1 Petro 1:8 - ONUGBÙ NYƐNYÃ VUVƆ

⁸ Nɛlɛmɛ sɛ nɔ kɔ mɔɛ yɛ odi, nɔ dɛmɛ yɛ bui, klɛ ɛlɛmɛ tsyɛ nɔ tɔ mɔ yɛ ɔtsɔnɛ, nɔ yɛkɛ yɛabhaŋa klɛ nɔ yuku nɛ maɖɔmaɖɔ nɛ kabhakpɛkpɛ same,

1 Petro 1:8 Referans Kwoze

Yohanɛsɛ 20:29

Yesu ɛtsre yɛ asɛ, “Alasɛ ɔtsɔlɛ gɛ ɔmɔ mɛ, ɔyɛkɛŋa, tɛyuyula kɔ ba gɛ ba dɛ mɔ pɔ ba yɛkɛŋa.”

2 Kɔrintioanɛ 5:7

Bulɛ nɛ kpã nɛ tɛyɛyɛkɛŋa mɛ, ganɛ kɛdɔmumɔɛ mɛ.

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

Hebriuanɛ 11:1

Ɔtsɔ̃nɛ tɛyɛyɛkɛŋa kɛlɛ nu sɛ yɛkɛɔŋa sɛ kɛgɛ ɔtɔ mɔ tsyɛ pɛ kidzoenu didi lɛ wɔ ahwɔ sɛ kɛ ba ba.

Yohanɛsɛ 16:22

Kanake wunɔ tsyɛ nɔ lɛ: Ɔtsɔnɛ wunɔ be lɛ nu sɛ nɔ bɔ mɔ butɔ, pɔ ɛzɛa mɔ nɔ klɛ nɔ bɔ tsodzi ɔmɔ same gɛ anɔnyanɔ atɛ ba yɛkɛ wunɔ same mumɔ.

2 Kɔrintioanɛ 4:18

Kɛlɛso budɛ yɛkɔ aŋuhu trɔ kɛdɔ nɛ gɛ kɛ wɔɛ̃, pɔ kɛ gɛ tɛ wɔɛ̃ nɛabha. Alasɛ kɛgɛ wɔɛ̃ kɛlɛ be dɛdze, pɔ kɛgɛ tɛɛ wɔɛ̃ kɛlɛ tɛ beke.

1 Petro 1:6

Nɛ kɛnɛ nɛ mɛ nɔ mɔ same gbɛgbla, nɛlɛmɛ ɔtsɔ̃nɛ kɔ kibe bhliyi nɔ tɛ mɔ butɔ gelee edidedi nɛ̀ tɛfifekedi mɛ.

Hebriuanɛ 11:27

Tɛyɛyɛkɛŋa so ashɛ̃ nɛ Egipte, ekusi nɛ obulo odi ku yɛ kifu, alasɛ anyɛna agɛ ata mɔ gɛganɛ anasɛ bumɔ yɛamɔ yɛ.

1 Petro 2:7

Ɔtsɔ̃ nɛ kɔ wɔnɔagɛ ɔyɛkɛŋa, sɛ kɛklãgbui nɛ ŋɛedzi. Pɔ kɔ bagɛ ba dɛ yɛkɛŋa, “kɛklãgbu nɛ gɛ bevudzu na dɛ yɛkɛ kɛ badzi ɔxãkɔɛ kɛklãgbu,”

Filipianɛ 4:4

Nɔ mɔ same nɛ́ Apalete nɛ mɛ kibenyɛbe. Ɛka baɖɔ lɛ sɛ: Nɔ mɔ same!

1 Petro 5:4

Klɛ kibenɔ gɛ Agbɛgbanɔ Ekusi ebe koɛyi, nɔ bɔ yɛ kɛ kabhaŋɛŋa kikutu gɛ kɛtɛ ba klo.

Efesoanɛ 6:24

Ɛyamyuyɔ kɔ nɔ petee gɛ nɔ dɛmɛ nɛ bulɔ Apalete Yesu Kristo plɛnɔ tɛdɛdɛmɛnɔ gɛ kɛ tɛ ba tsi di.

Filipianɛ 1:25

Nɛ kɛlɛabha yɛyɛkɛŋa mɛ, inyi sɛ ɛba wɔ wɔnɔ bha, klɛ ɛba vɛ kɛ lɛabha nɛ wɔnɔ petee kɔ wɔnɔ otugbavɛvɛ anɛ̀ same anɛ́ tɛyɛyɛkɛŋa nɛ mɛ,

Romanɛ 14:17

Alasɛ Kpaya bukusiɔŋakɔ, ganɛ kɛdɔŋɛŋa anɛ kɛdɔwɛ̃wɛ bui, pɔ tɛnɛnamɛzɛza, ishuyuyɔ anɛ same nɛ Ɔfufɔɛ Dzyɔgo nɛ mɛ,

Yohanɛsɛ 14:24

Anɔ gɛ adɛ dɛmɛnɔ nɛ mɛ atɛba bhɛtɛ atrɔ mɛ kɛdɔkɛkasɛ nɛabha. Ebuianɛ gɛ nɔ nu le dinu mɛnahwɛ ayɛ, le nu Aka nɛ gɛ akpɛ mɛ nɛ ayɛ.

Yohanɛsɛ 8:42

Yesu etsre alɛ sɛ, “Onugɛ Kpaya ebe dzi wunɔ Aka, nɔ tɔ dɛmɛnɔ nɛ mɛ alasɛ ɛde Kpaya ɔkɔ klɛ ɔtsɔnɛ ɛlɛ ɔkɛ nɛ. Ɛdɛ ba nɛ mɛ nahwɛ shui mɛ, pɔ ya kpɛ mɛ.

Filipianɛ 3:3

Alasɛ bulɔ nu bunyɛnyɛ bhubhui, bulɔ gɛ nu bunyɛnyɛ bhubhui, bulɔ bagɛ kpɛtɔkpuesi kɔ Kpaya Ɔfufɔɛ, gɛ bu kpasɛ Kristo Yesu ishubhubhui nɛ mɛ, klɛ bulɔ idzyigɛganɛ ama ishuidzya nɛ mɛ—

Galatianɛ 5:22

Pɔ Ɔfufɔɛ nɛ eyuyu ɔlɛ nu tɛdɛdɛmɛ nɛ anɔ, same, ishuyuyɔ, tɛdɛdɔfɔ̃, ɛyɛmɛyɛyɔ, kɛdzyɔgo bhɛbhɛtɛ tɛyɛyɛkɛŋa,

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

2 Kɔrintioanɛ 12:4

bɛ vu yɛ avɛnɔ kabha nɛ paradiso. Enu ebui nɛ gɛ lamaɖɔkɔ, ebui gɛ ba dɛ kɔɛ dzo sɛ tɛ anɔ aɖɔ.

2 Kɔrintioanɛ 9:15

Ahwɛhuhu kɔ Kpaya kɔ yɛ kɛdɔ mashurɔ mashurɔ dɔkukɔ!

2 Kɔrintioanɛ 1:22

atsa yɛ kɛna kɔ lɔ sɛ bu nu yɛ ayɛ, klɛ akpɛ yɛ Ɔfufɔɛ Dzyɔgo nɛ bulɔ idzyi mɛ anasɛ kɛdɔ bɛbala, kedezɛza kɔ kɛgɛ ba ba.

Axwɛwɛwa 16:34

Agɛ akpɛa lɛ buvu na gbanɔa lɛ amɛna yɛ bupa mɛ klɛ aba trɔ kɛŋɛŋa ɔkplɔ̃ akɔa lɛ; anyɛ nɛ ebe yuku nɛ samɛ alasɛ yɛ nɛ yɛeyialɛ nɛ petee aba yɛkɛ Kpaya bha aŋa.

Yohanɛsɛ 14:21

Anɔ nɛ gɛ ayɛkɛ mɛ ɛshã klɛ abhɛtɛ atrɔ ɛlɛabha, yɛ nu anɔ nɛ gɛ adɛmɛnɔ nɛ mɛ. Anɔ nɛ gɛ adɛmɛnɔ nɛ mɛ mɛ Aka aba dɛmɛnɔ nɛ yɛ, klɛ mɛ tsyɛ ɛba dɛmɛnɔ nɛ yɛ klɛ ɛba yɛkɔ mɛ shu kasɛ yɛ.”

Yohanɛsɛ 14:15

“Onugɛ nɔ dɛmɛnɔ nɛ mɛ, nɔ bɔ bhɛtɛ ɔtrɔ mɛ ɛshã nɛabha.

Mateo 10:37

“Anɔnyanɔ gɛ aɖɔ yaka anɛ yeni adɛ mɛ klɛ adɛ na kɔ mayɛ tɛdzidzi, anɔnyanɔ gɛ aɖɔ yɛ eyianyɛ anɛ yɛ eyiadzɛ adɛ mɛ klɛ adɛ na kɔ mayɛ tɛdzidzi,

1 Kɔrintioanɛ 16:22

Onugɛ anɔteli adɛ dɛmɛnɛ Apalete—ba ba ɖɔɛbui akpɛ yɛ. Ba, O Apalete!

Efesoanɛ 3:19

klɛ tɛ nɔ tii yɛ anɔɛbui tɛdɛdɛmɛ gɛ kɛdɔ fla tititi—tɛ be yuku nɔ kɔ tɛsɛsɔnɔ Kpaya tɛyuyuku petee.