1 Kɔrintioanɛ 9:23 - ONUGBÙ NYƐNYÃ VUVƆ

²³ Ɛbhɛtɛ ebui anɛ petee nɛ kibui dzyɔgo nɛ tɔkpu, sɛ tɛ ɛba mɔ kapɛ nɛ tɛ yuyula nɛ gɛ lɛ kɛlɛ mɛ.

1 Kɔrintioanɛ 9:23 Referans Kwoze

2 Timotio 2:10

Kɛlɛ so ɛdzrɔ nɛ kibuinyɛbui nu nɛ agɛ be kulu nɛ tɔkpu, sɛ tɛ balɛ tsyɛ ba mɔ tɛbubu nɛ gɛ kpasɛ Kristo Yesu mɛ, ɔplɛnɔ ɔfufɔɛ mɛ ishubhubhui.

Marko 8:35

Alasɛ anɔnyanɔ gɛ aba pɛ sɛ tɛ ebu yɛ ɛkpã nɛ, aba lɛla ɛlɛ, pɔ anɔ nɛ gɛ aba lɛla yɛ ɛkpã nɛ akpɛ mɛ anɛ kibuidzyɔgo nɛ so ebe bui lɛ.

1 Yohanɛsɛ 1:3

Bu butsre nɔ kɛdɔ nɛ gɛ bu mɔ klɛ bu nu, sɛ tɛ wũnɔ tsyɛ nɔ za terikpo bhɛbhɛtɛmɛ nɛ lɔ. Klɛ bulɔ terikpo bhɛbhɛtɛ nɛ Aka anɛ̀ yɛ Eyianyɛ Yesu Kristo.

Hebriuanɛ 3:14

Bu ba sɛ tɛ bubhɛtɛ terikpo nɛ Kristo onugɛ bu nyɛna yɛ gɛganɛ ɔdɔtɔnɔ tɛbibeke anɛ tɛyɛyɛkɛŋa gɛ bunyɛna vunɔ denɔ kesikpɛkpɛ.

Galatianɛ 2:5

Bu dɛ kɔ balɛ dzo kibe bhli, sɛ tɛ kibui dzyɔgo nɛ gbɛagba kɛ wɔ wunɔ ahwɛ.

Hebriuanɛ 3:1

Kɛlɛso ishubhubhui badzyalɛ Dzyɔgo, gɛ be klu denɔ owũsise, nɔ yɛkɔ wɔnɔɛ bui ɔtrɔ Yesu abha, anɔkpɛkpɛ anɛ Kpaya ɔzakɔanɔ gbɛgbla gɛ buyɛkɛ yɛabhaŋa.

2 Timotio 2:6

Ayadɛ nɔ nɛ gɛ awa kɛxwɛ gɛganɛɛ yɛ ebe dzi atutɔpu nɛ gɛ aba yɛkɛ buyamɛdɔ.

2 Kɔrintioanɛ 2:4

Alasɛ ɛŋlɔmɛ kɔ nɔ nɛ ishu mɛ pupɔɛ anɛ butɔ denɔ idzyi mɛ nɛ ɛwɔ̃mɛ gelee, ganɛ sɛ tɛ kpɛ nɔ obulo pɔ sɛ tɛ ɛkɔ nɔ mɔ tɛdzudzu mɛ kɔ wɔnɔ tɛdɛdɛmɛnɔ.

1 Kɔrintioanɛ 9:12

Onugɛ banɔ bhlatɔ kidzoenɛ lɛ balɛ ahwɛ sɛ tɛ bamɔ tɛpɛplɛnɔ denɔ wunɔ kɔ, kɛma sɛ tɛ bu yɛkɛ lɛ petee dɛ. Pɔ bu dɛ wa kidzoe nɛ xwɛ mɔmɔ. Kɛlɛ mazɛ lɛ mɛ, bu za nɛ kɛkanyaka ɔyɛkɔ dɛ sɛ bu he Kristo kibui dzyɔgo nɛ vɛnɔ kide.

1 Petro 5:1

Kɔ beshishe gɛ balɛ wũnɔɛ mɛ ibisi denɔ wũnɔ kɔ sɛ, anasɛ wɔnɔ mayɛ eshishe, kibuimɔɖɔ anɛ́ Kristo butɔ nɛ̀ agɛ yɛ tsyɛ aba mɔ tɛbhubhui gɛ ba be bukasɛ:

Romanɛ 11:17

Onu gɛ ɛshɛ nɛ tili idzyini tɛɛ̃, klɛ wɔ, oozo dzi olivɛ ɔshɛ tɛta koeyi tsyɛ, gɛ ba yɛkɔ anyata ɛbhlatɔ klɛ ɛlɛ petee ŋa kɛdɔ denɔ igu nɛ mɛ,

1 Kɔrintioanɛ 9:22

Kɔ bagɛ ba gblɔdzɔ ɛba gblɔdzɔ́, sɛ tɛ ibu bagɛ ba gblɔdzɔ. Ɛba dzi kɛdɔ nɛ petee kɔ banɔ nɛ petee sɛ tɛ ganɔ kidzonyɛdzo abha tɛ ɛyɛkɛkɔ be teli.

1 Kɔrintioanɛ 9:24

Nɔ ti nyi sɛ nɛ ɛtsrɛmɛ obukɔ banɔ nɛ petee gɛ be be si nɛ ba kpɛsi, pɔ anɔ terikpo ko yɛ aŋa kabha? No bu tɛtsrɛmɛ nɛ kidzo tili lɛabha sɛ tɛ nɔ yɛkɛ kabha ŋɛŋa.