Yox 9:12 - Tupanaarü Ore

¹² Rü ngẽxguma chi ta̱xacü nayaxu̱xgu nax noxrü yixĩxü̃ca̱x, ¿rü texé tá ítayachaxãchixẽxẽ? ¿Rü texé tá nüxna taca naxca̱x i ngẽma naxüxü̃?

Yox 9:12 Referans Kwoze

Ichaía 45:9

Rü ñanagürü ga Tupana: —Wüxi i naxpáü̃ i waixü̃münaxca̱x rü tama norü üruü̃xü̃maxã narüxutaga. Rü ngẽma waixü̃mü rü tama ngẽma üwechiruü̃xü̃ ñanagürü: “¿ta̱xacü ícuxü?” ñanagürü. Rü ngẽma napáxü̃ rü tama norü üruü̃xü̃ ñanagürü: “Cuma rü tama nüxü̃ cucua̱x nax mea choxü̃ cuxüxü̃”, ñanagürü.

Yox 11:10

Rü ngẽxguma chi Tupana nua ũxgu rü chi cuxü̃ napoxcugu rü cuxna nacagu i curü maxü̃chiga, ¿rü texé tá ítayachaxãchixẽxẽ?

Yox 23:13

Rü nüma ya Tupana rü ngẽxguma ta̱xacü naxüxchaü̱̃xgu rü nanaxü. Rü taxúema texé tanaxüchicüxü i ngẽma norü ĩnü.

Romanos 11:34

¿Erü texé i tatanüwa nüxü̃ tacua̱x i guxü̃ma i ngẽma tórü Cori nagu rüxĩnüxü̃? ¿Rü texé nüxü̃ tacua̱x nax tanaxucu̱xẽxü̃?

Yox 34:29

Rü ngẽxguma chi Tupana rüchianegu ¿rü texé tá nüxü̃ tixu nax chixexü̃ taxüxü̃? Rü ngẽxguma duü̃xü̃gücha̱xwa nügü yacu̱xgu ¿rü texé tá nüxü̃ tadauama? Rü nüma nixĩ i nüxna nadauxü̃ ya ĩanegü rü duü̃xü̃gü nax tama namaxã inacua̱xgüxü̃ca̱x i ngẽma ãẽ̱xgacügü i chixexü̃ i duü̃xü̃güxü̃ womüxẽẽxü̃.

Ore i mexü̃ ga Matéu ümatüxü̃ 20:15

¿Tama ẽ̱xna name i ngẽma choma chanaxwa̱xexü̃ãcü ngĩmaxã nax chaxüxü̃ i chorü diẽru? ¿Rü ẽ̱xna quixãũxãchi erü ngẽmaãcü chamecüma?” ñanagürü.

Danié 4:35

Rü ngẽma duü̃xü̃gü i ñoma i naanewa maxẽxü̃ rü cupe̱xewa, Pa Tupanax, rü taxuxü̃ma nixĩgü. Rü cuma cunaxwa̱xexü̃ãcü namaxã icucua̱x i dauxü̃guxü̃ i naane rü ñoma i naane. Rü tataxuma ya texé ya curü poraxü̃ rüyexeraxe. Rü tataxuma ya texé ya tüxü̃́ nangẽxmaxe i pora nax cuxna taca̱xaxü̃ rü ‘¿tü̱xcüü̃ cunaxü i ngẽma cuxüxü̃?’ ñachagürü.

Yeremía 18:6

—Dücax, Pa Iraétanüxü̃x ¿tama ẽ̱xna inamexü̃ i ngẽma üwechixü̃ waixü̃mümaxã üxü̃rüxü̃ pemaxã chanaxüxü̃? Rü ngẽma waixü̃mü rü üwechiruxü̃ nixĩ i namaxã icuáxü̃ rü ngẽxgumarüxü̃ ta nixĩ i chomax nax pemaxã ichacuáxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma.

Yox 33:13

¿Rü tü̱xcüü̃ nape̱xewatama Tupanana cunaxu nax tama cuxü̃ nangãxü̃xü̃ i curü ore i namaxã cugü ícupoxü̃xü̃?

Efesios 1:11

Yerü woetama nũxcüma ga Tupana rü tamaxã nanaxuegu nax Cristugagu tá nayauxgüxü̃ i maxü̃ i taguma gúxü̃, yerü yema nixĩ ga nagu naxĩnüxü̃ ga Tupana ya norü ngúchaü̃ãcü naxücü i guxü̃ma.

Ore i mexü̃ ga Matéu ümatüxü̃ 11:26

Rü moxẽ cuxna chaxã, Pa Chaunatüx, erü cuma cunaxwa̱xe nax ngẽmaãcü cunaxüxü̃”, ñanagürü.

Ngu̱xẽẽtaeruü̃arü ore 8:4

Rü ngẽma ãẽ̱xgacüarü ore rü napora. Rü taxúema tapora nax nüxna naxca̱x tacaxü̃ i ngẽma naxüxü̃.

Ichaía 43:13

Rü choma nixĩ i guxü̃guma Tupana chixĩxü̃. Rü cho̱xme̱xwa rü taxúema tümaarü poramaxã tügü ítapoxü̃. Rü ngẽma choma chaxüxü̃ rü taxúema tayanaxoxẽxẽ —ñanagürü.

2 Chamué 16:10

Natürü nüma ga ãẽ̱xgacü rü nanangãxü̃ rü ñanagürü: —Ñaa rü tama perü guxcha nixĩ, Pa Cheruiá Nanegüx. Rü ngẽxguma Tupanaarü mu yixĩxgu nax ta̱xacü chomaxã yaxugüxü̃ rü ¿texé tá tixĩ ya nüxna naxca̱x caxe i ngẽma inaxüxü̃? —ñanagürü.

Yox 1:21

Rü yexguma rü ñanagürü: —Ngexchiruxãcü chauéanüwa chabu nax ñoma i naanewa changóxü̃ca̱x. Rü ngẽxgumarüxü̃ tá ta taxuxü̃táma chinge i ngẽxguma chayu̱xgu. Rü nüma ya Cori ya Tupana choxna nanaxã i guxü̃ma, rü nümatama wena choxna nanayaxu. ¡Namecümaxüchi ya Cori ya Tupana! —ñanagürü.

Danié 4:32

Rü duü̃xü̃güna tá quixũgachi rü naxü̃natanüwa tá cumaxü̃, rü wocagürüxü̃ tá maxẽmaxã cuxãwemü i 7 ya taunecü. Rü ngẽmaãcü tá quixĩ ñu̱xmatáta nüxna cucua̱xãchi nax Tupana yixĩxü̃ ya yimá nüxü̃́ nangẽxmacü i pora nax namaxã inacuáxü̃ i guxü̃ma i nachixü̃anegü i ñoma i naanewa ngẽxmagüxü̃. Rü nüma nixĩ i tüxü̃ yangucuchixẽẽxü̃ nax ãẽ̱xgacü tixĩxü̃ ya yíxema nüma norü me ixĩxẽ —ñanagürü.