Yox 9:10 - Tupanaarü Ore

¹⁰ Rü nüma ya Tupana rü nanaxü i muxü̃ma i taxü̃gü i mexü̃gü i taxúema nüxü̃ cuáxü̃ nax ñuxre yixĩxü̃.

Yox 9:10 Referans Kwoze

Yox 5:9

Erü nüma ya Cori ya Tupana rü muxü̃ma i taxü̃ i mexü̃gü naxü. Rü yixema rü tama nüxü̃ tacua̱x nax ñuxãcü naxüaxü̃ i ngẽma.

Wiyaegü 72:18

Namecümaxüchi ya Cori ya Tupana ya Iraégüarü Tupana. Rü nüxicatama nixĩ i naxüaxü̃ i ngẽma mexü̃gü i taxü̃gü i norü poramaxã naxüxü̃.

Romanos 11:33

Rü guxü̃ma i ngẽma Tupanaarü mexü̃gü rü taxúema nüxü̃ tacua̱x i norü mu. Rü ngẽxgumarüxü̃ ta i norü cua̱x rü norü ĩnü rü taxúema nüxü̃ tacua̱x i ngẽma. Rü taxúema nüxü̃ tacua̱x i ngẽma nagu naxĩnüxü̃ rü naxüxü̃.

Efesios 3:20

Rü ñu̱xma rü name nax nüxü̃ icua̱xüü̃güxü̃ ya Tupana. Erü nüma rü nüxü̃́ nangẽxma i pora nax tüxna naxããxü̃ i ngẽma naxca̱x íicaxü̃arü yexeraxüchi rü ngẽma nagu rüxĩnüexü̃arü yexeraxüchi. Rü ngẽma norü pora i tawa ngẽxmaxü̃maxã nixĩ i naxüaxü̃ i guxü̃ma i ngẽma.

Ngu̱xẽẽtaeruü̃arü ore 3:11

Rü yexguma norü ngunexü̃wa nanguxgu rü Tupana nanaxü ga guxü̃ma. Rü namexẽchi ga yema naxüxü̃. Rü naétü Tupana duü̃xü̃güxü̃ nüxü̃ nacua̱xẽxẽ i ngẽma taguma gúxü̃ woo i duü̃xü̃gü rü tama nawa nangugü nax nüxü̃ nacua̱xgüxü̃ i guxü̃ma i ngẽma Tupana marü ngo̱xẽẽxü̃, rü ngẽma yixcüra tá naxüxü̃.

Wiyaegü 136:4

Rü nüxicatama nixĩ i naxüaxü̃ i taxü̃ i mexü̃gü. Erü ngẽma norü ngechaü̃ rü taguma inayagu̱x.

Wiyaegü 71:15

Rü wüxichigü i ngunexü̃gu rü tá nüxü̃ chixu nax cuma quixĩxü̃ nax toxü̃ cumaxẽxẽxẽxü̃ rü aixcüma toxü̃ curüngü̃xẽxẽxü̃. Rü ngẽma nax namuxũchixü̃ i ngẽma mexü̃gü i cha̱u̱xca̱x cuxüxü̃, rü taxucürüwama chayaxugü.

Yox 37:23

Rü tama nüxü̃ tacua̱x i norü ĩnü ya yimá Guxü̃étüwa Ngẽxmacü ya Tupana. Erü nüma rü guxü̃arü yexera naporaxüchi rü nixaixcüma. Rü norü ĩnü rü meama niwe̱x, rü taguma chixri texémaxã inacua̱x.

Ínachoxü̃xü̃chiga 15:11

Pa Chorü Cori ya Tupanax, rü ngẽma duü̃xü̃gü namaxã tupanaã́xü̃tanüwa rü nataxuma i ta̱xacü i cumaxã wüxiguxü̃. Rü nataxuma i ta̱xacü i cuxrüxü̃ üünexü̃ rü nüxü̃ cua̱xüchixü̃. Rü cuma cunaxü i ngẽma mexü̃gü i duü̃xü̃gü poraãcü namaxã baixãchiexü̃.

Wiyaegü 145:3

Rü nüma ya Cori ya Tupana rü nüxü̃ nacua̱xüchi rü ngẽmaca̱x name nax nüxü̃ icua̱xüü̃güxü̃. Rü ngẽma tórü cua̱x rü tama nawa nangu nax nüxü̃ icuáxü̃ca̱x i ñuxãcü nüxü̃ nacua̱xüchixü̃ i nümax.

Yox 37:5

Rü ngẽxguma Tupana taxü̃ i nagaxü̃ tüxü̃ naxĩnüxẽẽgu, rü nanaxü i mexü̃gü i taxúema nüxü̃ cuáxü̃.