Yox 8:2 - Tupanaarü Ore

² —Ñomarüta Pa Yox, rü quidexachigüama. ¿Rü ñuxguratáta nüxü̃ curüchauxü̃ nax ñoma wüxi ya buanecü ya tacürüxü̃ yixĩxü̃ i curü dexa?

Yox 8:2 Referans Kwoze

Yox 15:2

—Wüxi i yatü i cua̱x nüxü̃́ ngẽxmaxü̃ rü tama dexa i taxuwama mexü̃maxã nanangãxü̃. Rü ngẽma curü ore i cugü namaxã ícupoxü̃xü̃ rü ñoma buanecürüü̃mare nixĩ.

Yox 6:26

Pema rü choxü̃ pixuchigagü naxca̱x i ngẽma chorü dexagü. Rü pexca̱x rü chorü oregü rü taxuwama name, rü ñoma oregü i buanecü ingegüxü̃rüxü̃ nixĩgü.

Nüxíraxü̃xü̃ ga popera ga ãẽ̱xgacügüchiga 19:11

Rü nüma ga Cori ya Tupana rü ñanagürü nüxü̃: —¡Ínaxũxũ rü chopexe yachi ya daa ma̱xpǘneétüwa! —ñanagürü. Rü nüma ga Ería rü yemaacü nanaxü. Rü nüma ga Cori ya Tupana rü yéma naxüpetü. Rü wüxi ga poraxüchicü ga buanecü rü nagu nangu ga guma ma̱xpǘne, rü nabu rü ga nutagü rü nipue rü narüyiixü̃chipanü, natürü nüma ga Tupana rü tama gumá buanecüwa nayexma. Rü gumá buanecüwena rü naxĩã̱xãchiane, natürü nüma ga Tupana rü tama yema ĩã̱xãchianewa nayexma.

Ucu̱xẽgüchiga 1:22

Rü ngẽma cua̱x rü ñanagürü: —Pa Ngextü̱xücügü i Ngearü Cua̱xã́xü̃ rü Dauxcüraxü̃wa̱xegüxü̃ rü Naechitamare Maxẽxü̃x, rü ¿ñuxguratáta nüxü̃ perüxoexü̃ i pecüma i chixexü̃? Erü pema rü namaxã petaãxẽ i ngẽma chixexü̃ i nagu pemaxẽxü̃, rü nüxü̃ pexoe i ngẽma cua̱x i aixcüma mexü̃.

Yox 16:3

Rü ngẽma perü dexagü i taxuwama mexü̃ rü ipeyadaxẽẽmare. ¿Rü ñuxguxüratáta nüxü̃ perüxoexü̃ nax chixri chauchiga pidexagüechaxü̃?

Yox 7:11

Rü ngẽmaca̱x i ñu̱xma rü taxũtáma changeã̱xmare. Rü ngẽma ngúxü̃ i chingexü̃gagu rü ngẽma nax chanuxü̃gagu rü tá chidexa rü tá cumaxã nüxü̃ chixu i ngẽma nagu charüxĩnüxü̃.

Yox 6:9

Rü chierüna wüxicana choxü̃ yagaxgu ya Tupana nax ngẽxma nagúxü̃ca̱x i chorü maxü̃.

Ínachoxü̃xü̃chiga 10:7

Rü yexguma ga Faraóü̃arü ngü̃xẽẽruü̃gü rü ñanagürügü nüxü̃: —Pa Ãẽ̱xgacüx ¿nidaamatama nax guxchaxü̃ nua tüxna naxãxü̃ i ngẽma yatü i Moiché? ¡Yange̱xgü i ngẽma duü̃xü̃gü nax norü Cori ya Tupanaxü̃ yanacua̱xüü̃güxü̃ca̱x! ¿Ẽ̱xna, tama nüxü̃ cudau, Pa Ãẽ̱xgacüx, nax ñaa Equítuane rü guxü̃wama marü nachixexü̃? —ñanagürügü.

Ínachoxü̃xü̃chiga 10:3

Rü Moiché rü Aróü̃ rü Faraóü̃xü̃tawa naxĩ, rü ñanagürügü nüxü̃: —Cori ya Iraétanüxü̃arü Tupana rü cuxca̱x nua namuga rü ñanagürü cuxü̃: “¿Ñuxguratáta i nüxü̃ curüxoxü̃ nax choxna cugü quinuxuxü̃? ¡Rü yange̱xgü i chorü duü̃xü̃gü nax choxü̃ yanacua̱xüü̃güxü̃ca̱x!

Yox 8:1

Rü nüma ga Biridá ga Chúaanecüã̱x rü Yoxü̃ nangãxü̃ rü ñanagürü:

Yeremía 5:13

Rü ngẽma orearü uruü̃güneta rü ñoma buanecürüü̃mare nixĩgü, erü tama nawa nangẽxma ya Cori ya Tupanaarü ore. Rü ngẽmaca̱x i nüma ya Cori ya Tupana ya Guxãétüwa Ngẽxmacü rü choxü̃ ñanagürü: —Rü nagagu nax ngẽma ñagüxü̃ i nümagü rü chorü ore rü ñoma üxüemarüxü̃ tá nixĩ i cua̱xwa. Rü ngẽma duü̃xü̃gü rü ñoma üxümena̱xãrüxü̃ tá nixĩgü. Rü ngẽma üxüema tá ínanagu —ñanagürü.