1 Kɔrintioanɛ 15:10 - ONUGBÙ NYƐNYÃ VUVƆ

¹⁰ Pɔ nɛ Kpaya ɛyɛmɛyuyɔ enu agɛ enu, klɛ yɛ ɛyɛmɛyuyɔ kɔ mɛ kɛdi dzi kɛkpɛkpa. Oo, ɛwa kɛxwɛ dɛ balɛ petee—ganɛ mɛ nahwɛ, pɔ Kpaya ɛyɛmɛyuyɔ kɛlɛ za plɛnɔ mɛ.

1 Kɔrintioanɛ 15:10 Referans Kwoze

Filipianɛ 4:13

Ɛbana kɛdɔnyɛdɔ bhɛtɛ ganɔ yɛ abha agɛ akɔmɛ bugɛganɛ.

2 Kɔrintioanɛ 3:5

Ganɛ sɛ bu na nɛ bulɔ nahwɛ shu mɛ gɛ bu bayɛkɛ kɛdɔtili kɔ bulɔnahwɛ, pɔ bulɔ tɛnɛna de Kpaya kɔ.

Filipianɛ 2:13

alasɛ Kpaya yɛ awaɛxwɛ nɛ wɔnɔ mɛ nɛ tɛpɛpɛɛ anɛ̀ tɛbhɛbhɛtɛ nɛ tɛtɛtrɔ dzyɔgo nɛ nu.

Galatianɛ 2:8

Alasɛ Kpaya, gɛ awaɛxwɛ nɛ̀ Petro kɛxwɛɔwakɔ anasɛ anɔkpɛkpɛ kɔ Yuɖanɛ, kanake awa kɛxwɛ nɛ mɛ kɛxwɛɔwakɔ anasɛ akpɛkpɛ kɔ bagɛ be dinu Yuɖanɛ.

Romanɛ 12:3

Alasɛ ganɔ eshutukubui didi nɛ gɛ ba kɔm mɛ ɛɖɔ tsre wɔnɔmɛayɛ kanyaka sɛ: Nɔ tɔɔ di wɔnɔ shu nɛ ɔsɛ nɔ ɖama dɛ kana gɛ alasɛ tɛ nɔ za, pɔ no bui tɔkpum nɛ wɔnɔ shu nɛ ishubububɔ kebhuikuklum, ansɛ gɛ tɛyɛyɛkɛŋa tɛdzidze nɛm gɛ Kpaya akɔ nɔ.

2 Kɔrintioanɛ 12:11

Ɛkpɛ manahwɛ shu bugã, pɔ wunɔ gbanɛ mɛ ɔkpɛ lɛ mɛ. Wunɔ lɛ lɛkɔ sɛ tɛ nɔ kpɛ mɛ nɛabha alasɛ ɛdɛ nu agugɔɛ zhiesi kɔ “bagbɛgbladɛ-bakpɛkpɛ,” kɛlɛmɛ tsyɛ ɛdɛ nu kɛdɔnyɛdɔ.

2 Kɔrintioanɛ 6:1

Anasɛ Kpaya baxwɛwa bu bisi denɔ nɛ wunɔ ahwɛ sɛ nɔ tɛ yɛkɛ Kpaya kɛdɔkukɔ nɛ kuã.

1 Kɔrintioanɛ 4:7

So ane yɛ abhɛtɛ wɔ ɔgatɔ nɛ anɔ teli shu? Kide gɛ lɛ wɔ ahwɛ gɛ ɔdɛ yɛkɛ lɛ? Klɛ onugɛ ɔyɛkɛ lɛ, kɛdeso gɛ ɔfekeshu anasɛ kɛlɛlɛmɛ ɔdɛ na yɛkɛ?

1 Kɔrintioanɛ 15:2

Ganɔ kibui dzyɔgo nɛabha be bhuinɔayɛkɛ, onugɛ nɔnyɛna gɛganɛ kibui dzyɔgo nɛ gɛ ɛɖɔ tsre nɔ. Odunusɛ, wunɔ kabhaŋɛŋa kɛdinu kɛdɔ dzyɔgo.

Romanɛ 11:1

Ibisi alɛ sɛ: Kpaya ashɛ̃nahwɛ yɛanɔalɛ nɛ shu? Kɛma kidzo nyɛdzoa bha na! Mɛnahwɛ inu Izraɛleyi, gɛ ide Abraham oku nɛm, denɔ Bɛndzyamɛnɛ kɛmadi nɛm.

Mateo 10:20

alasɛ kɛ tɛ ba dzi sɛ wɔnɔ ɖɔ kaɖɔ, pɔ wɔnɔ Aka nɛ Ɔfufɔɛ nɛ ɔlɛ ɔbɔ ɖɔ kaɖɔ nɛ ɔganɔ wɔnɔa bha.

1 Kɔrintioanɛ 3:6

Mɛ ɖa kiyi, Apolo akpɛ buni nɛ kɛlɛ shu, pɔ Kpaya ya kɔ lɔ she.

1 Kɔrintioanɛ 3:10

Nɛ Kpaya kɛdɔkukɔ gɛ akɔ mɛ, idzu buvu nɛ kesi kpɛkpɛ dzyɔgo anasɛ evudzu gɛ avɛ otugba, klɛ anɔ teli tsyɛ èdzu atrɔ bulɛabha. Pɔ akanyaka nɔ edishuabha nɛ bulɛ tɛdzudzu.

1 Kɔrintioanɛ 15:11

Kɛbadzi, nɛlɛede, kɛ nu sɛ mɛ, pɛnɔ balɛ, kɛnɛ nɛko bulɔ petee bu ɖɔ, klɛ kɛnɛ kɔɛlɛ nɔ yɛkɛŋa.

1 Tɛsolonianɛ 5:12

Ɔtsɔ̃, badzya mɔ, bu bisi denɔ wɔnɔ kɔ sɛ nɔ tatɔ nɛ bagɛ ba wa kɛxwɛ gɛganɛɛ nɛ wɔnɔɛ shi, gɛ balɛ kabha kɔ nɔ nɛ Apalete nɛ mɛ pɛ ba kasɛ nɔ ɔtsrɛ odzukɔ.

1 Timotio 4:10

(klɛ kɛlɛ shu lɔ wɛxwɛ pɛ buu tɔ), bu tɛ yɛkɔ bulɔ kidzoenudidi nɛ kpɛ ɛkpã Kpaya nɛ mɛ, gɛ enu agɛ Ayɛyɛkɛkɔ banɔdzyrame nɛ petee, klɛ ɔyɛkɔdɛ kɔ bagɛ ba yɛkɛaŋa.

Mateo 25:16

Anyɛ nɛ gɛ ayɛkɛ Akpãteti nɛ avɛ ada ayɛkɔ yɛayɛ na kpɛ kɛxwɛ wɛwam klɛ amɔ tieti atrɔ agɛ ba kɔ yɛ nɛa bha.