1 Kɔrintioanɛ 10:17 - ONUGBÙ NYƐNYÃ VUVƆ

¹⁷ Alasɛ ɔgba torikpo, bulɔ, gɛ bukpe, bu nu ishuidzya tirikpo, alasɛ bulɔ petee bu tã ɔgba tirikpo.

1 Kɔrintioanɛ 10:17 Referans Kwoze

Romanɛ 12:5

so nɛ Kristo mɛ bulɔ gɛ bu kpe nɛ ishuidzya tirikpo mɛ, klɛ kapɛ kanyaka lɛ kɔ bugɔgɔɛ nɛ petee.

Koloseanɛ 3:15

Nɔ kɔ Kristo ishuyuyɔ ŋa kabha nɛ wɔnɔ idzyi mɛ, nɛ kibelɛlɛ alasɛ gɛ nɔ nu ɔha nɛ ishuidzya tirikpo, be klu nɔ kɔ ishuyuyɔ. Klɛ nɔ dzi ahwɛhuhu elete.

1 Kɔrintioanɛ 12:27

Ɔtsɔ̃ no nu ishuidzya kɔ Kristo, klɛ anɔnyanɔ enu yɛ kapɛ.

1 Kɔrintioanɛ 12:12

Ishuidzya lɛ nu kɛdɔ tirikpo, kɛlɛlɛmɛsɛ bu nu bupɛpɛpɛ gelee klɛ kɛlɛlɛmɛsɛ bulɛ bupɛpɛpɛ bu kpe, bu bhɛtɛ ishuidzya tirikpo. So kana tsyɛ kɛ lɛ nɛ Kristo.

Efesoanɛ 4:25

Kɛlɛso anɔnyanɔ alasɛ tɛ nɔ yulɔ ɛkpã zizi nɛ di za klɛ tɛ nɔ ɖɔ ebui gbɛagba etsre yɛ ɔhaglɔ, alasɛ bulɔ petee bunu banɔɛza tirikpo.

Efesoanɛ 4:16

Denɔ yɛ mɛ ishuidzya petee, xogo klɛ lɛ nyana aglɔ nɛ tɛzɛ, klɛ lɛ bhɔ ishu trɔ nɛ tɛdɛdɛmɛ mɛ, anasɛ gɛ kapɛ nyɛapɛ wa yɛ shu axwɛ.

Efesoanɛ 4:4

Ishuidzya tirikpo anɛ Ɔfufɔɛ torikpo—anasɛ gɛ beklu nɔ kɔ kidzoenudidi tirikpo gɛ be klu nɔ—

Koloseanɛ 3:11

Ɔkɛ̃nɛ Griki ɔdɔgɔsɛ Yuɖaeyi ama, bunyɛnyɛ bhubhui, ɔdɔgɔsɛ bunyɛnyɛ mabhuimabhui, bunuhu bhlatɔ ehuhu, amɛ mabhuimabhui, banɔdzidzi, ɔdɔgɔsɛ ɛshuahwɛ zɛza, pɔ Kristo enu balɛ petee, klɛ alɛ balɛ petee mɛ.

Efesoanɛ 3:6

Kibui kpukpuinɛ kɛlɛ nu sɛ ganɔ kibui dzyɔgoe nɛ mɛ ba gɛ be di nu Yuɖanɛ tsyɛ ba baŋa kidedɔ nɛ̀ Izraɛlanɛ, ɔhamanɛ xuxogo tirikpo, klɛ bɛ xogonɛ ishuidzya nɛ mɛ ayɛkɛ kɛ gɛ aɖɔlu nɛ Kristo Yesu mɛ.

Koloseanɛ 2:19

Apɔ nɛ Kɛtɔkpu nɛ shu, denɔ agɛ yɛ shu ishuidzya nɛ petee kɛ kpa plɛnɔ klɛ tɛzɛ anɛ kɛdzya nɛ nyɛna xogo, pɛ kɛɛ she ansɛ gɛ Kpaya abhɛtɛ ɛlɛ asɛ kishe.

1 Kɔrintioanɛ 10:21

Nɔ tɛ bɔ na Apalete nɛ kantse nɛ wɔɛ̃ klɛ ɛfufɔɛkpã nɛ kãtse tsyɛ wɔ̃ɛ, nɔ tɛ bɔ na Apalete nɛ ɔkplɔ̃ shu za anɛ ɛfufɔɛkpã nɛ ayɛ.