1 Kɔrintioanɛ 12:13 - ONUGBÙ NYƐNYÃ VUVƆ

¹³ Alasɛ bulɔ petee ba kpɛ bini kɔ lɔ ganɔ Ɔfufɔɛ torikpo abha ɔkpɛ ishuidzya terikpo—kɛba kɛlɛmɛ sɛ onu Yuɖiaeyi, ɔdɔgɔsɛ Grikieyi, anɔdzidzi ɔdɔgɔsɛ ɔlɛ ishuahwɛ--klɛ ba kɔ bulɔ petee Ɔfufɔɛ torikpo ɔlɛ nɛ bu wɔɛ.

1 Kɔrintioanɛ 12:13 Referans Kwoze

Efesoanɛ 4:5

Apalete terikpo, tɛyɛyɛkɛŋa tirikpo, bunikpɛkpɛ turukpo,

Koloseanɛ 3:11

Ɔkɛ̃nɛ Griki ɔdɔgɔsɛ Yuɖaeyi ama, bunyɛnyɛ bhubhui, ɔdɔgɔsɛ bunyɛnyɛ mabhuimabhui, bunuhu bhlatɔ ehuhu, amɛ mabhuimabhui, banɔdzidzi, ɔdɔgɔsɛ ɛshuahwɛ zɛza, pɔ Kristo enu balɛ petee, klɛ alɛ balɛ petee mɛ.

Galatianɛ 3:28

Yuɖanɛ ɔdɔgɔsɛ Grikianɛ avama, anɔdzidzi ɔdɔgɔsɛ agɛ alɛ ɛshuahwɛ avama, anyɛ ɔdɔgɔsɛ adzyɛ avama, alasɛ wɔnɔ petee nɔ nu anɔ terikpo nɛ Kristo Yesu mɛ.

1 Petro 3:21

klɛ buni nɛ bu ba dzi bunikpɛkpɛ gɛ ɔtsɔnɛ bubhui nɔ tsyɛ ɔyɛkɛ—ganɛ kibo bubu nɛ ishuidzya shu pɔ tɛtɛtrɔ ɛkpã dzyɔgo zɛza kɔ Kpaya. Kɛ yɛkɛ kɔ nɔ ganɔ Yesu Kristo yɛ tɛnyɛnyɛmɛ denɔ bekpuimɛ,

Romanɛ 3:29

Kpaya Yuɖanɛ Kpaya tite ko enu? Gnɛ yɛ ko yɛ enu bagɛ ba dɛ yɛkɛaŋa nɛ tsyɛ ayɛ? Ee, enu kɔ balɛ tsyɛ,

Axwɛwɛwa 1:5

Alasɛ Yohanɛsɛ akpɛ buni kɔ anɔ nɛ buni, pɔ nɛ ewi bhli teli mɛ, ba ba kpɛ buni kɔnɔ nɛ Ɔfufɔɛ Dzyɔgo.”

Yohanɛsɛ 4:10

Yesu ebuilɛnu kɔ adze nɛ asɛ. “Ɔtɔsɛ onyi Kpaya dɔ kukɔ klɛ agɛ yɛ bisi wɔ buni wuwɔɛ, wɔ ɔtɔ bisi yɛ klɛ ata kɔ wɔ ɛkpa buni.”

Luka 3:16

Yohanɛsɛ etsre balɛ petee asɛ, “Ɛkpɛ buni kɔ nɔ nɛ buni. Pɔ kemi anɔ teli aba ba gɛ adɛ mɛ, yɛ ɔtsreklɔ ohui tsyɛ ɛdɛna gɛ ɛba bule. Yɛ aba kpɛ buni kɔ nɔ nɛ̀ Ɔfufɔɛ dzyɔgo nɛ kifu.

Mateo 3:11

“Ɛɛkpɛuni kɔ wɔnɔ nɛ buni kɔ kite mɛ tsyitsyina. Pɔ mɛede anɔ nɛ gɛ alɛ kemi adɛ mɛ aba ba, yɛ butsrukpɔaklɔ tsyɛ ɛdɛ na gɛ ɛba vunɔ. Yɛ aba kpɛuni kɔ nɔ nɛ Ɔfufɔɛ Dzyɔgo anɛ kifu.

Efesoanɛ 5:26

tɛ akɔ ɛlɛshu bhui, eplu ɛlɛshu nɛ buni tɛwuwlu ɔganɔ kibui nɛabha,

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 3:5

Yesu ebui lɛ nu asɛ, “Itsre wɔ kɛgbɛagba sɛ, anɔnyanɔ atɛ be tsoku Kpaya bukusiɔŋakɔ odɛ nu sɛ be ditsodzi yɛ amɔ nɛ́ buni nɛ̀ Ɔfufɔɛ.

Yohanɛsɛ 1:33

Ɛgɛ ta ti yɛ, ɔdɛsɛ anɔ nɛ gɛ akpɛ mɛ sɛ tɛ ɛkpɛuni kɔ banɔ nɛ buni yɛ tsre mɛ, ‘Anɔ nɛ gɛ nɔ mɔ sɛ Ɔfufɔɛ nɛ zhi ba klɛ lɔ wɔ, yɛ nu agɛ aba kpɛni nɛ̀ Ɔfufɔɛ Dzyɔgo.’

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

Efesoanɛ 3:6

Kibui kpukpuinɛ kɛlɛ nu sɛ ganɔ kibui dzyɔgoe nɛ mɛ ba gɛ be di nu Yuɖanɛ tsyɛ ba baŋa kidedɔ nɛ̀ Izraɛlanɛ, ɔhamanɛ xuxogo tirikpo, klɛ bɛ xogonɛ ishuidzya nɛ mɛ ayɛkɛ kɛ gɛ aɖɔlu nɛ Kristo Yesu mɛ.

Galatianɛ 3:23

Flogo gɛ tɛyɛyɛkɛŋa nɛ ba ba, be tivu lɔ akpɛ buvu nɛ ɔshã nɛ nu, ba davu akpɛ lɔ ɔdɔtɔnɔ kibe gɛ be bu tɛyɛyɛkɛŋa akasɛ.

1 Kɔrintioanɛ 10:2

Ba kpɛ buni kɔ balɛ petee nɛ Mose mɛ nɛ ɔmunɔ nɛesi klɛ nɛ̀ aƒu nɛ mɛ.

Yohanɛsɛ 6:63

Ɔfufɔɛ nɛ ɔkɔ kpã, ishuidzya kɛ dɛ nu kɛdɔnyɛdɔ. Ebui nɛ gɛ ɛɖɔ tsre nɔ le nu ɔfufɔɛ klɛ le nu ɛkpã.

Efesoanɛ 6:8

alasɛ nɔ nyi sɛ Apalete ebe hu anɔnyanɔ ahwɛ kɔ kɛdɔ dzyɔgo gɛ abhɛtɛ, onu anɔdzidzi ɔdɔgɔsɛ alɛ ishuahwɛ.

Romanɛ 4:11

Klɛ ayɛkɛ kɛdɔmumɔ bunyɛnyɛ bhubhui shu, tɛnɛna adɛda gɛ ayɛkɛ ganɔ tɛyɛyɛkɛŋam nɛ kibe lɛ gɛ eke bhui bunyɛnyɛ. So nɛɛ, yɛ enu aka kɔ bagɛ ba yɛkɛ aŋa nɛ petee pɔ pɛ be ke bhui bunyɛnyɛ, sɛ tɛ ba ba yɛkɔ tɛnɛna kɔa lɛ.

Yohanɛsɛ 1:16

Denɔ yɛ ɛyɛmɛyuyɔ nɛna mɛ bulɔ petee bu yɛkɛ tɛyuyula trikpo nɛ aglɔ ede.

Romanɛ 3:22

Tɛnɛna nɛɛ di denɔ Kpaya ɔkɔ kɛɛ ba ganɔ tɛyɛyɛkɛŋa nɛ Yesu Kristom kɔ bagɛ ba yɛkɛaŋa nɛ petee. Ɔtɔgɛga ɔma,