Yox 8:7 - Tupanaarü Ore

⁷ Rü ngẽma curü ngẽmaxü̃gü i tá cuxü̃́ ngẽxmaxü̃ rü yema curü yemaxü̃gü ga noxri cuxü̃́ yexmagüxü̃arü yexera tá nixĩ.

Yox 8:7 Referans Kwoze

Ucu̱xẽgüchiga 19:20

Ngẽxguma texé cuxü̃ ucu̱xẽgu, rü ¡naga naxĩnü rü nayaxu i ngẽma ucu̱xẽ! Rü ngẽxguma i cumax rü wüxi i duü̃xü̃ i cua̱x cuxü̃́ ngẽxmaxe tá quixĩ.

Ucu̱xẽgüchiga 4:18

Ngẽma mexü̃ i duü̃xü̃gücüma rü ñoma ngexwaca yangunegurüxü̃ nixĩ nax nangóxü̃, rü ngẽmaãcü yexera ningóchigü ñu̱xmata yangóonexü̃chi.

Chacaría 4:10

—Rü yexguma noxri inaxügügu ga yema chopataarü puracü rü yema duü̃xü̃gü ga tama aixcüma yaxõgüxü̃ nax yanguxü̃ tá, rü ñu̱xma nax nüxü̃ nadaugüxü̃ i Chorobabé nax yanguxẽẽxü̃, rü tá nataãẽgü —ñanagürü. Rü yemawena ga yema daxũcüã̱x rü ñanagürü ta: —Rü ngẽma 7 i omügü rü nachiga nixĩ i Cori ya Tupanaxetügü i guxü̃ i ñaa naanegu rüdaunüne —ñanagürü.

Ore i mexü̃ ga Matéu ümatüxü̃ 13:12

Rü yíxema aixcüma naga ĩnüxe i chorü ore, rü tá yexera i cua̱x tüxü̃́ nangẽxma. Rü ngẽmaãcü tá nata i tümaarü cua̱x. Natürü yíxema tama naga ĩnüxe i ñaa ore rü tá tüxna nanayaxu i ngẽma íxraxü̃ i cua̱x i tüxü̃́ ngẽxmachiréxü̃.

Chacaría 14:7

Rü ngẽma tá nixĩ i wüxi i ngunexü̃ i mexẽchixü̃ i tama to i ngunexü̃maxã nawüxiguxü̃. Rü Tupanaxicatama nüxü̃ nacua̱x i ñuxãcü tá nax yixĩxü̃ i ngẽma ngunexü̃. Rü ngẽma ngunexü̃ rü taxũtáma nangẽxma i chütaxü̃, erü guxü̃gutáma nangóoneecha.

Wenaxarü naxümatü ga Tupanaarü mugü 8:16

Rü yema chianexü̃wa rü pexü̃ naxüwemü namaxã ga maná ga õna ga nũxcümaü̃güxü̃ ga perü o̱xigü tama nüxü̃ cua̱xgüxü̃. Rü yemaacü nanaxü nax pexü̃ naxãneexẽẽxü̃ca̱x rü pexü̃ naxüxü̃ca̱x nax ngẽmawena mexü̃ peyaxuxü̃ca̱x. Rü nüma yixĩxü̃ ga Cori ya Tupana ga pexca̱x ínanguxẽẽãxü̃ ga yema guxü̃ma nax yemaacü mea pemaxẽxü̃ca̱x.

Norü taxre ga popera ga Pedru ümatüxü̃ 2:20

Rü guxãma ya yíxema marü tórü Cori ya Ngechuchu ya Cristu ya tórü Maxẽxẽẽruü̃xü̃ yauxgüxe, rü marü nawa ítanguxü̃ i ñoma i naanearü chixexü̃gü. Natürü ngẽxguma chi wenaxarü naxca̱x tawoegugu i ngẽma chixexü̃ i nawa ítanguxü̃chiréxü̃, rü aixcüma noxriarü yexera tichixe.

Yox 8:8

¡Rü nawa nangu̱x ga yema nũxcümaü̃güxü̃ ga duü̃xü̃gümaxã ngupetüxü̃ ga yexguma tama Tupanaga naxĩnüegu! ¡Rü nagu rüxĩnü ga yema namaxã ngupetüxü̃!

Yox 5:11

Nüma rü tüxü̃ narüngü̃xẽxẽ ya yixema ngearü diẽruã̱xgüxe, rü ñu̱xũchi tüxü̃ ínapoxü̃ ya yixema naxĩ̱xãchiãẽgüxe.

Yox 42:10

Rü yexguma Yox namücügüca̱x yumüxẽguwena rü Tupana Yoxü̃ narüngü̃xẽxẽ. Rü yema noxri nüxü̃́ yexmaxü̃arü yexera nüxna nanaxã ga norü yemaxü̃gü.