1 Tɛsolonianɛ 2:10 - ONUGBÙ NYƐNYÃ VUVƆ

¹⁰ No nu bebuimɔɖɔ, klɛ kana Kpaya tsyɛ alɛ, nɛ kana gɛ bulɔ ishubhui, tɛnɛnamɛzɛza anɛ kɛpɔ maza lɔ shu nɛ mɛ gɛ bu yɛkɔ za wɔnɔa gɛ ɔyɛkɛɔŋa nɛ shi.

1 Tɛsolonianɛ 2:10 Referans Kwoze

1 Petro 5:3

tɔ ŋa bukusi nɛ bagɛ lɛ wɔesi, pɔ odzi kɛdɔ gɛ bamɔabhɛtɛ kɔ Ibhoshiha.

1 Tɛsolonianɛ 1:5

alasɛ bulɔ kibuidzyɔgo nɛ dɛ ba kɔ nɔ bubɔɛbɔɛ ganɔ kaɖɔɖuɖɔm, pɔ ganɔ kemi mɛ tsyɛ, anɛ Ɔfufɔɛ Dzyɔgo nɛ awɔ̃kuku dzudzu mɛ. No nyi kana gɛ bu za wɔnɔɛ shi nɛ wɔnɔɛ tɔkpu so.

2 Kɔrintioanɛ 1:12

Ɔtsɔ̃nɛ kɛnɛ kɛlɛ nu bulɔ ishufifeke: Bulɔ tɔkpuimɛ tsre lɔ sɛ bu nyɛna shu nɛ kanɔ nɛ mɛ, klɛ ɔyɛkɔdɛana terikpo bhɛbhɛtɛ nɛ nɔ, nɛ tɛbhubhui anɛ kibui gbɛgbla bhɛbhɛtɛ gɛ kide Kpaya kɔ. Bu bhɛtɛ kibui nɛ ana ganɛ nɛ kanɔmɛ kibuinyinyi shu pɔ nɛ Kpaya kɛdɔkukɔ shu.

2 Timotio 3:10

Pɔ wɔ xũ, onyi kibuinyɛbui di odenɔ mɛ kɛdɔkɛkasɛ nɛ shu, mɛ ɛkpã zɛza, mɛ kɛdɔnɔ nɛ so, tɛyɛyɛkɛŋa, tɛdudɔfɔɔ̃, tɛɖuɖɔ, kanyɛtsitsi,

Axwɛwɛwa 20:18

Gɛ be be ku nɛɛ, Etsrea lɛ asɛ: “No nyi kana gɛ ɛza nɛ kibe nɛ peteem gɛ ɛza wɔnɔ bha, denɔ kiwi tutɔpu nɛ gɛ ɛba tsoku Asia kɛdɔ nɛm.

1 Timotio 4:12

Tɛ kɔ anɔnyanɔ ebu wɔnɔa bha agɔ alasɛ no ko she so, pɔ nɔ kɔ kɛ gɛ bagɛ ba yɛkɛaŋa nɛ ebe diabhɛtɛ nɛ kaɖɔ ɖuɖɔ mɛ, anɛ ɛkpã mɛ, anɛ tɛɖuɖɔ mɛ, anɛ tɛyɛyɛkɛŋa mɛ ganɛ nɛ ishu bhubhui mɛ.

2 Tɛsolonianɛ 3:7

Alasɛ wɔnɔ nahwɛ no nyi kana gɛ alasɛ tɛ nɔ za bulɔɛ lɛ nɛ gɛ bu lɛ nɛede. Bu dɛ kpɛ aye nɛ kibe lɛ nɛ gɛ bu za wɔnɔ bha,

1 Tɛsolonianɛ 2:5

No nyi ɔsɛ bulɔ bu tɛɛ wɛɛ anɔ amɛ, pɛ ɔdɔgɔsɛ bu yɛkɔɛdɔ kumu amɛ sɛ tɛ bu kpu bulɔɛdɔ gbla pɛpɛ kɔ ishu—Kpaya yɛ enu bulɔ ebuimɔɖɔ.

2 Kɔrintioanɛ 11:11

Kideso? Alasɛ ɛdɛ pɛɛ wunɔ bui? Kpaya enyi sɛ ɛpɛɛ wunɔ bui!

2 Kɔrintioanɛ 7:2

Nɔ bhɛtɛ ɔzakɔ kɔ lɔ nɛ wunɔ idzyi mɛ. Bu dɛ bhɛtɛ kibuizizi nɛ anɔnyanɔ shu, bu dɛ yɛkɛ anɔnyanɔ dɔ nɛ tɛgɛganɛ mɛ, bu dɛ ga bushɛ mɛ zuru anɔnyanɔ.

Axwɛwɛwa 24:16

Klɛso nɛ kibenyɛbe nɛɛ ɛlɛ nɛ kitem dɛdanɛ nɛ Kpaya anɛ Anɔdzyrame amɛ.

Axwɛwɛwa 20:26

Kɛlɛso nɛɛ, ɛbuɖɔ tsre nɔ obo nɛ sɛ, ɛtɛ nyi kibui nyɛbui denɔ banɔnyanɔ dzyosu shu.

2 Kɔrintioanɛ 11:31

Kpaya anɛ Apalete Yesu Aka, gɛ yɛ nyi ba bakpɛabha ɔvɛnɔ faã, enyi sɛ ɛtɛ hu otro.

2 Kɔrintioanɛ 5:11

Denɔ, kibelɛlɛ, bu nyi kɛdɔnɔ gɛ nu kɛfusisi nɛ Apalete nɛ shu, bu wlãnkɛ tɛ bu wɔɛ banɔ nu. Kɛdɔnɔ gɛ bu nu Kpaya enyi lɛ wee, klɛ idi kidzoenu sɛ nɔ nyi lɛ wee nɛ wunɔ shuimɛ.

2 Kɔrintioanɛ 4:2

Nɛlɛede bu shɛnahwɛ ebui kpukpu anɛ̀ kɛwɔɛ̃ edzo nɛ shu lu, bu tɛyɛkɔ anɔ wuwɔɛ ebui, ɔdɔgɔsɛ bu tsyina Kpaya bui. Kɛlɛmaza, ganɔ kɛgbɛagba kɛkasɛ wee bulɔnahwɛ bu trɔ ahwɛ kɔ anɔnyanɔ bui bhɛbhɛtɛ nɛ Kpaya amɛ.

Luka 23:41

Ba tɛta lɔ batɔ nɛ kidzo dzyɔgo abha, alasɛ bu yɛkɛ kɛgɛ bulɔ ebui bhɛbhɛtɛ nɛ ebisi. Pɔ anyɛa nɛ adɛ bhɛtɛ kibui zizi.”