1 Kɔrintioanɛ 16:22 - ONUGBÙ NYƐNYÃ VUVƆ

²² Onugɛ anɔteli adɛ dɛmɛnɛ Apalete—ba ba ɖɔɛbui akpɛ yɛ. Ba, O Apalete!

1 Kɔrintioanɛ 16:22 Referans Kwoze

Efesoanɛ 6:24

Ɛyamyuyɔ kɔ nɔ petee gɛ nɔ dɛmɛ nɛ bulɔ Apalete Yesu Kristo plɛnɔ tɛdɛdɛmɛnɔ gɛ kɛ tɛ ba tsi di.

Yohanɛsɛ 14:21

Anɔ nɛ gɛ ayɛkɛ mɛ ɛshã klɛ abhɛtɛ atrɔ ɛlɛabha, yɛ nu anɔ nɛ gɛ adɛmɛnɔ nɛ mɛ. Anɔ nɛ gɛ adɛmɛnɔ nɛ mɛ mɛ Aka aba dɛmɛnɔ nɛ yɛ, klɛ mɛ tsyɛ ɛba dɛmɛnɔ nɛ yɛ klɛ ɛba yɛkɔ mɛ shu kasɛ yɛ.”

1 Yohanɛsɛ 5:1

Anɔnyanɔ gɛ ayɛkɛŋa sɛ Yesu yɛ nu Kristo enu Kpaya ye yi, klɛ anɔnyanɔ gɛ adɛmɛnɔ nɛ aka adɛmɛnɔ nɛ yɛ eyi tsyɛ.

1 Yohanɛsɛ 4:19

Budɛmɛ anɔɛ bui alasɛ Kpaya eputɔ adɛmɛ bulɔɛ bui.

Yohanɛsɛ 8:42

Yesu etsre alɛ sɛ, “Onugɛ Kpaya ebe dzi wunɔ Aka, nɔ tɔ dɛmɛnɔ nɛ mɛ alasɛ ɛde Kpaya ɔkɔ klɛ ɔtsɔnɛ ɛlɛ ɔkɛ nɛ. Ɛdɛ ba nɛ mɛ nahwɛ shui mɛ, pɔ ya kpɛ mɛ.

Mateo 10:37

“Anɔnyanɔ gɛ aɖɔ yaka anɛ yeni adɛ mɛ klɛ adɛ na kɔ mayɛ tɛdzidzi, anɔnyanɔ gɛ aɖɔ yɛ eyianyɛ anɛ yɛ eyiadzɛ adɛ mɛ klɛ adɛ na kɔ mayɛ tɛdzidzi,

Tɛbubukasɛ 22:20

Anɔ nɛ gɛ amɔaɖɔ nɛ ebuia nɛ shu nɛ aɖɔ sɛ, “Ee, Ɛba kpataa.” Tɛlɛbɛlɛm. Ba Apalete Yesu.

1 Petro 2:7

Ɔtsɔ̃ nɛ kɔ wɔnɔagɛ ɔyɛkɛŋa, sɛ kɛklãgbui nɛ ŋɛedzi. Pɔ kɔ bagɛ ba dɛ yɛkɛŋa, “kɛklãgbu nɛ gɛ bevudzu na dɛ yɛkɛ kɛ badzi ɔxãkɔɛ kɛklãgbu,”

1 Petro 1:8

Nɛlɛmɛ sɛ nɔ kɔ mɔɛ yɛ odi, nɔ dɛmɛ yɛ bui, klɛ ɛlɛmɛ tsyɛ nɔ tɔ mɔ yɛ ɔtsɔnɛ, nɔ yɛkɛ yɛabhaŋa klɛ nɔ yuku nɛ maɖɔmaɖɔ nɛ kabhakpɛkpɛ same,

Hebriuanɛ 6:10

Kpaya edinu anɔ gɛ ata bhɛtɛ ebui nɛ alɛ ɔzakɔ, atɛ ba dzɛkɛ wɔnɔ kɛxwɛwuwa nɛ yɛ tɛɖɛɖɔ gɛ nɔ kasɛ yɛ anasɛ gɛ nɔ plɛnɔ yɛ banɔ nɛ gɛ nɔ kɔ tsri lɛabha plɛnɔ alɛ.

Romanɛ 9:3

Alasɛ ɛta pɛɛ sɛ mɛnahwɛ ba ta ɖɔɛbui akpɛm tɛ ba pɔ mɛ nɛ Kristo shu akpɛ madzyalɛ nɛ so, gɛ be nu mɛnahwɛ kɛmadim banɔ,

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

1 Kɔrintioanɛ 12:3

Kɛlɛ so itsre nɔ sɛ anɔnyanɔ ama gɛ aɖɔaɖɔ ganɔ Kpaya Ɔfufɔɛ abha gɛ aba ɖɔ asɛ, “ba ɖɔɛ bui akpɛ Yesu” klɛ anɔnyanɔ atɛ ba na ɖɔ sɛ, “Yesu enu Apalete, gɛ odu nu sɛ ganɔ Ɔfufɔɛ nɛa bha.”

Axwɛwɛwa 23:14

Batɔnɔ Kpayanɔ gbla anɛ beshishe nɛ avɛ ada ɖɔ sɛ, “Blɔ bɔtɛ nya nɛ atabu kɛka sɛ bɔtɛ ŋa kɛdɔnyɛdɔ ɔdɔ nanɔ kibe lɛ gɛ bu yi Paolo.

Yohanɛsɛ 16:14

Aba mɛna kabhaŋɛŋa kɔ mɛ ganɔ kaɖɔɖuɖɔ denɔ kɛgɛ nu mɛ yɛ klɛ aba bhɛtɛ lɛ sɛ tɛ no ti.

Yohanɛsɛ 15:24

Ɔtɔsɛ ɛdɛ bhɛtɛ nɛ balɛ shi kɛ gɛ anɔ teli adɛ bhɛtɛ, batɛ ba bu alɛ pɔ kɔ buzizi. Pɔ ɔtsɔnɛ ba mɔ ebuiyinɔanɔ anɛ, klɛ tsyɛ be gu bulɔ tɛabha mɛ nɛ ma Aka.

Yohanɛsɛ 14:23

Yesu ebuilɛnu asɛ, “Onugɛ anɔ teli adɛmɛnɔ nɛ mɛ, aba bhɛtɛ atrɔ mɛ kɛdɔkɛkasɛ nɛabha. Mɛ Aka aba dɛmɛnɔ nɛ yɛ, klɛ bu ba ba yɛ ɔkɔ klɛ bu ba yɛ kɔ ɔkɛlɛ bhɛtɛ bulɔ kepi.

Yohanɛsɛ 14:15

“Onugɛ nɔ dɛmɛnɔ nɛ mɛ, nɔ bɔ bhɛtɛ ɔtrɔ mɛ ɛshã nɛabha.

Filipianɛ 4:5

Kɔ nɔ tɛyɛyɔ dzi kibui ɖɛɖɔ kɔ anɔnyanɔ. Apalete tɛbɛba tsyobunɔ.