1 Tɛsolonianɛ 4:14 - ONUGBÙ NYƐNYÃ VUVƆ

¹⁴ Buyɛkɛŋa sɛ Yesu etsi klɛ aza nyɛmɛ, kɛlɛ so bu yɛkɛŋa sɛ Kpaya aba mɛna Yesu anɛ bagɛ be ti tsi nɛ yɛ mɛ.

1 Tɛsolonianɛ 4:14 Referans Kwoze

Romanɛ 8:11

Klɛ onu gɛ agɛ ebu Yesu edenɔ bekpu mɛ nɛ Ɔfufɔɛ ɔlɛ lɛ wɔnɔ mɛ, klɛ agɛ ebu Kristo edenɔ bekpu mɛ tsyɛ aba kɔ wɔnɔ ishuidzya nɛ ɛkpã ganɔ yɛ Ɔfufɔɛ nɛ gɛ ɔlɛ nɔ mɛ.

1 Tɛsolonianɛ 4:13

Badzya mɔ, bu dɛ pɛɛ sɛ tɛ no titi kibuinyɛbui odenɔ bagɛ be ti tsi nɛ shu, ɔdɔgɔsɛ tɛ no tsishu ansɛ banɔ gɔgɔɛ, gɛ kidzoenudidi ma kɔa lɛ.

1 Tɛsolonianɛ 3:13

Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

Tɛbubukasɛ 1:18

Mɛ nu Agɛ alɛ nɛ Ɛkpã, Iti tsi, klɛ no di ɛlɛ nɛ ɛkpã ɔyɛkɔ vɛnɔ! Klɛ ivunɔ butsi anɛ bekpu mɛ kedunuaɖɛ.

Tɛbubukasɛ 14:13

Ɔkɛlɛ mɛ nu ogugu denɔ owũsise gɛ ɔɖɔ sɛ, “Ŋlɔmɛ: Ba yula betsitsi anɛ bagɛ be tsi nɛ Apalete nɛ mɛ denɔ ɔtsɔ̃ nɛ ɔvɛnɔ.” Ɔfufɔɛ nɛ ɔɔɖɔ sɛ, “Ee,” “be be muene denɔ balɛ axwɛ nɛ mɛ, alasɛ balɛ ebui bhɛbhɛtɛ nɛ aba za balɛe de.”

1 Tɛsolonianɛ 4:17

Kɛlɛe de, bulɔ bagɛ aka lɛ nɛ ɛkpã pɛ ba gɔ be be vua lɛ aplɛnɔa lɛ nɛ ɔmunɔ nɛ mɛ ada tsyanɔ Apalete nɛ kɛlɛm. Klɛ kana lɔ ba za plɛnɔ Apalete nɛ ɔyɛkɔ vɛnɔ.

Mateo 24:31

Klɛ aba kpɛ yɛ baxwɛdɛ nɛ buxulɔ̃ɛ bubɔ gɛganɛɛ kɛdɔ kukulu, klɛ be be xogo yɛ banɔ nɛ gɛ ebu nɛ alɛ talɛ̃ nɛ mɛ, denɔ owũsise nɛ obekekɔ ɔyɛkɔ vɛnɔ ɔgɔgɔɛkɔ.

2 Tɛsolonianɛ 2:1

Nɛ bulɔ Apalete Yesu Kristo tɛbɛba nɛ shu anɛ bulɔ tɛxuxogo vɛnɔ yɛ ɔbha, bu tsre nɔ, badzya mɔ,

Romanɛ 14:9

Nɛ kibui nɛ shu so, Kristo etsi klɛ etsodzi aba ɛkpãm sɛ tɛ ebe dzi Apalete kɔ be tsitsi nɛ belulu.