1 Tɛsolonianɛ 3:2 - ONUGBÙ NYƐNYÃ VUVƆ

² Bu kpɛ Timotio, gɛ enu bulɔadzya nɛ Kpaya axwɛwa bhla nɛ Kristoebui nɛ tɛkɛkɛka mɛ, tɛ abhɛtɛ nɔ tɛ nɔ gɛganɛ tɛ akpɛ nɔ kemi nɛ nɔ tɛyɛyɛkɛŋa nɛ mɛ,

1 Tɛsolonianɛ 3:2 Referans Kwoze

Filipianɛ 1:25

Nɛ kɛlɛabha yɛyɛkɛŋa mɛ, inyi sɛ ɛba wɔ wɔnɔ bha, klɛ ɛba vɛ kɛ lɛabha nɛ wɔnɔ petee kɔ wɔnɔ otugbavɛvɛ anɛ̀ same anɛ́ tɛyɛyɛkɛŋa nɛ mɛ,

2 Kɔrintioanɛ 8:23

Tito xũnɛ, enu mɛ abhla klɛ nɛ mɛ axwɛwa nɛ wunɔɛ shi, bulɔ adzyalɛ nɛ xũ, bala lɛ basɔlɛsɔlɛɔha nɛ nu klɛ be nu kabhakpɛkpɛ kɔ Kristo.

2 Kɔrintioanɛ 1:19

Alasɛ Kpaya yɛ Yi, Yesu Kristo, gɛ yɛ bui mɛ nɛ Silas anɛ Timotio bu ɖɔ nɛ wunɔ shi, kɛ dɛ nu “Ee” nɛ “Oo,” pɔ nɛ yɛ mɛ kɛbenyɛbe kɛnu “Ee.”

2 Kɔrintioanɛ 1:1

Mɛ Paolo, Kristo Yesu anɔkpɛkpɛ nɛ́ Kpaya tɛpɛpɛɛ nu, Timotio bulɔ adzya. Kɔ Kpaya busɔlɛɔha nɛ́ Kɔrintio, ɔyɛkɔ plɛnɔ kpayabanɔ nɛ petee ganɔ Akasia:

Romanɛ 16:21

Timotio, mɔhayɛ axwɛwa, asɛnɛ nɔ asɛsɛ, ansɛ gɛ Lusiusɛ, Yasɔnɛ anɛ Sosipata gɛ nu meshopoalɛ nɛ tsyɛa bhɛtɛ.

Axwɛwɛwa 16:5

Klɛso nɛ busɔlɛha nɛ ba gɛganɛ nɛ kabha yɛyɛkɛŋam klɛ lɛ she trɔ nɛ tikpikpem kiwi nyɛ wi.

Axwɛwɛwa 16:1

Paolo ebe ku Dɛbi klɛ afla vɛ Listra, ɔkɛlɛ adɔkpasɛ teli gɛ be klua sɛ Timotio aza, yɛeni edzi Yuɖadzi teli gɛ ayɛkɛaŋa, pɔ yaka nɛ edzi Grikieyi teli.

1 Tɛsolonianɛ 3:13

Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

Koloseanɛ 4:12

Epafra, gɛ enu wɔnɔmɛayɛ teli nɛ Yesu Kristo axwɛdɛ, asɛnɛ nɔ asɛsɛ. Awlãnkɛ eklukpaya kibenyɛbe nɛ wɔnɔɛ tɔkpu, sɛ tɛ nɔ za gɛganɛ nɛ́ Kpaya tɛpɛpɛɛ petee mɛ, nɔ she tɛ nɔ bhɛtɛ yɛ ebui tɛ la na.

Koloseanɛ 4:9

Aaba plɛnɔ Onesimusɛ, bulɔ adzya mumɔa gɛ enu wũnɔ mayɛ teli. Ba be tsre nɔ ebui nɛ gɛ lavɛabha nɛ ɔkɛnɛ.

Koloseanɛ 1:7

Nɔ kpasɛ lɛ denɔ Epafrasɛ, bulɔ ɔhayɛ axwɛdɛ, gɛ enu Kristo axwɛwa gɛ ayɛkɛaŋa nɛ bulɔ nu,

Koloseanɛ 1:1

Paolo, Kristo Yesu anɔkpɛkpɛ nɛ́ Kpaya tɛ pɛpɛɛ nu, nɛ Timotio bulɔ adzya,

2 Kɔrintioanɛ 2:13

Ɔbɔ nanɔ nɛ ɔtsɔ̃ ɛkamɔ ishu mɛ yuyɔ, alasɛ ɛdɛ mɔ madzya Tito nɛ ɔkɛlɛ. Kɛlɛso itsre alɛ sɛ ba za mɔmɔ klɛ ɛshɛ vɛ Makedonia.

1 Kɔrintioanɛ 4:17

Nɛ kibui nɛ so ɛsɛsɛ nɔ Timotio, mɛ yi gɛ ɛdɛmɛnɔ, gɛ enu ayɛyɛkɛŋa nɛ Apalete mɛ. Aba baka nɔ mɛ kpã dzo gɛ ɛyɛ kɔ za Kristo Yesu ede, gɛ kɛsɔnɔ kɛdɔ gɛ ɛkasɛ nɛ ɔkɔnyɔkɔ nɛ busɔlɛ kanyaka mɛ.

Axwɛwɛwa 18:5

Gɛ Silas anɛ Timotio ede Makedonia aba, Paolo ayɛkɔ kibuinɛ tɛɖuɖɔ atrɔ shu, klɛ ebu akasɛ Yuɖanɛ na sɛ Yesu yɛ enu Kristo.

1 Kɔrintioanɛ 3:10

Nɛ Kpaya kɛdɔkukɔ gɛ akɔ mɛ, idzu buvu nɛ kesi kpɛkpɛ dzyɔgo anasɛ evudzu gɛ avɛ otugba, klɛ anɔ teli tsyɛ èdzu atrɔ bulɛabha. Pɔ akanyaka nɔ edishuabha nɛ bulɛ tɛdzudzu.

2 Kɔrintioanɛ 2:12

Ɔtsɔnɛ gɛ ɛvɛ Troasɛ tɛ ɛɖɔ Kristo bui dzyɔgo klɛ ɛmɔ sɛ Apalete adanɛ kidzo kɔ mɛ,

1 Tɛsolonianɛ 3:5

Kibui nɛ so, gɛ ɛtɛa na kɛlɛ nu za, ɛkpɛ odu sɛsɛ sɛ tɛ iti kibui denɔ wɔnɔ tɛyɛyɛkɛŋa nɛ shu. Ɛganɔ awɔ̃ sɛ nɛ kidzo tilia bha Satana eti be feke nɔ edi klɛ bulɔ tɛ tɛbhɛbhɛtɛ nɛ tɛa ba za kibuinyɛbui mɛ.

2 Tɛsolonianɛ 2:17

akpɛ wɔnɔ idzyi nɛ kemi klɛ tɛ akɔ nɔ gɛganɛ nɛ nɔ kibui dzyɔgo bhɛbhɛtɛ kanyaka mɛ anɛ kaɖɔɖuɖɔ.