1 Kɔrintioanɛ 4:7 - ONUGBÙ NYƐNYÃ VUVƆ

⁷ So ane yɛ abhɛtɛ wɔ ɔgatɔ nɛ anɔ teli shu? Kide gɛ lɛ wɔ ahwɛ gɛ ɔdɛ yɛkɛ lɛ? Klɛ onugɛ ɔyɛkɛ lɛ, kɛdeso gɛ ɔfekeshu anasɛ kɛlɛlɛmɛ ɔdɛ na yɛkɛ?

1 Kɔrintioanɛ 4:7 Referans Kwoze

Yohanɛsɛ 3:27

Kɔ kibui nɛ so Yohanɛs ebuilɛ nu aɖɔ sɛ, “Anɔ aba yɛkɛ kɛdɔnɔ ko gɛ bakɔ yɛ denɔ owũsise.

1 Petro 4:10

anɔnyanɔ awa kɛdɔnɔ gɛ ayɛkɛ shu kɛxwɛ kɔ ɛhaglɔ, nɛ tɛyɛyɛkɛŋa mɛ gɛ kɛ nu Kpaya ɛyamyuyɔ edidedi

Yakobo 1:17

Kɛdzyɔgo kanyaka anɛ kɛdɔkukɔ dzyɔgo ki de kabha, ba denɔ owũsise efu Aka nɛ ɔkɔ, gɛ yɛ ete tsyina ansɛ buyi gɛ fla.

Romanɛ 12:6

Kɛdɔkukɔ ɔtutɔtɔ lɛ kɔ lɔ, nɛ bulɔ eshutukubui didi nɛ nu. Onu gɛ anɔteli kɛdɔkukɔ nɛ nu atɔnu, kɔ yɛ awa kɛlɛ shuixwɛ nɛ tɛyɛyɛkɛŋa nɛ gɛ lɛ yɛahwɛ nɛ nu.

Yohanɛsɛ 1:16

Denɔ yɛ ɛyɛmɛyuyɔ nɛna mɛ bulɔ petee bu yɛkɛ tɛyuyula trikpo nɛ aglɔ ede.

Luka 19:13

Kɛlɛso eklu yɛ baxwɛdɛ lɔfɔ klɛ akɔ alɛ kɔba lɔfɔ klɛ asɛ ‘nɔyɛkɔ ɔkpɛ kɛxwɛ wuwɔɛmɛ,’ ‘ɔdɔnanɔ mɛ tɛ bɛ ba.’

1 Kɔrintioanɛ 15:10

Pɔ nɛ Kpaya ɛyɛmɛyuyɔ enu agɛ enu, klɛ yɛ ɛyɛmɛyuyɔ kɔ mɛ kɛdi dzi kɛkpɛkpa. Oo, ɛwa kɛxwɛ dɛ balɛ petee—ganɛ mɛ nahwɛ, pɔ Kpaya ɛyɛmɛyuyɔ kɛlɛ za plɛnɔ mɛ.

1 Kɔrintioanɛ 7:7

Ɛpɛɛ sɛ tɛ banɔ petee ba za anasɛ mɛ. Pɔ anɔnyanɔ gɛ ayɛkɛ yɛ nahwɛ ɛyɛmɛyuyɔ denɔ Kpaya kɔ, anɔ teli ayɛkɛ ɛyɛmɛyuyɔ ɛnɛ, klɛ abhlatɔ ayɛkɛ kɛ lɛlɛ.

Romanɛ 12:3

Alasɛ ganɔ eshutukubui didi nɛ gɛ ba kɔm mɛ ɛɖɔ tsre wɔnɔmɛayɛ kanyaka sɛ: Nɔ tɔɔ di wɔnɔ shu nɛ ɔsɛ nɔ ɖama dɛ kana gɛ alasɛ tɛ nɔ za, pɔ no bui tɔkpum nɛ wɔnɔ shu nɛ ishubububɔ kebhuikuklum, ansɛ gɛ tɛyɛyɛkɛŋa tɛdzidze nɛm gɛ Kpaya akɔ nɔ.

Romanɛ 1:5

Ganɔ yɛa bha anɛ yɛ kinyi nɛ so, bɔ yɛkɛ eshutukubui didi anɛ akpɛkpɛxwɛ sɛ tɛ ekulu banɔ denɔ bagɛ be di nu Yuɖanɛ nɛ petee mɛ kɔ batɔtɛta gɛ ede tɛyɛyɛkɛŋam.

1 Kɔrintioanɛ 5:6

Wunɔ ishufifeke nɛ mɛtã. Nɔ tɛ nyi sɛ bunayekedɔ bhliyi ba kpɛ nɛ ko bakpɛ nɛ mawɛ gelee mɛ?

1 Kɔrintioanɛ 3:5

Nɛ kɛlɛ mɛ, ane yɛ nu Apolo? Klɛ ane ye nu Paolo? Baxwɛdɛ ko bu nu, ganɔ balɛabha nɔ ba sɛ tɛ nɔ yɛkɛŋa—anasɛ gɛ Apalete nɛ akɔ anɔnyanɔ yɛ xwɛ.