1 Petro 1:12 - ONUGBÙ NYƐNYÃ VUVƆ

¹² Bebu akasɛ alɛ sɛ anɛ balɛ nahwɛ ba dɛ axwɛ kɔ pɔ wũnɔ, kibelɛlɛ gɛ ba ɖɔ ebuianɛ gɛ ɔtsɔnɛ be tsre nɔ bagɛ balɛ ɖɔ Kibui Dzyɔgo kɔ nɔ nɛ Ɔfufɔɛ Dzyɔgo ba sɛsɛ denɔ owũsise. Baxwɛdɛ kuratsyɛ ba pɛɛ kukuku sɛ tɛ be di ebuia nɛ mɛ.

1 Petro 1:12 Referans Kwoze

Yohanɛsɛ 15:26

“Kɛbenɔ nɛ gɛ Apɛplɛnɔ aba ba, agɛ yɛ ɛba kpɛ nɛ wunɔ kɔ denɔ Aka nɔ kɔ, kɛgbɛagba Ɔfufɔɛ gɛ lɔ ga koeyi denɔ Kpaya ɔkɔ, aba ɖɔaɖɔ denɔ mɛ shu.

Efesoanɛ 3:10

Yɛ tɛpɛpɛɛ kɛlɛ dzi sɛ ɔtsɔnɛ, ganɔ busɔlɛha nɛabha, be bu Kpaya kibuinyinyi gelee ba kɔalɛ tii kɔ bagɛ baŋakabha anɛ kemielete nɛ́ owũsise kanɔ mɛ,

1 Kɔrintioanɛ 2:10

pɔ Kpaya ebuakasɛ lɔ ganɔ yɛ Ɔfufɔɛ nɛabha. Ɔfufɔɛ nɛ oluawɔ̃di kɛdɔnyɛdɔ, Kpaya ekpukpu kuratsyɛ.

Hebriuanɛ 4:2

Alasɛ bulɔ tsyɛ bɔ yɛkɛ Kibui Dzyɔgo nɛ gɛ ba ɖɔ tsre lɔ, anasɛ gɛ ba bhɛtɛ, pɔ kibui ɖuɖɔ gɛ be nu kɛdziŋɛŋa kanyaka ka ma kɛlɛ shu kɔ alɛ, alasɛ bagɛ be nuɛlɛ ba dɛ yɛkɔɛ lɛ tɛyɛyɛkɛŋa ataplɛnɔ.

Marko 16:15

Yesu etsre yɛ badɔkpasɛ nɛ asɛ, “No tsoku kanɔ nɛm petee tɛ nɔ ɖɔ kibui dzyɔgo nɛ otsre kanɔ nɛ petee.

1 Petro 1:25

pɔ Apalete nɛ bui nɛ lɛ kibenyɛbe.” Klɛ kɛnɛ kɛlɛ nu kibui gɛ ba ɖɔaɖɔ tsre nɔ.

Tɛbubukasɛ 5:11

Ɔkɛlɛ mɛ idi klɛ mɛ nu kpayaxwɛdɛ gelee ili mɛ, gɛ balɛ tɛkɛkla mɛ na akpã ɔyɛkɔ trɔ akpã bha, nɛ akpã lɔfɔ yɛ ɛzakɔ lɔfɔ. Ba kana bukusiegbu anɛ kɛdɔbhɛbhɛtɛ lulu anɛ banɔ shishe nɛ atsya.

2 Kɔrintioanɛ 6:6

nɛ́ kɛdzyɔgoɛ, kibuiesinunu, tɛdudɔfɔɔ̃ anɛ̀ ɛyamyuyɔ, nɛ́ Ɔfufɔɛ Dzyɔgoe mɛ anɛ̀ tɛdɛdɛmɛnɔ dzyɔgo,

2 Kɔrintioanɛ 1:22

atsa yɛ kɛna kɔ lɔ sɛ bu nu yɛ ayɛ, klɛ akpɛ yɛ Ɔfufɔɛ Dzyɔgo nɛ bulɔ idzyi mɛ anasɛ kɛdɔ bɛbala, kedezɛza kɔ kɛgɛ ba ba.

Romanɛ 15:19

ganɔ kɛdɔmumɔ anɛ ebuiyiyinɔanɔ kemi nɛa bha, ganɔ Ɔfufɔɛ nɛ kemi mɛ. So denɔ Yerusalɛm kidzo nɛa bha petee ɔvɛnɔ Ilirikumɛ, ɛtɛ bu Kristo kibuidzyɔgo nɛ ɖɔ petee.

Axwɛwɛwa 2:33

Be feke yɛ ada kpɛ Kpaya kɛŋahwɛ mɛ, klɛ ayɛkɛ Ɔfufɔɛ Dzyɔgo nɛ edenɔ Yaka ɔkɔ ansɛ gɛ aɖɔelu klɛ atɛ balɛ kɛ gɛ nɔɔ mɔ pɛ noo nu nɛ elu.

Hebriuanɛ 2:4

Kpaya tsyɛ ebuilɛ akasɛ nɛ ebuimumɔ, kifuebui anɛ ebuiyinɔanɔ ediedi, anɛ kɛdɔ kukɔ denɔ Ɔfufɔɛ Dzyɔgo nɛ dɔ yɛyakɔ anɔ nɛ yɛ tɛpɛpɛɛ.

Galatianɛ 1:16

sɛ tɛ ebu yɛ Eyianyɛ nɛ akasɛ nɛ̀ mɛmɛ sɛ tɛ ɛba ɖɔ yɛ bui nɛ bagɛ be dinu Yuɖanɛ shi, ɛdɛ da bisi anɔnyanɔ nu,

Galatianɛ 1:12

Ɛdɛyɛkɛ lɛ denɔ anɔnyanɔ kɔ, ɔdɔgɔsɛ bakasɛ mɛ lɛ, pɔ nɛɛ, ɛyɛkɛ lɛ ganɔ Yesu Kristo kibui bubukasɛ nɛ mɛ.

Romanɛ 10:15

Klɛ kɛlɛ la ba ɖɔ yɛ shui bui onu gɛ baa ka kpɛ alɛ? Ansɛ gɛ ba ŋlɔmɛ kɛlɛ elu sɛ, “Kɛlɛ bagɛ ba mɛna kibui dzyɔgo nɛ butsrukpɔ ba pudi!”

Romanɛ 1:17

Alasɛ nɛ kibuidzyɔgo nɛ mɛ tɛzɛzam dzyɔgo denɔ Kpaya ɔkɔ nɛ bu kasɛ, tɛzɛzamdzyɔgo gɛ ganɔ tɛyɛyɛkɛŋam denɔ kesikpɛkpɛ ɔvɛnɔ obekekɔ, ansɛ gɛ kɛ ŋlɔmɛ li sɛ: “Anɔnɛna aba za ganɔ tɛyɛykɛŋam.”

Luka 15:10

Nɛ kidzo lɛlɛ nɛabha, itsre nɔ sɛ, samemumɔ aba za Kpaya axwɛdɛ amɛ nɛ ezizi terikpo gɛ etsyina temɛ.”

Mateo 11:25

Nɛ kibe lɛ nɛ mɛ Yesu aɖɔ asɛ, “Ɛkpɛ wɔ, nɛabha, mɛ Aka, owũsise nɛ kesukpa Apalete, alasɛ ɔyɛkɔ ebuia nɛ okpu bebuinyi anɛ badɔkpasɛ, klɛ obua lɛ ɔkasɛ bunuvɔɛ bhli.

1 Tɛsolonianɛ 2:9

Badzya mɔ, ɛyɛkɛŋa sɛ nɔɔ baka, bulɔ baatɔ nɛ ebuigɛganɛ nɛ mɛ; bu wa kɛxwɛ elishi anɛ kemuze sɛ tɛ bu tɛ dzi kituku kɔ nɔ nɛ kibe lɛ gɛ bu ɖɔ Kpaya kibuidzyɔgo nɛ tsre nɔ.

Luka 9:6

Kɛlɛ batɔnɛ dzo klɛ bavɛ denɔ kɔxoe ɔvɛnɔ kɔxoe, baɖɔ kibui dzyɔgo klɛ bakɔ banɔ shu bhui nɛ ɔkɔnyɔkɔ.

Luka 2:26

Be bu aksɛ yɛ ganɔ Ɔfufɔɛ dzyɔgo nɛabha sɛ eti be tsi aba za nɛkpã amɔ Apalete nɛ Kristo.

Mateo 16:17

Yesu ebu lɛ nu asɛ, “Ba yula wɔ, Simɔnɛ Yona yɛeyi, alasɛ ganɛ anɔdzyrame yɛ bu kibui nɛ akasɛ wɔ, pɔ mɛ Aka nɛ owũsise yɛ bui lɛ akasɛ wɔ.

Mateo 11:27

“Ebui nɛ petee mɛ Aka nɛ atɛ yɛkɔ akpɛ mɛ ahwɛ. Anɔnyanɔ etinyi Eyi gɛ odinu sɛ Aka, klɛ anɔ nyanɔ etinyi Aka gɛ odinu sɛ Eyi nɛ banɔ nɛ gɛ Eyi nɛ apɛa sɛ tɛ ebu yɛ akasɛ.

Hebriuanɛ 11:13

Ba nɔanɛ petee ba kalɛ nɛkpa nɛ tɛyɛyɛkɛŋa mɛ gɛ be tsi. Ba dɛ yɛkɛ kɛdɔ nɛ gɛ be di kidzoenu kɔ; bumɔa lɛ ko klɛ ba kɔa lɛ wɔnɔga nɛ odzidzekɔ. Klɛ ba dɛmɛ sɛ be nu befu klɛ be di de kesukpa nɛabha.

Romanɛ 1:15

Kɛlɛso pɛ ɛpɛɛ gɛganɛɛ sɛ tɛ ɛba ɖɔ kibui dzyɔgo nɛ tsre wɔnɔagɛ ɔlɛ Roma nɛ tsyɛ.

Axwɛwɛwa 16:10

Gɛ Paolo amɔ kɛdɔ nɛ na beke, bu bala tsiɔ̃ kɔ Makedonia tɛ shɛshɛ vɛ, alasɛ bu yɛkɔ sɛ Kpaya eklu lɔ sɛ bu da ɖɔ kibui dzyɔgo nɛ tsrea lɛ.

Axwɛwɛwa 10:44

Kibe lɛ nɛ gɛ Petro eke dzia ɖɔ ebuia nɛ, Ɔfufɔɛ Dzyɔgo nɛ ɔba anɔnyanɔ gɛ enu kibui nɛa bha.

Axwɛwɛwa 8:25

Kibe lɛ nɛ gɛ ba mɔaɖɔ pɛ be bu Apalete nɛ bui na ɖɔ, Petro anɛ Yohanɛsɛ be tsodzi avɛ Yerusalɛm, klɛ baa ɖɔ kibui dzyɔgo nɛ Samarianɛ ɛmabhli nɛ mɛ.

Axwɛwɛwa 4:31

Gɛ be klu Kpaya beke, ɔkɛlɛ gɛ be xogo nɛ ɔhwa. Klɛ balɛ petee yuku nɛ Ɔfufɔɛ Dzyɔgo klɛ be bu Kpaya kibui nɛ aɖɔ nɛ kifu masimasi.

Axwɛwɛwa 4:8

Ɔkɛlɛ Petro, gɛ eyuku nɛ Ɔfufɔɛ Dzyɔgo, nɛ etsre balɛ asɛ, “Beshishe nɛ bagɛ baŋɛabha mɔ!

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

1 Petro 4:6

Alasɛ kɛnɛ so gɛ baɖɔ Kibui Dzyɔgo na kɔ bagɛ etsi ɔtsɔ nɛ tsyɛ, se tɛ be klu kebhui na lɛ nɛ́ banɔ tɛzɛza mɛ nu nɛ kɔ ishuidzya, pɔ nɔ za nɛ Kpaya tɛzɛzaɛ mɛ anɛ́ ɔfufɔɛ tɛ pɛpɛɛ mɛ.