1 Kɔrintioanɛ 10:8 - ONUGBÙ NYƐNYÃ VUVƆ

⁸ Bu tɛ bhɛtɛ aglɔbui, anasɛ gɛ beteli abhɛtɛ—klɛ nɛ kiwui tirikpo mɛ banɔ akpã afɛtabha anɛ tɛata etsi.

1 Kɔrintioanɛ 10:8 Referans Kwoze

1 Kɔrintioanɛ 6:18

Shɛnahwɛ aglɔbui bhɛbhɛtɛ shu. Ɛbui kpã bhlatɔ petee gɛ anɔ abhɛtɛ le di de yɛ shuidzya nɛ mɛ, pɔ anɔ nɛ gɛ abhɛtɛ aglɔbui buizizi abhɛtɛ buzizi nɛ yɛ nahwɛ shuidzya shu.

1 Kɔrintioanɛ 6:9

Nɔ tinyi sɛ kɛtɔkpumɛ gɛganɛelete atɛ ba ŋa kededɔ nɛ Kpaya kusiɔŋa kɔ? Nɔ tɛkɔ la wɔɛ nɔ: Aglɔbui bhɛbhɛtɛ pɛnɔ obudisɔlɛ pɛnɔ ɔmɛmɛdɛdɛ pɛnɔ ɔhaglɔ shudɛdɛ pɛnɔ anyɛ anɛ anyɛ tɛzɛza

Tɛbubukasɛ 2:14

Pɔ, ebuibhli teli alɛ mahwɛ nɛ wɔ shu: Banɔ teli ba lɛ wɔ ɔbha nɛ ɔkɛlɛ gɛ ba nyɛna Balaam kɛdɔkɛkasɛ nɛ mɛ evunɔ, gɛ ba kasɛ Balak kɛdɔ sɛ tɛ ba yɛkɔ awɛɛ Izraɛlanɛ sɛ tɛ ba bhɛtɛ buzizi ganɔ kɛŋɛŋa nɛ gɛ ba bhɛtɛ kɔ ibuidi nɛ tɛŋɛŋa nɛ ganɔ azhuzhɔlɛbui tɛbhɛbhɛtɛ mɛ.

Mateo 5:32

Pɔ itsre wɔnɔ sɛ anɔnyanɔ gɛ ashɛ̃nahwɛ yedzini shu, gɛ odi nu sɛ adɛ ɔma mɛ so, akɔ sɛ adzɛ nɛ aba tɛ bhɛtɛ aglɔbui, klɛ anɔnyanɔ gɛ aaba tɛ gbanɔ adzɛ alɛlɛ nɛɛ abhɛtɛ aglɔbui.