1 Kɔrintioanɛ 9:19 - ONUGBÙ NYƐNYÃ VUVƆ

¹⁹ Kɛlɛlɛ mɛ sɛ ɛlɛ ishuahwɛ klɛ ɛdɛ nu anɔnyanɔ ayɛ, ɛ́bhɛtɛ ishu axwɛdɛ kɔ anɔnyanɔ, tɛ ɛmɔ banɔ gelee anasɛ gɛ ɛpɛɛ.

1 Kɔrintioanɛ 9:19 Referans Kwoze

Galatianɛ 5:13

Wɔnɔ, madzyalɛ, be klu sɛ tɛ nɔ za ishuahwɛ. Pɔ nɔ tɛ yɛkɔ wɔnɔ shu ahwɛzɛza ɔzɔ bhɛtɛ ebuizizi, kɛlɛ ɔzakɔ nɔ dɛ axwɛ kɔ ɔhaglɔɛ nɛ tɛdɛdɛmɛ nɛ anɔ.

Mateo 18:15

“Onu gɛ wadzya abhɛtɛ buzizi amɛna wɔkɔ, vɛ tɛ odo bu buzizi nɛ ɔkasɛ yɛ, nɛ wɔnɔ nɛ yɛ tɛa bha shi ko. Onu gɛ enu kɛlɛesi akɔ wɔ, klɛ wɔnɔ nɛ yɛ no bo tsodzi ɔza terikpo.

1 Kɔrintioanɛ 10:33

anasɛ gɛ ɛwlãnkɛ tsyɛ sɛ tɛ iku anɔnyanɔ awɔ̃ nɛ kidzonyɛdzoa bha. Alasɛ ɛtɛ́ pɛɛ mɛnahwɛ tɛpɛpɛ̃ pɔ banɔ gelee tɛpɛpɛ̃, sɛ tɛ ba ba yɛkɛ kɔa lɛ.

1 Timotio 4:16

Vu anhũ nɛ wɔ ɛkpã anɛ kɛdɔkɛkasɛ nɛ mɔmɔ. Tsianyɛ nɛ alɛ mɛ, alasɛ onu gɛ nɔ bhɛtɛ ana, no bo bu wɔnɔ shu anɛ bagɛ be nu nɔɛ bui.

2 Timotio 2:10

Kɛlɛ so ɛdzrɔ nɛ kibuinyɛbui nu nɛ agɛ be kulu nɛ tɔkpu, sɛ tɛ balɛ tsyɛ ba mɔ tɛbubu nɛ gɛ kpasɛ Kristo Yesu mɛ, ɔplɛnɔ ɔfufɔɛ mɛ ishubhubhui.

2 Kɔrintioanɛ 4:5

Alasɛ bu tɛɖɔ kibui denɔ bulɔnahwɛ shu, pɔ Yesu Kristo anasɛ Apalete, klɛ bulɔnahwɛ anasɛ wunɔ axwɛdɛ nɛ Yesu tɔkpu.

Romanɛ 15:2

Alasɛ tɛ bulɔmɛayɛ kanyaka eku yɛɔhayɛ awɔ̃ kɔ yɛ tɛpɛpɛ̃, sɛ tɛ atɔ yɛ ewunɔ.

1 Petro 3:1

Banyɛdzini, nɛ kidzo lɛlɛ nɛabha nɔ zhinɔ ishuesi kɔ wɔnɔ nyine alɛ sɛ tɛ, onugɛ balɛ ma yɛ teli adɛ yɛkɛ kibui nɛabhaŋa tsyɛ, ba ba ŋa nɔabha gɛ kibui tɛ ba zɛ lɛ mɛ nɛ balɛ badzɛ nɛ ɛkpã zɛza nɛabha,

1 Kɔrintioanɛ 9:1

Ganɛ anɔ gɛ alɛ ishuahwɛ mɛ nu? Ganɛ anɔkpɛkpɛ mɛ nu? Ɛdɛmɔ Yesu bulɔ Apalete? Ganɛ wunɔ nu mɛ kɛxwɛwɛwa bubukasɛ nɛ Apalete nɛ mɛ?

Romanɛ 1:14

Ɛlɛ kɔ Grikanɛ anɛ bagɛ be di nu Grikanɛ, kɔ bebuinyi anɛ bagã.

Galatianɛ 5:1

Ishuahwɛzɛza so gɛ Kristo ebe bhulɔayɛkɛ. Nɔ za ishu mɛ gɛganɛ, nɛ kɛlɛede, klɛ nɔ tɔ kɔ sɛ ba fla ba trɔ nɔ anɔdzidzi ɔkpakasi kituku.

1 Kɔrintioanɛ 7:16

Kɛlɛ wɔ onyi, adzɛ, sɛ obo bhui wɔenyinɛ ɔyɛkɛ? Pɛnɔ, kɛlɛ wɔ onyi, anyɛ, sɛ obo bhui wɔedzini ɔyɛkɛ?

Romanɛ 11:14

nɛ kidzoenu didi mɛ sɛ ɛba nyɛmɛ mɛnahwɛ manɔalɛ sɛ tɛ kɛ dza awɔ̃ sɛ tɛ ibu balɛ beteli.

1 Kɔrintioanɛ 10:29

anɔ bhlatɔ ayɛ mɛ, ɛɖɔ, ganɛ wɔa yɛ mɛ. Pɔ kideso gɛ mɛ ishuahwɛzɛza ba dzi kebhui gɛ anɔ bhlatɔ ebe klu kebhui nɛ mɛ nɛ yɛ kibuimumɔ nu?

2 Kɔrintioanɛ 4:15

Anɛ petee lɛ nu wunɔ tɛpɛpɛ̃, se tɛ kɛdɔkukɔ gɛ kɛnanɛ lɔ gelee klɛ banɔ gelee ba bakɔ ahwɛhuhu be yukuagbɛgba kɔ Kpaya kabhaŋɛŋa.

2 Kɔrintioanɛ 12:14

Ɔtsɔnɛ ɛbala sɛ tɛ ɛba wunɔ kɔ butramɛ, klɛ ɛtɛ ba dzi kituku kɔ nɔ, alasɛ kɛgɛ ɛpɛɛ kɛ dɛ nu wunɔ nahwɛmɛdɔ pɔ wunɔ. Nɛ alɛlɛ nɛede banɛvɔ ba ma sɛ tɛ ba bala kɛdɔ kɔ ba gɛ ba mɔ alɛ, pɔ ba gɛ bamɔ alɛ, ba lɛ alasɛ tɛ ba bala kɛdɔ kɔ ba le yi alɛ.