Yox 9:5 - Tupanaarü Ore

⁵ Rü ngẽxguma nanuxgu ya Tupana rü nachicawa nayaxĩgachixẽẽgü ya ma̱xpǘnegü. Natürü taxúema nüxü̃ tacua̱x nax ta̱xacüca̱x nabuxü̃.

Yox 9:5 Referans Kwoze

Ore i mexü̃ ga Luca ümatüxü̃ 21:11

Rü nümaxü̃ i nachixü̃anegüwa rü poraãcü tá naxĩã̱xãchiane, rü poraãcü tá nangu̱x i taiya, rü tá nataxüchi i da̱xaweane. Rü duü̃xü̃gü rü daxũwa tá nüxü̃ nadaugü i ta̱xacü i namaxã naba̱i̱xãchiexü̃ rü taxü̃ i cua̱xruü̃gü.

Ore i mexü̃ ga Matéu ümatüxü̃ 27:51

Rü yema oragu ga Tupanapata ga taxü̃nearü tüyemachiãxü̃ rü taxregu narügáute. Rü daxũwa inanaxügü ga nax nagáutexü̃ rü ñu̱xmata ñaxtüwa nangu. Rü naxĩã̱xãchiane, rü narüngǘxtegü ga nutagü ga itacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:13

Rü yexgumatama poraãcü naxĩã̱xãchiane. Rü wüxi ga yema norü 10 arü üye ga guma ĩane, rü niwa̱xgü. Rü 7,000 ga duü̃xü̃gü nayue namaxã ga yema ĩã̱xãchiane. Rü yema togü ga duü̃xü̃gü ga maxẽxü̃ rü poraãcüxüchi namuü̃e. Rü Tupana ya daxũguxü̃ i naanewa ngẽxmacüxü̃ nicua̱xüü̃gü.

Abacú 3:10

Rü ngẽxguma cuxü̃ nadaugügu ya ma̱xpǘnegü rü nidu̱xruxe. Rü dauxü̃guxü̃ i naanewa rü tacü ya pucü narüngu. Rü ngẽma már i mátamaxü̃ rü poraãcü naxãũgaãchi namaxã ya norü yuape ya tacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:14

Rü guxü̃ma i daxũwa nüxü̃ idauxü̃ rü inayarütaxu. Rü ñoma wüxi i popera i dixcumüãchixü̃rüxü̃ inayarütaxu. Rü guxü̃nema ga guma ma̱xpǘnegü rü yema capaxũgü rü nixĩgachi ga nachicawa.

Ore i mexü̃ ga Matéu ümatüxü̃ 21:21

Rü Ngechuchu nanangãxü̃ rü ñanagürü: —Pemaxã nüxü̃ chixu rü ngẽxguma chi aixcüma peyaxõgügu rü tama ngẽma igunecümaxã chaxüxü̃xica chi pexü, natürü ngẽmaarü yexeraxü̃ chi pexü. Rü ngẽxguma chi daa ma̱xpǘnexü̃ ñapegügu: ¡Ixũgachi i nua rü márwa cugü yatáe!, ñapegügu nüxü̃, rü pega chi naxĩnü.

1 Corintios 13:2

Rü woo nüxü̃ chacua̱xgu nax mea duü̃xü̃gümaxã nüxü̃ chixuxü̃ i Tupanaarü ore, rü woo nüxü̃ chacua̱xgu i guxü̃ma i ta̱xacü i ẽxü̃guxü̃ i Tupanachiga, rü woo choxü̃́ natauxchagu nax chorü õmaxã chayaxĩgachixẽẽxü̃ ya ma̱xpǘnegü, natürü taxuwama chame ega tama choxü̃́ nangẽxmagu i ngechaü̃.

Chacaría 4:7

Rü woo ñoma taxü̃ne ya ma̱xpǘnerüxü̃ yixĩxgu i ngẽma guxchaxü̃gü nax tama inaxügüãxü̃ca̱x ya yima Tupanapata, natürü Chorobabépe̱xewa rü tá inayarüxo i ngẽma guxchaxü̃gü ñoma wüxi ya ma̱xpǘne rüdõõchixẽẽxü̃rüxü̃. Rü nümatama ya Chorobabé rü tá nayaxǘcuchi ya yimá nuta ya nawa iyacuácü nax yanguxü̃ca̱x ya yima Tupanapata. Rü ngẽxguma yanguxgu rü nüma i duü̃xü̃gü rü tagaãcü ñanagürügü tá: “Namexẽchi, namexẽchi ya yima Tupanapata!” ñanagürügü tá.

Abacú 3:6

Rü ngẽxguma iyachiãchigu ya nüma ya Tupana, rü ñoma i naane rü nidu̱xruane. Rü ngẽxguma ñoma i naanegu nadawenügu rü ngẽma nachixü̃anegü rü naxĩã̱xãchigü, rü yima nũxcümaü̃güne ya ma̱xpǘnegü rü nabu rü nangĩãchi. Natürü ngẽma Cori ya Tupana nagu rüxĩnüxü̃ rü taguma inarüxo.

Ichaía 40:12

¿Rü texé ya tümachacume̱xẽmaxã inanguxe i már arü dexá, rüe̱xna tümatanüme̱xẽgümaxã nangugüxe i daxũguxü̃ i naanearü ta? ¿Rü texé wüxi i nguruü̃gu tanagücu i ñoma i naanearü waixü̃müte̱xe? ¿Rü texé yáruü̃wa tanayá ya guxü̃nema ya ma̱xpǘnegü?

Wiyaegü 114:6

¿Rü ta̱xacü pexü̃ nangupetü, Pa Imáchanexü̃chine ya Ma̱xpǘnegüx rü pemax Pa Rünuxmaegüne ya Ma̱xpǘnegüx, rü piyuxnetanücüüxü̃ ñoma carnéruxacügü rü chíbuxacügü yuxnagütanüxü̃rüxü̃?

Wiyaegü 68:8

Rü yexguma Tupana guma ma̱xpǘne ga Chinaíwa nguxgu, rü naxĩã̱xãchiane ga naane. Rü yima caixanexü̃gü rü inanaba ga dexá. Rü guma ma̱xpǘne rü naxĩã̱xãchi nape̱xewa ya Iraétanüxü̃arü Tupana.

Wiyaegü 46:2

Rü ngẽmaca̱x taxuca̱xma tamuü̃e ega woo ñoma i naane rü nangĩãchigu rü ma̱xpǘnegü rü márchíütamagu nayixgu.

Yox 28:9

Rü yimá yatü nixĩ ya nutatanügu aigücü, rü ngẽmaãcü nanango̱xẽxẽ i ngẽma ma̱xpǘnegüarü aixepewa ngẽxmagüxü̃.

Yox 26:6

Rü Tupanape̱xewa rü nataxuma i ta̱xacü icúxü̃ rü woo ngẽma yuexü̃arü naxmaxü̃gü rü Tupanape̱xewa rü ínangegü.

Yox 34:25

Rü nüma ya Tupana rü nüxü̃ nacua̱x i ngẽma chixexü̃ i naxügüxü̃ i ngẽma nügü írüporaexü̃, rü chütacü rü ínanawoxü̃. Rü ngẽxma narüxo i norü pora.

Yox 41:11

¿Rü yíxema naxca̱x ixũamáxe, ẽ̱xna tamaxü̃xü̃ yixĩxü̃? Rü taxúema i ñoma i naanewa tapora nax namaxã tügü tadaixü̃.

Yox 40:11

¡Rü nüxü̃ nadau i ngẽma nügü írütagüxü̃ rü curü numaxã naxãneexẽxẽ! ¡Rü nüxü̃ nadau i ngẽma chixexü̃arü üruü̃gü rü yanaxoxẽxẽ i ngextá ínangexmagüxü̃wa!

Naúü̃ 1:5

Rü yima ma̱xpǘnegü rü na̱xcha̱xwa nidu̱xrugü rü nape̱xewa inagü. Rü guxü̃ma i ñoma i naane rü guxü̃ma i duü̃xü̃gü i nawa maxẽxü̃ rü nape̱xewa niyoyogü norü muü̃maxã.

Naúü̃ 1:6

¿Rü texé tá yáxna namaxã taxĩnü ega tümamaxã nanuxgu ya Tupana? ¿Rü texé tá namaxã tapora i ngẽma norü nu? Erü ngẽma norü nu rü ñoma üxüemaarü naiemaxü̃rüxü̃ nixĩ. Rü nape̱xewa rü narüngǘxtegü ya yimá nutagü ya taxüchicü.