1 Tɛsolonianɛ 5:11 - ONUGBÙ NYƐNYÃ VUVƆ

¹¹ Kɛlɛ so, nɔ kpɛ aglɔ kemi tɛ nɔ bhɔ aglɔ trɔ, ansɛ gɛ nɔ bhɛtɛ nɛ kɛgba mɛ.

1 Tɛsolonianɛ 5:11 Referans Kwoze

Efesoanɛ 4:29

Nɔ tɛ kɔ kaɖɔ tsutsɔmɔ kanyaka ke koeyi nɛ wɔnɔ inugbu mɛ, pɔ ka gɛ ko ka ba plɛnɔ tɛbhubhɔ trɔ kɔ bagugɔɛ kɔ balɛ dɔ pɛpɛɛ, tɛ kɛ ba pɛ̃ kɔ ba gɛ ba tatɔ.

Hebriuanɛ 10:25

Nɔ tɛ kɔ lɔ zukɔlɔ kɛtɔkputsyɛtsya kɔ dɛ, anasɛ gɛ banɔ teli ba yɛkɔ trɔ shu gɛ ba bhɛtɛ, pɔ nɔ kɔlɔ kpɛ agulɔ kemi—klɛ petee ɔyɛkɔ dɛana anasɛ gɛ nɔ mɔ Kelizɛza nɛ gɛ aba.

Romanɛ 15:2

Alasɛ tɛ bulɔmɛayɛ kanyaka eku yɛɔhayɛ awɔ̃ kɔ yɛ tɛpɛpɛ̃, sɛ tɛ atɔ yɛ ewunɔ.

Hebriuanɛ 3:13

Pɔ nɔ kpɛ ɛhaglɔ kemi kibenyɛbe, anasɛ gɛ be klu alɛ Obonɛ, so tɛ kizizi tɛ wɔɛ nɔ wɔnɔmɛayɛ kanyaka.

1 Tɛsolonianɛ 4:18

Kɛlɛ so, nɔ yɛkɔ ebuianɛ ɔkpɛ ɔhaglɔ kemi nɔ.

Romanɛ 14:19

Kɛlɛso nɔ kɔ lɔ ga kidzo kanyakɛabha sɛ tɛ bu bhɛtɛ kɛgɛ ba gbanɔ lɔ vɛnɔ ishuyuyɔ anɛ kɛtɔkpu tirikpom bhɛbhɛtɛ.

1 Kɔrintioanɛ 14:12

So kana kɛ lɛ kɔ nɔ. Gɛ nɔ pɛɛ gɛganɛ sɛ tɛ nɔ yɛkɛ ɔfufɔɛ mɛ dɔkukɔ, nɔ wlãnkɛ tɛ ɔdɛ kɛdɔkuku nɛ gɛ bhɔ busɔlɛɔha nɛ owunɔ.

Efesoanɛ 4:12

tɛ ewũse Kpaya banɔ kɔ kɛxwɔɛ gɛ ba bawa, so tɛ ba bhɔ trɔ Kristo Ishuidzya ebui nɛabha

Yuɖa 1:20

Pɔ wɔnɔ, ɛbhɛyalɛ dzyɔgo mɔ, nɔ bhɔ wɔnɔ shu ɔtrɔ nɛ wɔnɔ tɛyɛyɛkɛŋa nɛna dɛ nɛm tɛ no kulukpaya nɛ Ɔfufɔɛ Dzyɔgo nɛm.

Efesoanɛ 4:16

Denɔ yɛ mɛ ishuidzya petee, xogo klɛ lɛ nyana aglɔ nɛ tɛzɛ, klɛ lɛ bhɔ ishu trɔ nɛ tɛdɛdɛmɛ mɛ, anasɛ gɛ kapɛ nyɛapɛ wa yɛ shu axwɛ.

1 Kɔrintioanɛ 10:23

“Kɛdzo danɛ kɔ kɛdɔnyɛdɔ bhɛbhɛtɛ”—pɔ ganɛ kɛdɔnyɛdɔ kɛlɛ bui dzo. “Kɛdzo danɛ kɔ kɛdɛnyɛdɔ bhɛbhɛtɛ”—pɔ ganɛ kɛdɔnyɛdɔ kɛlɛ plɛnɔ anɔ.

2 Petro 1:12

Kɛlɛso ɛba bakanɔ ebuianɛ kibenyɛbe, kɛlɛmɛ kuratsyɛ sɛ nɔ nyi alɛ klɛ la lɛ tɛtitimɛ gɛganɛ nɛ́ ebuigba gɛ la lɛ wũnɔ ahwɛ ɔtsyɔnɛ.

2 Kɔrintioanɛ 12:19

No bui tɔkpuimɛ kibenyɛbe sɛ bu wlãnkɛ bulɔnahwɛ shu kɔ nɔ? Bu ɖɔaɖɔ nɛ Kpaya amɛ anasɛ bagɛ ba lɛ nɛ Kristo, klɛ kɛdɔnyɛdɔ gɛ bu bhɛtɛ, mɛ ɔbhɛalɛ mɔ, wunɔ tɛ gɛganɛ so gɛ bu bhɛtɛ lɛ.

1 Kɔrintioanɛ 14:29

Batɔnu tɛabha ɔdɔgɔsɛ tɛata balɛ alasɛ tɛ ba ɖɔaɖɔ, klɛ tɛ bagɔgɔɛ nɛ be feke ebui nɛ gɛ ba ɖɔ nɛ edi mɔmɔ.

Romanɛ 15:14

Madzyalɛ mɔ, mɛnahwɛ nɛ kixuim sɛ, wɔnɔ nahwɛ no yuku nɛ tɛzɛzam dzyɔgo, nɔ na nɛ kibuititim klɛ nɔ na kɔ aglɔɛdɔ kɛkasɛ.

1 Timotio 1:4

ɔdɔgɔsɛ tɛ ba yɛkɔ balɛ shu akpɛ begu anɛ ɛkɔdzidze ɖuɖɔ mɛ. Ebuia lɛlɛ nɛɛ di na mɛna aglɔ esi manumanu ɔyɛkɔdɛ Kpaya kɛxwɛ, nɛ gɛ lɛ nɛ tɛyɛyɛkɛŋa mɛ.

1 Tɛsolonianɛ 4:10

Klɛ nɛ kɛgba mɛ, nɔ ɖɔ badzya nɛ petee nɛ Makedonia. Tsyɛ bu tsre nɔ, badzya mɔ, sɛ nɔ bhɛtɛ ana otsodzini ɔbhɛtɛ.

1 Kɔrintioanɛ 14:5

Ɛta pɛɛ sɛ tɛ anɔnyanɔ aɖɔ ɔfufɔɛmɛaɖɔ, pɔ ɛpɛɛ dɛ sɛ tɛ nɔ ɖɔɛbuiolu. Anɔ nɛ gɛ aɖɔɛbuielu aŋaedzi dɛ agɛ aɖɔ ɔfufɔɛmɛaɖɔ, odinu sɛ ebuialɛ esi, sɛ tɛ busɔlɛɔha nɛ ɔmɔ otugba vɛvɛ.