1 Kɔrintioanɛ 1:5 - ONUGBÙ NYƐNYÃ VUVƆ

⁵ Alasɛ nɛ yɛ mɛ nɔ bɔ dzi ehoeyielete nɛ kidzonyɛdzo abha—nɛ kɛlɛ petee mɛ wunɔ kaɖɔɖuɖɔ nɛ kɛlɛmɛ petee nɛ kibuititi—

1 Kɔrintioanɛ 1:5 Referans Kwoze

2 Kɔrintioanɛ 9:11

Ba ba bhɛtɛ nɔ bɔ dzi ehoeyielete nɛ kidzonyɛdzo abha sɛ tɛ nɔ bɔ na kɛdɔ zɔ kɔ banɔ nɛ kibenyɛbe kɛdɔ bhɛtɛ kɔ, klɛ ganɔ bulɔ abha wunɔ dɔkukɔ badzi ahwɛhuhu kɔ Kpaya.

2 Kɔrintioanɛ 8:7

Pɔ anasɛ gɛ buna nɛ kɛkanyaka mɛ—nɛ tɛyɛyɛkɛŋa mɛ, nɛ kaɖɔɖuɖɔ mɛ, nɛ kibuititi mɛ, nɛ kemi gbɛagba kpɛkpɛmɛ anɛ̀ wunɔ tɛdɛdɛmɛ nɛ lɔ—nɔ di sɛ wunɔnɔ tsyɛ nɔ na nɛ kɛdɔkukɔɛ nɛ mɛ kɔ kɛkukɔ.

Koloseanɛ 2:3

nɛ kɛlɛ mɛ le kpu kibuinyinyi anɛ̀ kibuititi petee ɔbalakɔ.

Filipianɛ 1:9

Klɛ kɛnɛ kɛlɛ nu mɛ kpayakuklu: sɛ wɔnɔ tɛɖuɖɔ nɛ yuku gbɛgba tsodzini gbɛgba anɛ́ kɛbuititi anɛ̀ ishumdzudzu vɛvɛ,

Romanɛ 15:14

Madzyalɛ mɔ, mɛnahwɛ nɛ kixuim sɛ, wɔnɔ nahwɛ no yuku nɛ tɛzɛzam dzyɔgo, nɔ na nɛ kibuititim klɛ nɔ na kɔ aglɔɛdɔ kɛkasɛ.

Yakobo 3:13

Ane gɛ enyibui pɛ enu kibuiesi nɛ wɔnɔɛ shi? Kɔ ebui lɛ akasɛ ganɔ yɛ ɛkpã dzyɔgo nɛm, ganɔ ebui bhɛbhɛtɛ anɛ ishu zhizhinɔesi nɛ gɛ de kibuinyinyi mɛ.

Koloseanɛ 3:10

klɛ nɔ kpɛ bu vuvɔ pi, gɛ nɔ tsrakɛ nɛ kibuititi mɛ nɛ Adɔbhɛtɛ nɛ tɛ zɛza mɛ.

Efesoanɛ 6:19

Klukpaya nɛ mɛ tsyɛ tɔkpu, tɛ kibenɔ nɛ gɛ ɛdanɛ mɛ onugbu, ba bakɔ mɛ ebui sɛ tɛ nɛ kifu mazɛlɛmɛ tɛ ɛkɔ ale tii kibui dzyɔgo anɛ̀ ebuikpukpu,

Efesoanɛ 1:17

Itsri lɛabha bisi sɛ bulɔ Apalete Yesu Kristo Kpaya, ishubhubhui Aka akɔ nɔ Ɔfufɔɛ kibuinyinyi anɛ tibubukasɛ, sɛ tɛ nɔ tii yɛ ɔdɛ ana.

1 Kɔrintioanɛ 12:8

Ganɔ Ɔfufɔɛ nɛabha ba kɔ anɔ teli kibuinyinyi ɔsɔ, kɔ anɔ bhlatɔ kɛbuititi ɔsɔ ganɔ Ɔfufɔɛ ɔlɛlɛ nɛabha,

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

Efesoanɛ 3:8

Kɛlɛ anasɛ enu ebhliyi dɛ Kpaya banɔ bhliyi, yɛ kɛdɔ kuku ba kɔ mɛ: sɛ tɛ ɛɖɔ kibui dzyɔgo nɛ kɔ bagɛ bedinu Yuɖanɛ Kristo kedziŋɛŋa gɛ ɔtɛ bɔ pɛɛɔ mɔ,

Efesoanɛ 2:7

sɛ tɛ nɛ agɔ nɛ gɛ la ba nɛ mɛ tɛ ebe bu kɛsɔnɔ nɛ gɛ adɛsɔnɔ anɔnyanɔ akasɛ asɛ tɛmumɔ gɛ kɛ baa aba kasɛ kedziŋɛŋa gɛ kadɛ sɔnɔ yɛ dɔkukɔ, ebukasɛ nɛ yɛ ɛyɛmɛyɛyɔ kɔ lɔ nɛ Kristo Yesu mɛ.

1 Kɔrintioanɛ 13:2

Onugɛ atɔnu kɛdɔkukɔ lɛ mahwɛ klɛ ɛba na ebuikpukpu petee anɛ ebuititi petee kesi nu, klɛ onugɛ tɛyɛyɛkɛŋa lɛ mahwɛ gɛ kɛba kpa betu, pɔ pɛ ɛdɛdɛmɛ nɛ anɔ, ɛdɛ nu kɛdɔnyɛdɔ.

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

1 Kɔrintioanɛ 14:26

Kide kɛlɛ bu baɖɔ ɔtsɔ̃ nɛ, badzya mɔ? Kibenɔ nɔ bɔ xogo, anɔnyanɔ evunɔ ɛdzɛ zhɛzha, ɔdɔgɔsɛ kibui gɛ ba kasɛ kɛdɔ, tɛbubukasɛ, ɔfufɔɛmɛaɖɔ ɔdɔgɔsɛ kibuiesibubu. Anɛ nɛɛ di petee alasɛ sɛ tɛ ba bhɛtɛ kɔ busɔlɛɔha nɛ tɛgɛganɛ.

1 Kɔrintioanɛ 13:8

Tɛdɛdɛmɛnɔ tɛ ba wɔlɛ. Pɔ ɔkɛlɛ gɛ ebuiɖɔlu alɛ, alɛ nu ba fla, ɔkɛlɛ gɛ ɔfufɔɛmɛaɖɔ ka lɛ, ba ba dzrɔ nɛ alɛ; ɔkɛlɛ gɛ kibuititi lɛ, kɛ ba koeyi fla.

1 Kɔrintioanɛ 12:10

kɔ anɔ bhlatɔ ebuiyinɔanɔ kemi, kɔ abhlatɔ kibuiɖɔlu, kɔ abhlatɔ ɔtɔgɛga titi nɛ ɛfufɔɛ mɛ, kɔ abhlatɔ kaɖɔɖuɖɔ nɛ benuhu gelee mɛ klɛ kɔ anɔ bhlatɔ tsyɛ bunuhu kesibubu.

1 Kɔrintioanɛ 8:11

So dzya gblɔdzɔa nɛ gɛ yɛ tɔkpu Kristo etsi, wɔ kibuititi nɛ zi yɛ.

Romanɛ 15:4

Alasɛ kɛdɔnyɛdɔ gɛ ba ŋlɔmɛ elu aba fla ba ŋlɔmɛ kɛlɛ sɛ tɛ ba yɛkɔ akasɛ lɔɛdɔ nɔ, sɛ tɛ ganɔ awɔ̃dzudzu mɛ nɛ Kpayɛbuieplukpa anɛ kemikpɛkpɛ lɔ mɛɛ tɛ bu mɔ kidzoenudidi.

Romanɛ 11:12

Pɔ onu gɛ balɛ buzizi nɛ nu kɛkesrɔdɔ kɔ kanɔ, klɛ balɛ kɛdɔlɛlɛla nɛ nu kɛkesrɔdɔ kɔ baga dɛ yɛkɛaŋa, kɛlɛ kɛkesrɔdɔ gbɛgbla dɛa na nɛ balɛ ahwɛ nɛ taa mɛna!

Axwɛwɛwa 2:4

Balɛ petee be yuku nɛ Ɔfufɔɛ Dzyɔgo klɛ la kpa kaɖɔɔ ɖɔ nɛ benuhu bhlatɔ mɛ ansɛ gɛ Ɔfufɔɛ nɛ oyɛkɔalɛ.

2 Kɔrintioanɛ 6:10

samemamɔ mamɔ, pɔ kibenyɛbe bu mɔ same, be tsyutsyukpɛ̃, pɔ bu mɔ ehoeyi gelee, kɛdɔmaza maza anɔ ahwɛ, pɔ kɛdɔnyɛdɔ lɛ anɔ ahwɛ.