1 Kɔrintioanɛ 5:8 - ONUGBÙ NYƐNYÃ VUVƆ

⁸ Kɛlɛso nɔ kɔ lɔ ŋa Kiwui, ganɛ nɛ̀ bunaɛyekedɔ kuku, anɔshuzizi anɛ kɛtɔkpum gɛganɛ, pɔ nɛ gbɛ̃gbɛvu gɛ ba dɛ kpɛ bunaɛyekedɔ, tɛɖuɖɔ anɛ kɛgba gbɛ̃gbɛvu.

1 Kɔrintioanɛ 5:8 Referans Kwoze

Luka 12:1

Nɛlɛbe, gɛ banɔɛza anasɛ akpã bexogo, so ba ga aglɔ abha, Yesu akpɛ kaɖɔɖuɖɔ oputɔnɔ kɔ yɛ badɔkpasɛ sɛ: “No di shuabha mɔmɔ nɛ Farisianɛ nɛ gɛ be bunɛyekedɔ, gɛ kinu otroebui bhɛbhɛtɛ shu.

Marko 8:15

Yesu etsre alɛ asɛ, “Nɔ dii mɔ.” “No vu awɔ̃hũ nɛ Farisianɛ anɛ Heroɖesɛ bunɛyekedɔ.”

Mateo 16:6

Yesu etsre balɛ asɛ, “No dii mɔ.” “No lu awɔ̃ nɛ Farisianɛ anɛ Zaɖusianɛ anɛ bunayekedɔ nɛ shu.”

1 Petro 4:2

Nɛ kɛlɛso, ata za nɛ ɛkpã gugɔɛ nɛ kesukpaɛ abha ɛkpã kɔ anɔdzyrame buzizi tɛpɛpɛɛ, pɔ nɛ kɛlɛ ɔzakɔ yɛkɔ kɔ Kpaya tɛpɛpɛɛ.

Efesoanɛ 6:24

Ɛyamyuyɔ kɔ nɔ petee gɛ nɔ dɛmɛ nɛ bulɔ Apalete Yesu Kristo plɛnɔ tɛdɛdɛmɛnɔ gɛ kɛ tɛ ba tsi di.

1 Kɔrintioanɛ 5:6

Wunɔ ishufifeke nɛ mɛtã. Nɔ tɛ nyi sɛ bunayekedɔ bhliyi ba kpɛ nɛ ko bakpɛ nɛ mawɛ gelee mɛ?

Yohanɛsɛ 1:47

Gɛ Yesu amɔ Nataniɛl gɛ etsoaba, aɖɔ nɛ yɛ shu asɛ, “Yɛ nu Izraɛl eyi gbɛagba, kibinyɛbi ma yɛ shu.”

Mateo 16:12

Ɔkɛlɛ be nu kɛlɛe si sɛ ganɛ bunayekedɔ nɛ gɛ ba kpɛ gbɛgbɛvu buna nɛ mɛ bui aaɖɔ, pɔ Farisianɛ anɛ Sarusianɛ kɛdɔkɛkasɛ nɛ shu ya alɔ kititi.

2 Kɔrintioanɛ 8:8

Ɛtɛ kpɛ nɔ shã, pɔ ɛpɛɛ sɛ tɛ ifekedi wunɔ tɛdɛdɛmɛ nɛ anɔ gbɛagba sɛ tɛ ɛyɛkɔ sɔnɔ banɔ bhlatɔ tɛnɛna.

2 Kɔrintioanɛ 1:12

Ɔtsɔ̃nɛ kɛnɛ kɛlɛ nu bulɔ ishufifeke: Bulɔ tɔkpuimɛ tsre lɔ sɛ bu nyɛna shu nɛ kanɔ nɛ mɛ, klɛ ɔyɛkɔdɛana terikpo bhɛbhɛtɛ nɛ nɔ, nɛ tɛbhubhui anɛ kibui gbɛgbla bhɛbhɛtɛ gɛ kide Kpaya kɔ. Bu bhɛtɛ kibui nɛ ana ganɛ nɛ kanɔmɛ kibuinyinyi shu pɔ nɛ Kpaya kɛdɔkukɔ shu.

1 Kɔrintioanɛ 5:1

B ɖɔɛ lɛ kɛgbɛagba sɛ aglɔbui bhɛbhɛtɛ akpasɛ wunɔ mɛ, klɛ anɛnɛdi kuratsyɛ lama bagɛ badɛyɛkɛŋa nɛ mɛ: Anɔ eklu yɛ akaedzini.

1 Kɔrintioanɛ 3:3

Nɔ kɔ lɛ anasɛ kanɔ mɛ banɔ. Gɛ kawɔ̃kpɛ nɛ ebla pɛpɛɛ la lɛ wunɔɛ mɛ, anɛ kanɔɛmɛ banɔ nɔ nu? Sɛ nɔ bhɛtɛ ebui anasɛ banɔ tite ko?

2 Kɔrintioanɛ 2:17

Bulɔ bu tɛ dzi anasɛ banɔ gelee, bu tɛ yɛkɔ Kpaya buiɖɛɖɔ akpɛ anasɛ kedzigɛga sɛ tɛ bu mɔ trɔ. Kɛlɛlɛ nɛede, nɛ Kristoe mɛ bu ɖɔaɖɔ nɛ Kpaya amɛ anɛ kɛdzyɔgo bhɛbhɛtɛ, anasɛ banɔ gɛ ba kpɛ denɔ Kpaya kɔ.