1 Kɔrintioanɛ 2:12 - ONUGBÙ NYƐNYÃ VUVƆ

¹² Bu kayɛkɛ kanɔ nɛ mɛ ɔfufɔɛ pɔ Ɔfufɔɛ nɛ gɛ lo de Kpaya ɔkɔ, sɛ tɛ bu nu kɛgɛ Kpaya atɛ yɛkɔ kɔ lɔ fãa.

1 Kɔrintioanɛ 2:12 Referans Kwoze

1 Yohanɛsɛ 2:27

Wɔnɔ xũ nɛ, bubɔsɛsra nɛ gɛ nɔ yɛkɛ denɔ yɛ ɔkɔ bu wɔ nɔɛ mɛ, klɛ nɔ dɔ pɛɛ anɔnyanɔ sɛ tɛ akasɛ nɔɛ dɔ. Pɔ anasɛ gɛ yɛ bubɔsɛsra kasɛ nɔ nɛ ebui nɛ petee shu klɛ anasɛ gɛ bubɔsɛsra nɛ nu kɛgbɛagba, ganɛ kɛdɔ gɛ kɛyi dɔ—anasɛ gɛ kɛ kasɛ nɔ, nɔ wɔ yɛ mɛ.

1 Yohanɛsɛ 2:20

Pɔ nɔ yɛkɛ bubɔ sɛsra denɔ Ishubhubhui Anɔ nɛ ɔkɔ, klɛ wũnɔ petee nɔ nyi kɛgbɛagba.

Romanɛ 8:1

Kɛlɛso, ɔtsɔ̃ kɛpɔbubu va ma kɔ bagɛ ba kpasɛ Yesu Kristo mɛ,

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

Yakobo 4:5

Pɛnɔɔ nɔ bhɛtɛ kɛtɔkpum sɛ buwã nɛ kuwã Kɛdɔŋuŋlɔmɛ nɛ ɖɔ sɛ ɔfufɔɛ nɛ gɛ ba kɔ sɛ lɔ za lɔ mɛ nɛ lɔ lɛ nɛ kawɔ̃kpɛ gɛganɛɛ?

Romanɛ 8:32

Agɛ adɛ da ahwɛ akpɛ yɛ nɛahwɛ Yeyi, pɔ ayɛkɔ yɛ akpɛahwɛ nɛ lɔɛ tɔkpu, klɛ tsyɛ ataa yɛkɔ aplɛnɔ yɛ, nɛ eshutukubuididi mɛ akɔ lɔ kɛdɔnyɛdɔɛdi?

Tɛbubukasɛ 22:6

Kpayaxwɛdɛ nɛ etsrem asɛ, “Ebuia nɛ alɛ gɛ ba ba yɛkɛ alɛa bha aŋa klɛ le nu kɛgba. Apalete, batɔnu nɛ ɛfufɔɛ nɛ Kpaya, asɛsɛ yɛ kpayaxwɛdɛ sɛ tɛ akasɛ yɛ baxwɛwa nɛ ebui nɛ gɛ alasɛ tɛ la ba alɛ ɔzakɔ kpataa.”

1 Kɔrintioanɛ 3:22

kɛ nu Paolo pɛnɔ Apolo pɛnɔ Kefas pɛnɔ kanɔ nɛ pɛnɔ ɛkpã pɛnɔ butsi pɛnɔ ɔtsɔtsyɔ̃ pɛnɔ kibe gɛ tɛ ba— alɛ petee le nu wunɔ ayɛ,

Efesoanɛ 2:2

nɛ gɛ nɔ za kanɔ mɛ ebui nɛede klɛ agɛ aŋa bukusi nɛ kɛlɛmɛ, ɔfufɔɛ nɛ gɛ lɔ waɛxwɛ ɔtsɔ̃nɛ nɛ́ bagɛ ba ta ta tɔ nɛ mɛ.

1 Kɔrintioanɛ 2:6

Pɔ, bu ɖɔ, kibuinyinyi ɔklasɔ nɛ beshishe nɛ shi, pɔ ganɛ agɔa nɛ mɛ kibuinyinyi ɔdɔgɔsɛ agɔa nɛ mɛ baga ŋɛabha, gɛ ba ta ba kibuinyɛbui ɔbha.

1 Kɔrintioanɛ 1:27

Pɔ Kpaya ebu ebuikpã nɛ kanɔmɛ tɛ la kpɛ kibuititi nɛ wɔ̃ɛ nɔ, Kpaya abhɛtɛ ebui nɛgɛ la dɛ gɛganɛ nɛ kanɔnɛ mɛ tɛ la kpɛ ebui gɛganɛ nɛ wɔɛ nɔ.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.