1 Tɛsolonianɛ 4:1 - ONUGBÙ NYƐNYÃ VUVƆ

¹ Gɔgɔɛ nɛɛ, badzya mɔ, bu kasɛ nɔ kana gɛ nɔ bɔ za sɛ tɛ no ku Kpaya awɔ̃, ansɛ gɛ nɔ lɛ nɛ kɛgbɛagba mɛ. Ɔtsɔ̃ nɛɛ bu bisi denɔ nɔ kɔ klɛ bu tsre nɔ nɛ Apalete Yesu mɛ sɛ nɔ bhɛtɛ ana otsodzini ɔzɔ bhɛtɛ.

1 Tɛsolonianɛ 4:1 Referans Kwoze

Koloseanɛ 1:10

Klɛ bu klukpaya sɛ tɛ nɔ za nɛ ɛkpã nɛ Apalete tɛpɛpɛɛ klɛ tɛ kiku yɛ awɔ̃ nɛ́ kidzonyɛdzo abha, tɛ kɛmɛna tɛyuyu anɛ kɛxwɛwɛwa dzyɔgo, tɛ bu zɛ she nɛ́ Kpaya kibui titi mɛ,

2 Tɛsolonianɛ 1:3

Alasɛ kibenyɛbe tɛ bu zɛ hu Kpaya ahwɛ nɛ wɔnɔɛ tɔkpu, badzya mɔ, klɛ kana kɛ lɛ, alasɛ wɔnɔ tɛyɛyɛkɛŋa nɛ kii she trɔ, klɛ tɛɖuɖɔ nɛ gɛ lɛ anɔnyanɔa hwɛ kɔ yɛɔhayɛ nɛɛ she trɔ.

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

Hebriuanɛ 13:16

Klɛ tɛ dzɛkɛ kɛdɔ dzyɔgo bhɛbhɛtɛ shu lu klɛ tɛ ɔkɔ wɔhaglɔɛ dɔ, alasɛ buguɛ nɛdi bulɛ ku Kpaya awɔ̃.

Filipianɛ 1:9

Klɛ kɛnɛ kɛlɛ nu mɛ kpayakuklu: sɛ wɔnɔ tɛɖuɖɔ nɛ yuku gbɛgba tsodzini gbɛgba anɛ́ kɛbuititi anɛ̀ ishumdzudzu vɛvɛ,

1 Tɛsolonianɛ 3:12

Kɔ Apalete nɛ abhɛtɛ wɔnɔ tɛɖuɖɔ tɛ lɛ vɛa bha tɛ ki yuku gbɛgba kɔ wɔnɔmayɛ kanyaka nɛ kɔ anɔnyanɔ tsyɛ, ansɛ gɛ bulɔayɛ nɛ abhɛtɛ kɔ nɔ.

Filipianɛ 3:14

Ɛwlãkɛ vɛnɔ sɛ tɛ ɛŋɛabha sɛ tɛ ɛyɛkɛ kabhaŋɛŋa kɛdɔ gɛ Kpaya eklu mɛ aganɔ owũsise mɛ nɛ Kristo Yesu mɛ.

1 Yohanɛsɛ 3:22

klɛ bu yɛkɛ kɛdɔnyɛdɔ gɛ bu bisi, alasɛ bu tatɔ yɛ ɛshã klɛ bu bhɛtɛ kɛgɛ apɛɛ.

Efesoanɛ 4:1

Anasɛ evuza kɔ Apalete, ɔkɛlɛ, ɛpɛɛ denɔ wɔnɔ kɔ sɛ tɛ nɔ za nɛ ɛkpã gɛ sɔnɔ tɛkuklu nɛ gɛ nɔ tɛ yɛkɛ.

2 Kɔrintioanɛ 13:11

Gugɔɛ, badzya, nɔ za mɔ. Nɔ za ɛkpã dzyɔgo, nɔ nu mɛ ebui nɛ gɛ ɛkpɛ nɔ kɔ, nɔ za nɛ kɛtɔkpui mɛ terikpo, nɔ za nɛ ishuyuyɔ mɛ. Klɛ Kpaya tɛdɛdɛmɛnɔ anɛ ishuyuyɔ lɛ ba za plɛnɛ nɔ.

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

2 Tɛsolonianɛ 3:1

Gɔgɔɛ nɛɛ, Badzya mɔ, no kulukpaya nɛ bulɔɛ tɔkpu sɛ tɛ Apalete nɛ bui nɛ kaka zia tɛ ba kpɛ kutɔkuesi akɔɛ lɛ, ansɛ gɛ kɛ za nɛ nɔ.

2 Tɛsolonianɛ 2:1

Nɛ bulɔ Apalete Yesu Kristo tɛbɛba nɛ shu anɛ bulɔ tɛxuxogo vɛnɔ yɛ ɔbha, bu tsre nɔ, badzya mɔ,

Koloseanɛ 2:6

Kɛlɛso anasɛ gɛ nɔ yɛkɛ Kristo Yesu anasɛ Apalete, nɔ vɛ kɛlɛ abha tɛ nɔ za nɛ́ yɛ mɛ,

Filipianɛ 1:27

Kibuinyɛbui gɛ kɛ baa, nɔ nyɛna wɔnɔ shu nɛ Kristo kibui dzyɔgo nɛ tɛzɛzam. Kɛlɛede, kɛba dzi sɛ ɛba pɛ ɛba mɔ nɔ ɔdɔgɔsɛ ɛba nu wɔnɔɛ dɔ nɛ mɛede, eba ti sɛ nɔ lɛ gɛganɛ nɛ ɔfufɔɛ torikpo mɛ, ɔwlãnkɛ ansɛ anɔ terikpo kɔ kibui dzyɔgo nɛabha yɛyɛkɛŋa

Yohanɛsɛ 15:2

Ete ɔshɛ̃nyɔshɛ̃ nɛ mɛ mɛ gɛ lɔ dɛ yu nɛ ebu, nɛlɛmɛ lɛ gɛ yu akanɛ lɛ sɛ tɛ lɛ yu gelee.

1 Tɛsolonianɛ 4:2

Alasɛ no nyi kɛdɔ nɛ gɛ bu kasɛ nɔ ganɔ Apalete Yesu kabhaŋɛŋa nɛa bha.

2 Kɔrintioanɛ 5:9

So bu yɛkɔ trɔ bulɔ shu sɛ bu babhɛtɛ tɛ kiku yɛ awɔ̃, kɛbɛlɛmɛ sɛ kepi lɔ lɛ nɛ ishuidzya mɛ pɛnɔ bu koeyi nɛ lɛ mɛ.

Romanɛ 8:8

Banɔ nɛ gɛ buzizi tɛzɛzam kɛlɛ gbanɔa lɛ nɛ ti be ku Kpaya awɔ̃.

Hebriuanɛ 13:22

Ma dzyalɛ, ɛkpɛtɔkpuesi kɔ nɔ tɛ nɔ bhɛtɛ trɔ mɛ kaɖɔɖuɖɔ abha, alasɛ keplukpa kplita ko mɛ ŋlɔmɛ kɔ nɔ.

Hebriuanɛ 11:6

Klɛ tɛyɛyɛkɛŋa mazɛlɛ mɛ ɔtɛ bɔ na Kpaya awɔ̃ ku, alasɛ anɔnyanɔ gɛ aba ba yɛ ɔkɔ alasɛ tɛ ayɛkɛŋa sɛ alɛ klɛ abuya kɛbhɛ kɔ bagɛ ba pɛɛ yɛ gɛganɛ.

Efesoanɛ 5:17

Kɛlɛso nɔ tɔ dɔ gã, pɔ nɔ nu kibui nɛesi gɛ Apalete tɛpɛpɛɛ nɛ lɛ.

Efesoanɛ 4:20

Wɔnɔ, nɛ kɛnɛ nɛ mɛ, nɔ dɛ ba bo ti Kristo nɛ kidzoe nɛɛ di aba.

2 Kɔrintioanɛ 10:1

Kristo yɛ tɛyɛyɔ anɛ ishunyɛnyɛna, ibisi denɔ wunɔ kɔ—Mɛ, Paulo, gɛ mɛ “kɛwɔ̃ɛ ku” kibelɛlɛ gɛ bu tsya amɛ nɛ amɛ nɛ wunɔ, pɔ “ɛgɛganɛ” kibelɛlɛ gɛ ɛma!

2 Kɔrintioanɛ 6:1

Anasɛ Kpaya baxwɛwa bu bisi denɔ nɛ wunɔ ahwɛ sɛ nɔ tɛ yɛkɛ Kpaya kɛdɔkukɔ nɛ kuã.

1 Kɔrintioanɛ 15:1

Ɔtsɔnɛ epɛɛ sɛ tɛ ɛbakanɔ kibui dzyɔgo gɛ ɛba ɖɔ kɔ nɔ, gɛ nɔ yɛkɛ klɛ kɛlɛ abha nɔ tsri.

1 Kɔrintioanɛ 11:23

Alasɛ kɛdɔ nɛ gɛ ɛyɛkɛ denɔ Apalete nɔ kɔ klɛ mɛ tsyɛ ɛyɛkɔ kɔ nɔ: Apalete Yesu nɛ elishi ba yɛkɔ yɛ akpahwɛ, ayɛkɔ gbɛ̃gbɛvu,

Axwɛwɛwa 20:27

Alasɛ ɛdɛ yii de nɛ Kpaya tɛpɛpɛ nɛ tɛ bubuɖɔ tsre nɔ shu.

2 Timotio 4:1

Nɛ Kpaya anɛ Kristo Yesu amɛ, bagɛ ebe kulu kebhui nɛ belulu anɛ betsitsi, klɛ nɛ yɛ tɛwɛwɛ̃ anɛ yɛ bukusiɔŋakɔ nɛ mɛ, ɛyɛkɔ ebuia nɛ kpɛ wɔahwɛ sɛ:

1 Timotio 5:21

Ibisi denɔ wɔnɔ ahwɛ mɛ, nɛ Kpaya anɛ Kristo Yesu anɛ kpayaxwɛdɛ nɛ gɛ be bu nɛ amɛ, sɛ nɔ nyɛna ebuia nɛ kɛdɔkɛkasɛ nɛ mɛ ovunɔ anɔamɛ madi madi, klɛ nɔ tɛ bhɛtɛ kibuinyɛbui ganɔ anɔɖuɖɔdɛ mɛ.

Galatianɛ 6:1

Madzyalɛ mɔ, onugɛ bevu anɔ teli gɛ abhɛtɛ kibuizizi, wɔnɔ bagɛ nɔ nu ɔfufɔɛmɛ ayɛ nɔ kasɛ yɛ kidzo dzyɔgo nɛ ishu nyɛnyɛna mɛ. Pɔ nɔ di ɛshuabha sɛ tɛfifekedi kɛ tɛba kɔ wɔ.

1 Tɛsolonianɛ 5:12

Ɔtsɔ̃, badzya mɔ, bu bisi denɔ wɔnɔ kɔ sɛ nɔ tatɔ nɛ bagɛ ba wa kɛxwɛ gɛganɛɛ nɛ wɔnɔɛ shi, gɛ balɛ kabha kɔ nɔ nɛ Apalete nɛ mɛ pɛ ba kasɛ nɔ ɔtsrɛ odzukɔ.

2 Tɛsolonianɛ 3:13

Klɛ wɔnɔ xũ, badzya mɔ, nɔ tɛ tɔ nɛ kibui dzyɔgo bhɛbhɛtɛ mɛ.