Yox 7:9 - Tupanaarü Ore

^9-10 Rü ñoma caixanexü̃ i üpetüemaxü̃ rü iyarütaxuxü̃rüxü̃ tixĩ ya yíxema yuxe ega ngẽxguma tüxü̃ yata̱xgügu. Rü tagutáma tümapataca̱x tataegu, rü ngẽma tümatanüxü̃ rü tagutáma wena tüxü̃ nadaugü.

Yox 7:9 Referans Kwoze

2 Chamué 14:14

Rü aixcüma nixĩ nax guxãtáma yuexü̃. Erü tórü maxü̃ rü ñoma dexá i waixü̃müanegu baxü̃rüxü̃ nixĩ nax taxucürüwama wena nayaxuxü̃. Natürü nüma ya Tupana rü taxúenama nanayaxu i maxü̃, natürü tüxü̃́ nanatauxchaxẽxẽ nax tataeguxü̃ca̱x ya yíxema nüxna yáxü̃guxe.

Wiyaegü 39:13

Pa Corix ¡taxṹ i numaxã choxü̃ cudawenüxü̃! ¡Rü cha̱u̱xca̱x yataanexẽxẽ nax wena chataãẽxü̃ca̱x naxü̃pa nax chayuxü̃! —ñachagürü.

Yox 30:15

Rü poraãcü chamuü̃, rü yema nax duü̃xü̃gü chomaxã taãẽgüxü̃ rü ñoma buanecürüxü̃ choxna niña. Rü yema mexü̃ ga nawa chayexmaxü̃ rü narüxo ñoma caixanexü̃ rüxoxü̃rüxü̃.

Yox 16:22

Rü yimá noxre ya taunecü ya choxü̃́ íyaxücü nax chamaxü̃xü̃ rü marü nigúetanü. Rü paxa tá ichaxũãchi nax to i nachicawa chaxũxü̃ rü ngéma tagutáma chataegu —ñanagürü ga Yox.

2 Chamué 12:23

Natürü i ñu̱xma nax marü nayuxü̃ ¿rü ta̱xacüca̱x i chaxaurexü̃ ega taxucürüwa wena chanamaxẽxẽgu? Choma rü tá naxü̃tawa chaxũ, natürü i nüma rü taxucürüwa cha̱u̱xca̱x nataegu —ñanagürü.

Ichaía 38:11

Rü nagu charüxĩnü nax tagutáma wena Cori ya Tupanaxü̃ chadauxü̃ i ñoma i naanewa. Rü natanüwa i duü̃xü̃gü i ñoma i naanewa maxẽxü̃ rü taguma wena texéxü̃ chadauxü̃.

Yox 37:11

Rü nüma ya Tupana rü pucümaxã nanapáxẽxẽ i ngẽma caixanexü̃gü. Rü ngẽma caixanexü̃wa nixĩ i ne namuaxü̃ i ba̱i̱xbeanexü̃.

Yox 11:8

Rü ngẽma Tupanaarü cua̱x rü dauxü̃guxü̃ i naanexü̃ nangupetü nax nataxüchixü̃. Rü ngẽma norü cua̱x rü már arü mátamaxü̃arü yexerawa nangu. ¿Rü ñuxãcü tá nüxü̃ cucua̱x i ngẽma nagu naxĩnüxü̃?

Yox 3:13

Rü yexguma chi noxri chabuxgu chayu̱xgu ga chomax, rü ñu̱xma rü taxũchima choxü̃́ nangẽxma i guxchaxü̃gü rü taãẽãcüma chi chape natanüwa ga yema ãẽ̱xgacügü rü norü ngü̃xẽẽruü̃gü ga nügüégagu naxügüxü̃ ga taxü̃ ga norü cua̱xãchixẽẽruü̃gü, rü nügüxü̃́ nangutaque̱xexü̃ i úirugü, rü napatagü ya mexẽchigüne rü diẽrumü namaxã yapaxẽẽgüne.

Yox 17:13

Rü yuxicatama nixĩ i ngẽma íchananguxẽẽxü̃ nax ngẽma ẽanexü̃gu charüngü̃xü̃ca̱x.

Yox 17:16

Rü ngẽma ngu̱xẽxẽ rü wüxigu tá chomaxã nayu, rü wüxigu tá chomaxã waixü̃müte̱xewa naxũ —ñanagürü ga Yox.

Ichaía 26:14

Rü ngẽma togü i nachixü̃anegüarü ãẽ̱xgacügü rü marü nayue, rü taxũtáma wena namaxẽ. Rü ñoma naxchipetagürüü̃mare nixĩ rü taxũtáma wena ínarüdagü. Rü cuma rü marü cunapoxcue rü ñu̱xũchi cunadai. Rü ñu̱xma rü taxúema nüxna tacua̱xãchigü.