Yox 8:9 - Tupanaarü Ore

⁹ Yixema rü ngexwaca̱xtama tabue rü ngẽxguma mea nagu rüxĩnüegu rü taxuxü̃ma tacua̱x. Rü ngẽma tórü ngunexü̃gü i ñoma i naanewa rü ñoma naxchipeta i üpetümarexü̃rüxü̃ nixĩ.

Yox 8:9 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:15

Rü cupe̱xewa i ñoma i naanewa rü toma rü ñoma duü̃xü̃gü i ĩanetanüxü̃rüü̃mare tixĩgü nax paxaãchi i ñoma i naanewa tangexmagüxü̃ yema nũxcüma ga torü o̱xigürüxü̃. Rü ngẽma torü maxü̃ i ñoma i naanewa rü ñoma wüxi i naxchipetarüxü̃ paxa inarütauxmare.

Wiyaegü 144:4

Rü yimá duü̃ rü wüxi i ngü̃ãcüürüxü̃ nixĩ i norü maxü̃. Rü ngẽma norü maxü̃ rü ñoma wüxi i gáuxchipetaxü̃ üpetüxü̃rüü̃mare nixĩ.

Yox 14:2

Rü ñoma wüxi i putürachacu i boxüxü̃ rü paxãma rüñẽ̱xẽxü̃rüxü̃ nixĩ. Rü ñoma wüxi i naxchipeta i paxãma ngupetüxü̃ rü iyarütaxuxü̃rüxü̃ nixĩ i duü̃xü̃arü maxü̃.

Wiyaegü 102:11

Rü ngẽma chorü ngunexü̃gü rü paxa naxüpetü ñoma wüxi i gáuxchipetaxü̃rüxü̃. Rü chayarümaãchi ñoma maxẽrüxü̃.

Yox 7:6

Rü ñoma ta̱xacü paxãma ixũxü̃rüxü̃ nixĩ i ngẽma chorü maxü̃, rü paxãma inixũ nax norü gu̱xwa nanguxü̃, rü taxucürüwama íchayachaxãchixẽxẽ.

Naanearü ügüchiga 47:9

Rü Acóbu nanangãxü̃ rü ñanagürü: —Choma rü 130 ya taunecü marü choxü̃́ nangẽxma nax nuxica ne chanaxũxü̃. Rü yimá chorü taunecügü ga nagu guxchaxü̃gü choxü̃́ yexmacü rü noxretama nixĩ, erü tautama nawa changu ya chorü o̱xigüarü taunecüe̱xpü̱x nax yixĩxü̃ca̱x —ñanagürü.

Wiyaegü 90:4

Rü 1,000 ya taunecü rü cuxca̱x rü ñoma wüxitama i ngunexü̃ i ngupetüxü̃rüxü̃ nixĩ, rü ñuxre i ora i chütaxü̃rüxü̃ nixĩ.

Wiyaegü 39:5

Erü ñaa maxü̃ i choxna cuxãxü̃ rü aixcüma nanuxũ. Rü cupe̱xewa rü chorü maxü̃ rü wüxi i paxaãchica̱x nixĩ. Rü wüxichigü i duü̃xü̃arü maxü̃ rü ñoma wüxi i ngü̃ãcüürüxü̃ nixĩ.

Norü taxre ga to ga popera ga ãẽ̱xgacügüchiga ümatüxü̃ 10:6

Rü yexgumayane ga nüma ga ãẽ̱xgacü ga Roboáü̃ rü naxca̱x nangema ga yema ucu̱xẽruü̃gü ga nanatü ga Charomóü̃axü̃́ puracüexü̃ ga yexguma namaxü̱̃xgux. Rü nüxna naca rü ñanagürü: —¿Ta̱xacümaxã i choxü̃ pixucu̱xẽxü̃ i pemax, rü ñuxãcü tá ichanangãxü̃gagüxü̃ i ngẽma duü̃xü̃gü? —ñanagürü.

Yox 8:10

Natürü yema nüxíraxü̃güxü̃ ga duü̃xü̃gü rü tá cuxü̃ nangu̱xẽxẽ. Rü tá cuxü̃ nüxü̃ nacua̱xẽxẽ i muxü̃tama i cua̱x.

Yox 32:7

Erü choma rü nagu charüxĩnügu rü pema nax perüyamaegüxü̃ rü yema pexü̃ ngupetüxü̃ãcü chi penangãxü̃, erü marü mucüma ya taunecü pexü̃́ nangẽxma i perü cua̱x

Yox 14:1

Rü ngẽma yatü i ngexewa íxraxü̃ rü nanuxũ i norü maxü̃, rü muxü̃ i guxchaxü̃gü nüxü̃́ nangẽxma.

Wiyaegü 82:5

Natürü i pemax, Pa Ãẽ̱xgacügüx, rü tama peãẽxü̃ pecua̱x rü peechitamare pemaxẽ. Rü ngẽmaca̱x nangẽxma i taxü̃ i chixexü̃ i petanüwa rü ngẽma duü̃xü̃gü i namaxã pecuáxü̃ rü pemaxã nanue.

Wiyaegü 102:12

Natürü i cumax, Pa Corix, rü guxü̃guma ãẽ̱xgacü quixĩ. Rü ngẽma cuéga rü guxü̃gutáma nüxna nacua̱xãchie.