Yox 8:6 - Tupanaarü Ore

⁶ Rü ngẽxguma aixcüma mea cumaxü̃gu rü mea yawe̱xgu i curü maxü̃, rü nüma rü tá cuxna nadau, rü ñu̱xũchi tá cuxü̃́ nanatáeguxẽxẽ ga yema noxri cuxü̃́ yexmaxü̃.

Yox 8:6 Referans Kwoze

Ichaía 51:9

¡Pa Tupanax, paxa nango̱xẽxẽ i curü pora! ¡Rü inawe̱x i curü pora ga yexguma nũxcüma icunawe̱xgurüxü̃! ¿Tama ẽ̱xna cuma yixĩxü̃ ga cunada̱i̱xü̃ ga yema Equítuanecüã̱xgü ga yexguma cuyapayexẽẽgu ga már rü natamawa cuyachoü̃xẽẽgu ga curü duü̃xü̃gü ga Equítuanecüã̱xme̱xẽwa ícunguxü̃xẽxẽxü̃?

Ichaía 3:10

Natürü tá nataãxẽ i ngẽma duü̃xü̃ i mexü̃gu maxü̃xü̃, erü ta̱xacü inaxüxü̃wa rü mea nüxü̃́ ínanguxuchi. Rü nüma tátama namaxã nataãxẽ i ngẽma mexü̃ i naxüxü̃.

Ucu̱xẽgüchiga 15:8

Nüma ya Cori ya Tupana tama nanayaxu i norü ãmaregü i ngẽma chixexü̃gu maxẽxü̃. Natürü taãẽãcü nanayaxu i tümaarü yumüxẽgü ya yíxema aixcüma mea maxẽxe.

Yox 5:24

Rü cupatawa rü guxü̃táma mea nixũ. Rü ngẽxguma cuyaxugügu i curü wocagü rü guxü̃táma nangẽxmagü.

Wiyaegü 7:6

Pa Corix ¡curü numaxã inachi rü chauétüwa nachogü, rü nadai i ngẽma chorü uanügü i choxü̃ ima̱xgüchaü̃xü̃! ¡Rü napoxcue i ngẽma duü̃xü̃gü i chixexü̃ ügüxü̃! ¡Rü chauétüwa nachogü!

Yox 16:17

Rü ngẽmaãcü choxü̃ nangupetü woo taguma ñuxgu texémaxã chanuxgu rü woo guxü̃guma namexgu i chorü yumüxẽ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:8

Rü ñu̱xma chanaxwa̱xe i guxü̃wama nayumüxẽgü i yatügü. Rü chanaxwa̱xe i ngearü pecaduã̱xãcüma naxugüme̱xẽ. Rü tama name i nügümaxã nanueãcüma rüe̱xna nügü nachoxü̃gagüãcüma nayumüxẽgü.

Ichaía 1:15

Rü ngẽxguma pema pexunagüme̱xẽgüãcü peyumüxẽgügu, rü choma rü pexcha̱xwa chidaugachi. Rü woo namuxgu i perü yumüxẽ natürü i choma rü taxũtáma pexü̃ chaxĩnü, erü pema rü pemáeta rü pexme̱xgü rü nagümaxã nixãũãchi.

Wiyaegü 44:23

Pa Corix ¿tü̱xcüü̃ cupe? ¡Rü naba̱i̱xãchi, rü taxṹ i toxü̃ ícuwogüxüchixü̃!

Yox 1:8

Rü yexguma ga nüma ga Cori rü ñanagürü nüxü̃: —¿Tama ẽ̱xna cunangugü ya yimá chorü duü̃ ya Yox? Erü nataxuma i ngẽma naanewa ya yimárüxü̃ aixcüma chauga ĩnücü rü mea cha̱u̱xca̱x maxü̃cü. Rü nataxuxü̃ma i chixexü̃ i nachiga rü mea nügüna nadau nax taxúemaxã chixexü̃ naxüxü̃ca̱x —ñanagürü.

Yox 34:28

Rü chixri tümamaxã inacua̱xgü ya yíxema ngearü diẽruã̱xgüxe. Rü ngẽmaca̱x nüma ya Tupana rü nüxü̃ naxĩnü nax aita taxüexü̃ rü ngü̃xẽẽca̱x ítacagüxü̃ ya yíxema ngearü diẽruã̱xgüxe.

Ucu̱xẽgüchiga 3:33

Nüma ya Cori ya Tupana rü chixexü̃ namaxã naxuegu i napatacüã̱x i ngẽma chixexü̃ i duü̃xü̃, natürü mexü̃ tümapatacüã̱xmaxã naxuegu ya yíxema nape̱xewa mexü̃ üxe.

Yox 11:14

Rü ngẽxguma chixexü̃ cuxü̱xgu ¡rü nüxna ixũgachi! Erü tama name i wena curü maxü̃wa cunaxüchica i ngẽma chixexü̃.

Wiyaegü 18:25

Rü cumax, Pa Cori Pa Tupanax, rü tümamaxã quixaixcüma ya yíxema aixcüma cuga ĩnüxe. Rü cuxü̃́ tangechaü̃tümüxü̃ ya yíxema tümamücü tüxü̃́ ngechaü̃tümü̃xẽ.