1 Kɔrintioanɛ 8:12 - ONUGBÙ NYƐNYÃ VUVƆ

¹² Kibelɛ gɛ nɔ bhɛtɛ buzizi ɔvɛnɔ wɔnɔ badzya nɛ kidzoe nɛabha klɛ nɔ kpɛ balɛ kibuititi gblɔdzɔ nɛ kɛpɔ, nɔ bhɛtɛ kibui zizi nɛ Kristo shu.

1 Kɔrintioanɛ 8:12 Referans Kwoze

Mateo 18:6

Pɔ onu gɛ anɔ teli aba kɔ sɛ beyi bhlia nɛ di gɛ ba yɛkɛ mɛa bha ŋa nɛ be de ku buzizi mɛ, aba pɛ kɔ yɛ adɛ onu gɛ ba yɛkɔ buhɔ gbla tsa kpɛ yɛ oli pɛ ba yɛkɔ ada tɛ̃ akpɛ aƒu odzudzukɔ.

Mateo 25:45

“Ɛbe bui lɛ nu asɛ, ‘Itsre nɔ kɛgba sɛ, kɛdɔnɔ nɛ gɛ nɔ dɛ bhɛtɛ kɔ anɔ bhli tsyɛ nɛ banɔa nɛ mɛ, nɔ dɛ bhɛtɛ kɔ mɛ naa lɛlɛ.’

1 Kɔrintioanɛ 12:12

Ishuidzya lɛ nu kɛdɔ tirikpo, kɛlɛlɛmɛsɛ bu nu bupɛpɛpɛ gelee klɛ kɛlɛlɛmɛsɛ bulɛ bupɛpɛpɛ bu kpe, bu bhɛtɛ ishuidzya tirikpo. So kana tsyɛ kɛ lɛ nɛ Kristo.

Mateo 25:40

“Ekusi nɛ ebe bui lɛ nu asɛ, ‘Ítsre nɔ kɛgba sɛ, kɛdɔnyɛdɔ nɔ bhɛtɛ kɔ anɔ bhli kanyaka nɛ madzyalɛa nɛ mɛ, mɛ nɔ bhɛtɛ kɔ.’

Mateo 18:21

Ɔkɛlɛ Petro atɔnɔ Yesu aba klɛ ebisi yɛ asɛ, “Apalete, etsye tashɛ̃ mɛ ɛba yɛkɔ itsye madzya gɛ abhɛtɛ kibui kpã amɛna mɛ ɔkɔ? Ɔdɔ nanɔ etsye tegene dza?”

Mateo 18:10

“Di kɛlɛ ɔkɔ sɛ no ti di bunuvɔɛ bhlia nɛ ɔmɛayɛ kanyaka bhliyii. Alasɛ itsre nɔ sɛ balɛ baxwɛdɛ nɛ owũsise naa mɔ mɛ Aka nɛ owũsise nɛ amɛ kibenyɛbe.

Marko 9:42

“Klɛ so aanɔ nɛ gɛ aba kɔ sɛ banuvɔ bhli anɛ teli gɛ ayɛkɛ mɛ kabha aŋa nɛ awɔlɛ ku buzizi mɛ, onugɛ ba yɛkɔ buhɔgbla anya plɛnɔ yɛ oli pɛ ba yɛkɔ wɔ ada tɛɛ akpɛ aƒu mɛ tsyɛ, aba pɛ akɔ yɛ adɛ.

Luka 17:2

Kɛ ba pɛ̃ kɔ yɛ dɛ sɛ tɛ batsa buhɔ akpɛ yɛ oli tɛ ba yɛkɔ atɛ̃ akpɛ aƒu mɛ sɛ tɛ akɔ banuvɔ bhli anɛ teli ada bhɛtɛ buzizi.

Romanɛ 14:20

Tɛ zi Kpaya kɛdɔ bhɛbhɛtɛ ɔkpɛ kɛŋɛŋa so. Kɛŋɛŋa kanyaka shu bhui, pɔ kɛ dɛ pɛ̃ sɛ tɛ anɔ aŋa kɛdɔnyɛdɔ gɛ ba kɔ sɛ anɔ teli ebe tuitsɛɖɛ.