1 Kɔrintioanɛ 15:45 - ONUGBÙ NYƐNYÃ VUVƆ

⁴⁵ Kɛlɛso baŋlɔmɛ elu asɛ: “Anɔ tɛtɔpu Aɖam ebedzi ɛkpã anɔ” agɔgɔɛ Aɖam ɛkpã kukɔ ɔfufɔɛ.

1 Kɔrintioanɛ 15:45 Referans Kwoze

Yohanɛsɛ 5:21

Kana gɛ Aka anyɛmɛ banɔ tsitsi klɛ àkɔ alɛ ɛkpã, kanake Eyianyɛ àkɔ ɛkpã bagɛ adɛmɛ sɛ tɛ akɔ.

Romanɛ 8:2

alasɛ ganɔ Yesu Kristo mɛ ɛkpã Ɔfufɔɛ ɔshã nɛ obu mɛ nɛ buzizi anɛ butsi ɔshã nɛm.

Yohanɛsɛ 6:63

Ɔfufɔɛ nɛ ɔkɔ kpã, ishuidzya kɛ dɛ nu kɛdɔnyɛdɔ. Ebui nɛ gɛ ɛɖɔ tsre nɔ le nu ɔfufɔɛ klɛ le nu ɛkpã.

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Yohanɛsɛ 6:57

Anasɛ gɛ ɛkpã Aka akpɛ mɛ klɛ ɛlɛ alasɛ Aka nɛ so, anɔ nɛ gɛ aŋã dɔ nɛ mɛabha aba za nɛ ɛkpã alasɛ mɛ so.

Yohanɛsɛ 6:33

Alasɛ gbɛ̃gbɛ̃vu nɛ gɛ kɛ de Kpayɛa kɔ kɛlɛ nu anɔ nɛ gɛ ezhi de owũsise aba, klɛ akɔ ɛkpã kanɔ.”

Yohanɛsɛ 6:54

Anɔ nɛ gɛ atã mɛ ishuidzya klɛ awɔɛ̃ mɛ dzyosu ɛkpã mabekemabeke lɛ yɛ ahwɛ, klɛ ɛba nyɛmɛ yɛ nɛ kiwui gugɔɛ nɛabha.

Tɛbubukasɛ 22:17

Ɔfufɔɛ anɛ bunuwãdzɛ nɛ asɛ, “Ba!” Klɛ kɔ agɛ yɛenu nɛ aɖɔ sɛ, “Ba!” Anɔnyanɔ gɛ oniwɛ̃ ɔta, kɔ yɛ aba; anɛ anɔnyanɔ gɛ apɛɛ, kɔ yɛ ayɛkɛ ɛkpãni kɛdɔkukɔ fãa.

Tɛbubukasɛ 22:1

Ɔkɛlɛ kpayaxwɛdɛ nɛ akasɛ mɛ ɛkpãni anɛ keni, bulɛ mɛ bhui ansɛ kɛdɔbhubhui, bu kpɛ denɔ Kpaya anɛ Obhosheyi nɛ kekusigbu nɛm

Tɛbubukasɛ 21:6

Aɖɔ etsrem asɛ: “Kɛ tɛ bhɛtɛ beke. Mɛ nu Alfa anɛ Omega, Kesikpɛkpɛ anɛ Obekekɔ. Aanɔ nɛ gɛ oniwɛ̃ ɔɔta yɛ ɛba kɔ yɛ awɛ̃ buni edenɔ ɛkpãni nɛ gɛ de tisi mɛ kɛbhɛ mabuya mabuya.

Koloseanɛ 3:4

Gɛ Kristo, agɛ enu ɛkpã abe koeyi, kɛlɛ wɔnɔ tsyɛ no bo koeyi nɛ̀ yɛ nɛ tɛbhubhui mɛ.

Filipianɛ 3:21

agɛ ganɔ yɛ kemi nɛabha klɛ aba gbanɔ kɛdɔnyɛdɔ aba kpɛ yɛ kabhaŋɛŋa kesi, gɛ kɛba tsyina bulɔ shuidzya gblɔdzɔ sɛ tɛ lɛ ba za ansɛ yɛ ishuidzya gɛ ɛlɛ ishubhubhui mɛ.

Romanɛ 5:21

sɛ tɛ, ansɛ gɛ buzizi ŋa kabha nɛ butsi mɛ, kana ke eshutukubui didi tsyɛ aba ŋa kabha ganɔ tɛnɛnam sɛ tɛ ɛkpã mabeke mabeke lɛ ba ganɔ Yesu Kristo bulɔ Apalete nɛa bha.

Romanɛ 5:17

Alasɛ onu, ganɔ anɔ terikpo buzizia bha, butsi ŋɛabha ganɔ anɔ terikpoa lɛlɛ nɛa bha, kɛlɛ kɛ taa za dɛ sɛ bagɛ ba yɛkɛ Kpaya eshutukubui didi gelee anɛ tɛnɛna kɛdɔkukɔ taa ŋɛa bha nɛ ɛkpã mɛ ganɔ anɔ terikpoa lɛlɛ, gɛ enu Yesu Kristoa bha.

Axwɛwɛwa 3:15

No yi anɔ nɛ gɛ akɔ ɛkpã, pɔ Kpaya ebu yɛ edenɔ be tsitsi nɛ kishi. Bulɔ nahwɛ dzi bebuimɔɖɔ kɔɛ lɛ.

Yohanɛsɛ 14:19

Kɛtɛ ba dze, kanɔ na tia mɔ mɛ, pɔ nɔ bɔ mɔ mɛ. Alasɛ ɛlɛ klɛ wɔnɔ tsyɛ nɔ bɔ za.

Yohanɛsɛ 10:28

Ɛkɔ alɛ ɛkpã mabeke mabeke, klɛ lɛtɛ ba tsi, anɔnyanɔ atɛ ba bhɛ lɛ nɛ mɛ ahwɛ.

Yohanɛsɛ 10:10

Ezi aba ko sɛ tɛ ebe zuru klɛ tɛ eyi anɔ nɛ tɛ ezidɔ. Ɛba sɛ tɛ banɔ ba mɔ ɛkpã, klɛ tɛ bayɛkɛ lɛ tɛ lɛ na.

Yohanɛsɛ 6:68

Simɔn Petro ebulɛnu akɔ yɛ asɛ, “Apalete, ane yɛ ɔkɔ bu ba vɛ? Wɔ ahwɛ ɛkpã mabekemabeke ebui na lɛ.

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 4:10

Yesu ebuilɛnu kɔ adze nɛ asɛ. “Ɔtɔsɛ onyi Kpaya dɔ kukɔ klɛ agɛ yɛ bisi wɔ buni wuwɔɛ, wɔ ɔtɔ bisi yɛ klɛ ata kɔ wɔ ɛkpa buni.”

Yohanɛsɛ 1:4

Yɛ mɛ ɛkpã za, klɛ ɛkpã lɛlɛ ba dzi kifu gɛ deke kɔ banɔ.

Tɛbubukasɛ 16:3

Kpayaxwɛdɛ bhla nɛ etsyina yɛ kesugba nɛ abalɛ akpɛ aƒu nɛ mɛ, klɛ aƒu nɛ etsyina dzi ansɛ anɔtsitsi dzyosu, klɛ kɛdɔ lulu kanyaka tsi nɛ aƒu nɛ mɛ.

1 Kɔrintioanɛ 15:46

Ɔfufɔɛmɛ ayɛ nɛ edi putɔ aba, pɔ kanɔmtɛzɛza ayɛ, klɛ kɛlɛede flogo pɛ ɔfufɔɛmɛ yɛ nɛ aba.

Hebriuanɛ 9:14

Kɛlɛ kɛ zɛ ba za dɛana sɛ, Kristo dzyosu gɛ ganɔ Ɔfufɔɛ gɛ oti beke nɛa bha ayɛkɔ yɛnahwɛ shu gɛ kɛpɔ ma kɛlɛ shu kɔ Kpaya, pɛ kɛ plu bulɔ atɔkpu nɛ mɛ anɛ ebui nɛ gɛ akpɛ anɔ nɛ butsi mɛ, sɛ tɛ bu dɛ kɛxwɛ kɔ ɛkpã Kpaya!