɛ etsrem asɛ, “Ebuia nɛ alɛ gɛ ba ba yɛkɛ alɛa bha aŋa klɛ le nu kɛgba. Apalete, batɔnu nɛ ɛfufɔɛ nɛ Kpaya, asɛsɛ yɛ kpayaxwɛdɛ sɛ tɛ akasɛ yɛ baxwɛwa nɛ ebui nɛ gɛ alasɛ tɛ la ba alɛ ɔzakɔ kpataa.”

Tɛbubukasɛ 5:9

Klɛ ba zha ɔdzɛ vuvɔ: “Wɔ ɔna sɛ tɛ ɔyɛkɔ kazaplukpa tɛ ɔdanɛ kalɛ badɛda, alasɛ be yi wɔ, klɛ ɔyɛkɔ wɔ dzyosu odzi banɔ kɔ Kpaya denɔ kɛmadi nɛ bunuhu kanyaka mɛ anɛ banɔ nɛ amadi nɛ mɛ.

Titusɛ 3:8

Kibui nɛ nu kibuiɖuɖɔ gɛ ba ba yɛkɛ kɛlɛa bha aŋa. Klɛ ɛpɛɛ sɛ tɛ nɔ trɔ kɛklãgbu nɛ ebuia nɛa bha, sɛ tɛ bagɛ atɛ yɛkɛ Kpayabha aŋa nɛ be luawɔ̃ tɛ ba yɛkɔ ishu etsye nɛ kibui dzyɔgo tɛbhɛbhɛtɛ mɛ. Ebuia nɛ apɛ̃ezi klɛ le be dzi kɛdɔ kɔ anɔnyanɔ.

2 Timotio 2:11

Kibui tili gɛ la ba yɛkɛ kɛlɛa bha ŋa nɛ nɛɛ sɛ: Onu gɛ butsi plɛnɔ yɛ, bu ba za nɛ ɛkpã plɛnɔ yɛ;

Axwɛwɛwa 3:26

Gɛ Kpaya efeke yɛ axwɛdɛ nɛ, ebhuso yɛ asɛsɛ wɔnɔ sɛ tɛ aba yula nɔ ganɔ wɔnɔ tɛ tsyitsyina anɛ wɔnɔ atɔkpum edzokpã nɛa bha.”

Yohanɛsɛ 3:36

Anɔ nɛ gɛ ayɛkɛ Eyi nɛ abhaŋa ɛkpã mabeke lɛ yɛ ahwɛ, pɔ anɔ nɛ gɛ adɛ yɛkɛ Eyi atɛ bamɔ ɛkpã, alasɛ Kpaya obulo ɔwɔ yɛ abha.”

Tɛbubukasɛ 21:5

Agɛ yɛ edzi kekusigbu nɛa bha nɛ asɛ, “Ɛbhɛtɛ kɛdɔnyɛdɔɛ lɛ ba dzi kɛvuvɔ!” Ɔkɛlɛ asɛ, “Ŋlɔmɛ kɛdɔɛ nɛ olu, alasɛ ebuia nɛ enu agɛ alɛa bha la ba yɛkɛ aŋa klɛ enu kɛgba.”

1 Yohanɛsɛ 5:11

Klɛ kɛlɛ nu kibuiɖɛɖɔɛ: Kpaya akɔ lɔ ɛkpã mabeke mabeke, klɛ ɛkpãɛ nɛ lɛ yɛ Yi nɛ mɛ.

1 Timotio 1:19

tɛ ɔnyɛna tɛyɛyɛkɛŋa nɛ mɛ vunɔ anɛ idzyim dzyɔgo. Beteli adɛ yɛkɛ ebuia klɛ ba yɛ balɛ tɛyɛyɛkɛŋa.

Mateo 18:10

“Di kɛlɛ ɔkɔ sɛ no ti di bunuvɔɛ bhlia nɛ ɔmɛayɛ kanyaka bhliyii. Alasɛ itsre nɔ sɛ balɛ baxwɛdɛ nɛ owũsise naa mɔ mɛ Aka nɛ owũsise nɛ amɛ kibenyɛbe.

Axwɛwɛwa 11:18

Gɛ be nua na nɛ, kibuinyɛbui daa za balɛ ahwɛ ɔyɛkɔ dɛ sɛ tɛ ba kpɛ Kpaya nɛa bha, nɛ tɛ ɖuɖɔ sɛ, “Klɛ so, Kpaya atrɔ ahwɛ bagɛ be di nu Yuɖanɛ nɛ tsyɛ kitem tsyitsyina nɛa bha nɛ kanɔa nɛ mɛ.”

Axwɛwɛwa 11:1

Banɔkpɛkpɛ anɛ balɛ adzyalɛ nɛ Yuɖia petee nu asɛ bagɛ edi nu Yuɖanɛ nɛ tsyɛ atɛ yɛkɛ Kpaya kibui.

Luka 15:2

Pɔ Farisianɛ anɛ ɛshã badɔkasɛ bakpɛ onugbuesi kɔ yɛ sɛ, “Anyɛa nɛ ayɛkɛ banɔ kpã bui klɛ aŋaɛ dɔ nɛ alɛ.”

Romanɛ 11:14

nɛ kidzoenu didi mɛ sɛ ɛba nyɛmɛ mɛnahwɛ manɔalɛ sɛ tɛ kɛ dza awɔ̃ sɛ tɛ ibu balɛ beteli.

1 Timotio 6:13

Nɛ Kpaya amɛ, gɛ akɔ kɛdɔnyɛdɔ ɛkpã, klɛ nɛ Kristo Yesu shu, yɛ nɛ kibe lɛ mɛ gɛ ebu ishu nu nɛ Pɔntio Pilatio amɛ pɛ abhɛtɛ ishum dɛdanɛ dzyɔgo, ɛyɛkɔ lu wɔnɔa mɛ sɛ

Mateo 18:11

Anɔdzyrame yɛ Eyi nɛ aba sɛ tɛ ebe bu kɛdɔ nɛ gɛ kɛ lɛla.