1 Kɔrintioanɛ 7:21 - ONUGBÙ NYƐNYÃ VUVƆ

²¹ Anɔ dzidzi wɔ dzi flogo gɛ be klu wɔ? Tɛ kɔɛ lɛ kpɛ wɔ bunuhu—kɛlɛlɛmɛ onugɛ ɔbɔ na kidzo mɔ sɛ tɛ ɔza ishuahwɛ, bhɛtɛ lɛ.

1 Kɔrintioanɛ 7:21 Referans Kwoze

Koloseanɛ 3:11

Ɔkɛ̃nɛ Griki ɔdɔgɔsɛ Yuɖaeyi ama, bunyɛnyɛ bhubhui, ɔdɔgɔsɛ bunyɛnyɛ mabhuimabhui, bunuhu bhlatɔ ehuhu, amɛ mabhuimabhui, banɔdzidzi, ɔdɔgɔsɛ ɛshuahwɛ zɛza, pɔ Kristo enu balɛ petee, klɛ alɛ balɛ petee mɛ.

1 Kɔrintioanɛ 12:13

Alasɛ bulɔ petee ba kpɛ bini kɔ lɔ ganɔ Ɔfufɔɛ torikpo abha ɔkpɛ ishuidzya terikpo—kɛba kɛlɛmɛ sɛ onu Yuɖiaeyi, ɔdɔgɔsɛ Grikieyi, anɔdzidzi ɔdɔgɔsɛ ɔlɛ ishuahwɛ--klɛ ba kɔ bulɔ petee Ɔfufɔɛ torikpo ɔlɛ nɛ bu wɔɛ.

Luka 12:29

Klɛ tɛyɛkɔ wɔ idzyi ɔtrɔ kɛdɔ gɛ ɔbɔ ŋa pɛnɔ ɛbawɔɛ̃, tɛ tsishu kɔɛ lɛ.

1 Petro 5:7

Nɔ yɛkɔ wũnɔ butɔ petee ɔtrɔ yɛ abha alasɛ yɛ di wũnɔ abha.

Hebriuanɛ 13:5

Nɔ bu kɔba dɛdɛmɛnɔ ebui nɛ wɔnɔ ɛkpã nɛ mɛ klɛ nɔ kɔ kɛgɛ lɛ wɔnɔahwɛ nɛ ku nɔ awɔ̃, alasɛ Kpaya aɖɔ asɛ, “Ɛtɛ ba shɛnahwɛ wɔnɔ shu di, ɛtɛ ba shɛ̃ lɔ nɔ di.”

Filipianɛ 4:11

Ɛtɛ ɖɔ kibuinɛ alasɛ ɛpɛɛ dɔ so, pɔ alasɛ ɛtɛ mɔ sɛ kɛ gɛ lɛ mahwɛ kɛkumawɔ̃ nɛ kɛkanyaka di gɛ kɛ zɛ dzyɔ.

Filipianɛ 4:6

Tɛ kɔ wɔnɔ idzyi ahwa nɛ kɛdɔnyɛdɔ shu, pɔ nɛ kibuinyɛbui mɛ, kpayakuklu anɛ tɛbibisi, anɛ ahwɛhuhu, kɔ wɔɛdɔ bibisi vɛ Kpaya kɔ.

Galatianɛ 3:28

Yuɖanɛ ɔdɔgɔsɛ Grikianɛ avama, anɔdzidzi ɔdɔgɔsɛ agɛ alɛ ɛshuahwɛ avama, anyɛ ɔdɔgɔsɛ adzyɛ avama, alasɛ wɔnɔ petee nɔ nu anɔ terikpo nɛ Kristo Yesu mɛ.

Luka 21:34

Nɔ di shuabha, odinuana wunɔ dzyi aba yɛ nɛ̀ butɔ, tɛbubuku, nɛ kifu sisi ɛkpã zɛza, klɛ kiwui lɛlɛ kɛba ba wɔabha nɛ matimati mɛ anasɛ kɛgbatɛtɔ.

1 Kɔrintioanɛ 7:20

Anɔnyanɔ àwɔ tɛzɛza nɛ mɛ gɛ aza flogo gɛ Kpaya eklu yɛ.

1 Kɔrintioanɛ 7:22

Alasɛ anɔ nɛ gɛ edzi anɔdzidzi kibelɛ nɛ gɛ Apalete nɛ eklu yɛ enu Apalete anɔ gɛ kibunyɛbui dɛ nyɛna yɛ; kanake, anɔ nɛ gɛ alɛ ishuahwɛ flogo gɛ be klu yɛ enu Kristo anɔdzidzi.