1 Kɔrintioanɛ 9:12 - ONUGBÙ NYƐNYÃ VUVƆ

¹² Onugɛ banɔ bhlatɔ kidzoenɛ lɛ balɛ ahwɛ sɛ tɛ bamɔ tɛpɛplɛnɔ denɔ wunɔ kɔ, kɛma sɛ tɛ bu yɛkɛ lɛ petee dɛ. Pɔ bu dɛ wa kidzoe nɛ xwɛ mɔmɔ. Kɛlɛ mazɛ lɛ mɛ, bu za nɛ kɛkanyaka ɔyɛkɔ dɛ sɛ bu he Kristo kibui dzyɔgo nɛ vɛnɔ kide.

1 Kɔrintioanɛ 9:12 Referans Kwoze

2 Kɔrintioanɛ 11:12

Klɛ ɛba zaɛ lɛabha bhɛtɛ kɛ gɛ ɛbhɛtɛ sɛ tɛ ibhui kesukpa denɔ ba lɛesi bagɛ ba pɛɛ kidzo sɛ tɛ ba yɛkɔ sɛ balɛ tɛsusɔɛ mɛ nɛ lɔ nɛ kɛdɔ nɛ mɛ gɛ be fekeshu nɔ.

1 Kɔrintioanɛ 9:18

Kɛlɛalɛ kide kɛlɛ nu mɛ kɛbhɛ? Kɛnɛ nɛ ko: sɛ kɛbui dzyɔgo tɛɖɛɖɔ ɛba ɖɔɛ lɛ kɛbhɛ mayɛkɛ mayɛkɛ, klɛ so ɛtɛ mɔɛ dzo bhɛtɛ kɛdzyɔgo anɛ kibui dzyɔgo ɖɛɖɔ shu.

1 Kɔrintioanɛ 9:15

Pɔ ɛka ga edzoa nɛ kanyaka abha. Klɛ ɛtɛ ŋlɔmɛ kɛbuinɛ nɛ kidzoenudidi sɛ tɛ nɔ bhɛtɛ ebuia nɛdi kɔ mɛ. Ɛba pɛɛ sɛ tɛ ɛtsi dɛ sɛ anɔ teli exedzo kɔ mɛ nɛ mɛ ishufifeke shu.

1 Kɔrintioanɛ 9:2

Kɛbɛlɛmɛ tsyɛ sɛ ɛdɛ nu anɔkpɛkpɛ kɔ banɔ gugɔɛ, kɛgbɛagba inu yɛ kɔ nɔ! Alasɛ wunɔ trɔ kɛklãgbu tɛtrɔ nɛ mɛ́ anɔkpɛkpɛxwɛ abha nɛ́ Apalete nɛ mɛ.

2 Kɔrintioanɛ 11:20

Kɛgbɛagba nɛ, wunɔ tsyɛ nɔ ganɔ nɛ anɔnyanɔ gɛ ayɛkɔ nɔ anasɛ anɔdzidzi pɛnɔ ezru nɔ pɛnɔ aga wɔabha edzi anɔ pɛnɔ efekeshu pɛnɔ abɔ wɔɛ dɔ nɛ amɛ.

2 Kɔrintioanɛ 6:3

Budɛ bhuidzo kɔ anɔnyanɔ, sɛ tɛ bulɔ xwɛwuwa nɛ tɛ ba tɛ yɛkɛ bulɔabhaŋa.

1 Kɔrintioanɛ 6:7

Kɛgbɛgba lɛ nu sɛ bubhui kukluibui lɛ wunɔ shi kɛ kasɛ sɛ ba tɛŋa nɔabha beke petee. Kɛdeso gɛ bɔ ta ŋa pɔ? Kɛdeso gɛ ba te zuru nɔ?

Romanɛ 15:22

Kɛɛnɛ shu so pɛ nɛ ebe gelee mɛ ɛvɛe de nɛ wɔnɔ ɔbha tɛbɛba mɛ.

Axwɛwɛwa 18:3

klɛ gɛ alasɛ edzi anɔ gɛ edzu bugba ansɛ balɛ ana so, aza balɛ ɔbha awa kɛxwɛ aplɛnɔa lɛ.

Luka 11:52

“Butɔ kɔ ɛshã badɔkasɛ, alasɛ nɔ nyɛna kibui titi kedunaɖɛ ayɛkɔ ɔshɛnɔ. Wunɔ nahwɛ nɔ dɛ tsoku klɛ nɔ dɛ kɔɛdzo sɛ bagɛ ba pee asɛ tɛ betsoku tsyɛ tɛ be tsoku.”

1 Kɔrintioanɛ 9:14

Nɛ kidzo lɛlɛ nɛabha, Apalete akɔ ɔshã sɛ bagɛ baɖɔ kibui dzyɔgo ba ba yɛkɛ balɛ kɛŋɛŋa denɔ kibui dzyɔgo ɖɛɖɔɛ mɛ.

1 Kɔrintioanɛ 9:16

Pɔ kibenɔ gɛ ɛɖɔ kibui dzyɔgo, ɛtɛ bana ishufifeke, alasɛ kɛlɛ kɔ mɛ sɛ tɛ ɛɖɔ kibui dzyɔgo. Butɔ lɛ kɔ mɛ onugɛ ɛdɛ ɖɔ kibui dzyɔgo!

1 Kɔrintioanɛ 13:7

Akpɛ buka akpɛ lɔ kibenyɛbe, tɛyɛyɛkɛŋa kibenyɛbe, kidzoenudidi kibenyɛbe, anyɛna lɔ evunɔ kibenyɛbe.

2 Kɔrintioanɛ 2:12

Ɔtsɔnɛ gɛ ɛvɛ Troasɛ tɛ ɛɖɔ Kristo bui dzyɔgo klɛ ɛmɔ sɛ Apalete adanɛ kidzo kɔ mɛ,