Yox 8:3 - Tupanaarü Ore

³ Rü Tupana ya Guxãétüwa Ngẽxmacü rü taguma ínayatoxẽxẽ i ngẽma aixcüma ixĩxü̃ rü guxü̃guma tüxna nanaxã i ngẽma tamaxã naxueguxü̃.

Yox 8:3 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 19:7

Rü ngẽmaca̱x penaxwa̱xe nax aixcüma Cori ya Tupanaga pexĩnüexü̃. ¡Rü pexuãxẽgü i ngẽxguma guxchaxü̃gü pemexẽxẽgu! Erü nüma ya Cori ya Tupana rü tama yáxna pexuãẽgü namaxã naxĩnü i ta̱xacürü chixexü̃. Rü tama nanaxwa̱xe nax texé tümaétüwa üxü̃ ya yíxema chixexü̃ üxe, rü tama norü me nixĩ nax texé naxütanüxü̃ i guxchaxü̃arü mexẽxẽ —ñanagürü.

Wenaxarü naxümatü ga Tupanaarü mugü 32:4

Rü nüma nixĩ i torü dauruxü̃ nax yixĩxü̃. Rü guxü̃ma i ta̱xacü i naxüxü̃ rü meama nawe̱xgu. Rü guxü̃ma i nüxü̃ yaxuxü̃ rü aixcüma nixĩ. Rü nüma rü Tupana ya ixaixcümacü nixĩ. Rü nawa rü nataxuma i ta̱xacü i dora ixĩxü̃, erü nüma rü ixaixcümacü nixĩ!

Naanearü ügüchiga 18:25

Cha̱u̱xca̱x rü tama name nax cunada̱i̱xü̃ i ngẽma mea maxẽxü̃ i duü̃xü̃gü wüxigu namaxã i ngẽma chixexü̃ ügüxü̃, ñoma chi guxü̃ma naxügüxü̃rüxü̃ i ngẽma chixexü̃. Rü taxucürüwama ngẽma cuxü erü tama ngẽmagu curüxĩnü. Rü cuma nixĩ i guxãarü maxü̃maxã icucuáxü̃ ¿rü tama ẽ̱xna i ngẽma mea maxẽxü̃gagu nüxü̃ icurüngümaxü̃ nax cunadaiãcuxü̃ ya yima ĩane? —ñanagürü.

Danié 9:14

Rü yemaca̱x, Pa Cori Pa Tupanax, rü toxca̱x ícunangu̱xẽxẽ ga yema taxü̃ ga guxchaxü̃ ga cumatama tomaxã cuxueguxü̃. Erü cuma rü aixcüma cuyanguxẽxẽ i ngẽma nüxü̃ quixuxü̃. Natürü i toma rü tama cuxü̃́ itarüxĩnüechaü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:7

Rü nüxü̃ chaxĩnü ga wüxi ga naga ga yema ãmarearü guruü̃wa ínaxũxü̃ ga ñaxü̃: “Ngü̃, Pa Cori ya Tupana ya Guxü̃étüwa Ngẽxmaxex, aixcüma nixĩ i namexü̃ i ngẽma nagu curüxĩnüxü̃ rü ngẽma cuxüxü̃”, ñaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:3

Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.

Romanos 2:5

Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.

Echequié 33:20

Rü pemax rü muẽ̱xpü̱xcüna rü ñaperügüecha: “Ngẽma Cori ya Tupana üxü̃ rü tama name”. Natürü i chomax, Pa Iraétanüxü̃x, rü aixcüma tá wüxichigüna chaca naxca̱x i ngẽma mexü̃ rüe̱xna chixexü̃ i naxüxü̃ —ñanagürü.

Echequié 33:17

Rü ngẽma cutanüxü̃ rü tá ñanagürügü rü ngẽma chaxüxü̃ rü tama name, natürü nümagüwaxi nixĩ i tama mexü̃ naxügüxü̃.

Echequié 18:25

Rü pema rü nüxü̃ pixu nax choma ya Cori ya Tupana yixĩxü̃ nax tama aixcüma mea pemaxã ichacuáxü̃. ¡Natürü iperüxĩnü i pema, Pa Iraétanüxü̃x! ¿Rü ta̱xacüwa nixĩ i tama aixcüma mea pemaxã ichacuáxü̃? Rü pemaxã nüxü̃ chixu rü pema waxi nixĩ i tama aixcüma mea chauga pexĩnüexü̃.

Wiyaegü 99:4

Rü cumax, Pa Corix, rü ãẽ̱xgacü ya poraxüchicü quixĩ rü curü me nixĩ nax meama guxü̃ma i duü̃xü̃gümaxã icucuáxü̃. Rü cumatama nixĩ i nüxü̃ quixuxü̃ nax cupe̱xewa rü nawüxiguxü̃ i guxü̃ma i duü̃xü̃gü. Rü toma nax Iraétanüxü̃ tixĩgüxü̃ rü cuma rü aixcüma meama tomaxã icucua̱x rü ngẽma mugü ga toxna cuxãxü̃ rü meama niwe̱x.

Wiyaegü 89:14

Rü ngẽxguma curü tochicaxü̃wa curütoxgux nax cunangugüxü̃ca̱x i wüxichigü i duü̃xü̃arü maxü̃, rü guxü̃ma wüxiguraxü̃ãcüma cunangugü rü aixcüma nawe̱xgu i ngẽma namaxã cuxueguxü̃ i wüxichigü. Rü cuma rü aixcüma ngechaü̃wa̱xecü rü ixaixcümacü quixĩ.

Yox 40:8

¿Ẽ̱xna chomaxã nagu curüxĩnü nax choma rü wüxi i dorata̱xáxü̃ chixĩxü̃ rü chaugagu yixĩxü̃ nax guxchaxü̃ cuxca̱x ínguxü̃ nax ngẽmaãcü i cuma rü cugü quixuxü̃ca̱x nax taxuxü̃ma i chixexü̃ cuxüxü̃?

Yox 40:2

—Rü ñu̱xma i choma nax guxãétüwa changexmaxü̃ rü cuxna chaca i cumax nax chomaxã curüxutagaxü̃ rü ¿ẽ̱xna tá quidexachigüamaxü̃ nax choxü̃ cungãxü̃xü̃? —ñanagürü.

Yox 35:13

Rü yimá Tupana ya Guxãétüwa Ngẽxmacü rü tama naga naxĩnü i norü yumüxẽ i taxuwama mexü̃.

Yox 34:5

Yerü nüma ga Yox rü ñanagürü: “Choma rü taxuxü̃ma i ta̱xacürü chixexü̃ chaxüchire̱x, natürü ya Tupana rü tama choxü̃ narüngü̃xẽẽchaü̃.

Yox 21:20

Rü nümatátama nixĩ i naya̱u̱xãxü̃ ya Tupana ya Guxãétüwa Ngẽxmacüarü poxcu i nagu nguxü̃.

Yox 21:15

¿Rü texé nixĩ ya yimá Tupana ya Guxãétüwa Ücü rü ngẽmaca̱x nanaxwa̱xexü̃ nax naga taxĩnüexü̃? ¿Rü ta̱xacüwa chi toxü̃́ name ega ngẽxguma nape̱xewa tayumüxẽgügu?” ñanagürügü.

Yox 19:7

Rü poraãcü aita chaxü nax texé choxü̃ íyapoxü̃xü̃ca̱x, natürü taxúema choxü̃ ítayapoxü̃. Rü ngü̃xẽẽca̱x íchaca natürü taxúema chauétüwa tidexa.

Yox 10:3

¿Rü cumatama nax choxü̃ cuxüxü̃, rü tü̱xcüü̃ ngẽmaãcü chomaxã quixĩ, rü chomaxã cuchixecüma? ¿Ẽ̱xna cuxü̃́ name nax ngúxü̃ choxü̃ quingexẽxẽxü̃ rü ñu̱xũchi namaxã cutaãxẽxü̃ i ngẽma chixexü̃gu maxẽxü̃arü ĩnügü?

Yox 9:2

—Choma rü meama nüxü̃ chacua̱x i guxü̃ma i ngẽma nüxü̃ quixuxü̃. Rü aixcüma nixĩ nax Tupanape̱xewa rü nataxuxü̃ ya yatü ya ngearü chixexü̃ã́cü.

Yox 4:17

¿Rü ñuxãcü i wüxi i yatü rü namexü̃ i Cori ya Tupanape̱xewa? ¿Rü ñuxãcü i aixcüma namearü maxü̃ã́xü̃ naxpe̱xewa ya yimá nango̱xẽẽcü?

Yox 36:3

Rü choma rü aixcüma cua̱x choxü̃́ nangẽxma rü ngẽma chorü cua̱xmaxã tá cuxü̃ chanawe̱x nax tama ínatüxü̃ ya yimá choxü̃ ngo̱xẽẽcü.

Yox 36:23

Rü taxúema tüxü̃́ nangẽxma i pora nax nüxü̃ tixuxü̃ca̱x nax nüma rü ínatüxü̃ rü nachixexü̃ i ngẽma nüma naxüxü̃.

Yox 37:23

Rü tama nüxü̃ tacua̱x i norü ĩnü ya yimá Guxü̃étüwa Ngẽxmacü ya Tupana. Erü nüma rü guxü̃arü yexera naporaxüchi rü nixaixcüma. Rü norü ĩnü rü meama niwe̱x, rü taguma chixri texémaxã inacua̱x.

Yox 19:6

Rü chanaxwa̱xe i meama nüxü̃ pecua̱x rü Tupana nixĩ i cha̱u̱xca̱x ínanguxẽẽcü i ngẽma guxchaxü̃ i nawa changexmaxü̃. Rü nüma nixĩ i norü yütagu choxü̃ nanguxẽẽxü̃.