1 Petro 1:5 - ONUGBÙ NYƐNYÃ VUVƆ

⁵ ganɔ agɛ tɛyɛyɛkɛŋaɛ abha Kpaya kemi kakpɛ buka kpɛ ɔdɔtɔnɔ kibe nɛ gɛ tɛbhubhuiyɛkɛ kɔ ba kɛlɛ nu tɛbubukasɛ nɛ kibe gugɔɛ nɛabha.

1 Petro 1:5 Referans Kwoze

Filipianɛ 1:6

idzyigɛganɛ alɛ mɛ ahwɛ sɛ, agɛ yakpɛ kɛxwɛ dzyɔgoe nɛesi nɛ wɔnɔ mɛ aba vɛ kɛlɛa bha ɔdɔtɔnɔ kɛlɛ obekekɔ nɛ Kristo Yesu kiwi nɛabha.

Efesoanɛ 2:8

Alasɛ ganɔ ɛyamyuyɔ mɛ be bhui nɔ ayɛkɛ, nɛ tɛyɛyɛkɛŋa mɛ—klɛ kɛnɛ kɛ di de wɔnɔ nahwɛ ɔkɔ, kɛ nu Kpaya kɛdɔ gɛ akɔ—

1 Petro 1:13

Kɛlɛso nɔ kpɛ kɛtɔkpu mɛ kɔ tɛbhɛbhɛtɛ, nɔ nyɛna shu, nɔ za kidzodidi abha mɔmɔ kɔ kɛdɔkukɔ kɔ tɛ ba kɔ nɔ kibelɛlɛ nɛ gɛ be be bu Yesu Kristo akasɛ.

Yuɖa 1:1

Yuɖa, Yesu Kristo axwɛdɛ anɛ Yakobo yɛadzya, Kɔ bagɛ be kulu, gɛ Kpaya Aka nɛ aɖɔ klɛ Yesu Kristo anyɛna evunɔ:

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

2 Timotio 3:15

klɛ ansɛ kana gɛ denɔ wɔ kɛnuvɔbe pɛ onyi Kpayɛbui buplukpa mɛ ebui gɛ alɛ shu bhui, gɛ ana wɔ bhɛtɛ pɛ onyibui kɔ tɛbubu ganɔ tɛyɛyɛkɛŋa nɛ Kristo Yesu mɛ.

Galatianɛ 2:20

Bulɔ anɛ́ Kristo la kplasɔ klɛ ɛva ma nɛ kpã, pɔ Kristo alɛ nɛ ɛkpã nɛ mɛ mɛ. Ɛkpã nɛ gɛ ɛlɛ nɛ ishuidzya mɛ, ɛlɛ nɛ ɛkpã nɛ Kpaya yɛ Eyi tɛyɛyɛkɛŋa abha gɛ adɛmɛ mɛ klɛ ayɛkɔ yɛnahwɛ akɔ nɛ mɛ tɔkpu.

Yohanɛsɛ 17:15

Mɛ kpayakuklu edi nu sɛ tɛ obu alɛ nɛ kanɔ nɛ mɛ pɔ sɛ tɛ ɔkpɛ buka kpɛ alɛ denɔ ezizi na hwɛ mɛ.

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Efesoanɛ 3:17

sɛ tɛ Kristo aba za wɔnɔ idzyi mɛ ganɔ tɛyɛyɛkɛŋa abha. Klɛ ibisi sɛ wɔnɔ, nɔ kpɛ igu nɛ anɔ tɛtɛdzuesi mɛ nɛ tɛdɛdɛmɛ nɛ anɔ mɛ,

Romanɛ 11:20

Yɛkɔɛ lɛ sɛ kɛ bɛɛ lɛm ana. Pɔ be dzyini lɛ atɛɛ̃ akpɛ mayɛkɛ mayɛkɛŋa so, klɛ oli titi nɛ tɛyɛyɛkɛŋɛa bha. Tɛ za ɔwɔ̃dzu mɛ, pɔ za kifusisi mɛ.

Yohanɛsɛ 12:48

Kebhui kuklu alɛ kɔ anɔ nɛ gɛ adɛ pɛɛ mɛ ebui klɛ adɛ yɛkɛ mɛ ebui, kɛ bui lɛlɛ nɛ gɛ ɛɖɔ kɛ ba bu yɛ pɔ nɛ kiwui gugɔɛ nɛabha.

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Yuɖa 1:24

Kɔ anɔ nɛ gɛ anyɛna wɔnɔ evunɔ sɛ nɔ tɛ bɔ wɔlɛ klɛ tɛ ayɛkɔ nɔ akpɛ ahwɛ nɛ yɛ tɛzɛzamɔmɔ amɛ, butsutsɔmɔ maza kɛlɛ mɛ anɛ samemumɔ gbla—

1 Yohanɛsɛ 3:2

Ɛbhɛya mumɔa, ɔtsɔ̃nɛ bu nu Kpaya ye yialɛ, klɛ kɛdɔnɔ nɛ gɛ bu badzi ba ka kɔ lɔ ti lɛ. Pɔ bu nyi sɛ kibe nɔ gɛ aba koeyi, bu ba dzi anasɛ yɛ, alasɛ bu ba mɔ yɛ anasɛ gɛ alɛ.

Hebriuanɛ 6:12

Bu tɛ pɛɛ sɛ tɛ nɔ zɔ vɔ, pɔ nɔ di ba gɛ ganɔ tɛyɛyɛkɛŋa nɛ tɛdɛdɛ fɔɛ̃ mɛ pɛ ba bayɛkɛ kɛ gɛ baɖɔ tsre alɛ sɛ ba ba kɔ alɛ.

2 Kɔrintioanɛ 1:24

Ganɛ sɛ bu trɔ wunɔ tɛyɛyɛkɛŋa abha, pɔ bu wɛxwɛ nɛ nɔ kɔ wunɔ same, alasɛ tɛyɛyɛkɛŋa mɛ nɔ lɛ gɛganɛ.

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Romanɛ 8:18

Idi lɛ sɛ bulɔ ɔtsɔ̃ nɛ batɔ́ nɛ ama gɛ ba ba yɛkɔ sɔnɔ ishubhuibhui nɛ gɛ be be bu akasɛ nɛ bulɔ mɛ.

1 Kɔrintioanɛ 1:21

Alasɛ nɛ Kpaya buititi mɛ kanɔ gabɔ kalɛ kibuinyinyi mɛ ke di ti yɛ, kɛku Kpaya awɔ̃ ganɔ matimati kɛdɔ kɛkasɛ busɔlɛ buiɖɛɖɔ tɛ bayɛkɛkɔ bagɛ bayɛkɛ aŋa.

Filipianɛ 4:7

Klɛ Kpaya ishuyuyɔ, gɛ kɛdɔfla ebuiesinunu petee, kɛ ba po wɔnɔ idzyi anɛ wɔnɔ atɔkpu mɛ nɛ́ Kristo Yesu mɛ.

1 Petro 4:13

Pɔ nɔ mɔ same sɛ nɔ bhɛtɛ tili nɛ Kristo butɔ mumɔ nɛ mɛ, sɛ tɛ nɔ bɔ mɔ same ɔflanɔ kibenɔ nɛ gɛ be bu yɛ ishubhubhui nɛ akasɛ.

1 Petro 5:1

Kɔ beshishe gɛ balɛ wũnɔɛ mɛ ibisi denɔ wũnɔ kɔ sɛ, anasɛ wɔnɔ mayɛ eshishe, kibuimɔɖɔ anɛ́ Kristo butɔ nɛ̀ agɛ yɛ tsyɛ aba mɔ tɛbhubhui gɛ ba be bukasɛ:

2 Petro 1:3

Kpaya kemi ka kɔ lɔ kɛdɔnyɛdɔ gɛ bu pɛɛ kɔ ɛkpã nɛ kpayamɛ zɛza ganɔ agɛ eklu lɔ nɛ tɛtiti mɛ nɛ́ yɛnahwɛ ishubhubhui anɛ̀ kɛdzyɔgo bhɛbhɛtɛ.