Yox 7:8 - Tupanaarü Ore

⁸ Rü ngẽxguma chayu̱xgu rü choxü̃ nata̱xgu rü marü tagutáma texé choxü̃ tadau. Rü cuma rü tá choxü̃ cudau natürü i choma rü marü tá chataxu.

Yox 7:8 Referans Kwoze

Yox 20:9

Rü yema duü̃xü̃gü ga wüxigu napatawa namaxã yexmagüxü̃ rü guxü̃guma nüxü̃ daugüxü̃ rü tagutáma wena nüxü̃ nadaugü.

Wiyaegü 37:36

Natürü ngẽxguma wena ínangexmaxü̃wa chaxüpetügux, rü naxca̱x chadau rü marü nataxuma, rü taxuxü̃ma ichayangau.

Wiyaegü 39:11

Rü cuma rü cuyaxucu̱xẽ rü cuyacua̱i̱xgü i ngẽma duü̃xü̃gü i chixexü̃gu maxẽxü̃. Rü ñoma nawerüxü̃ cunaxüte̱xe i ngẽma yexeracü nüxü̃́ ngúchaü̃xü̃. Rü wüxichigüarü maxü̃ rü ñoma wüxi i ngü̃ãcüürüxü̃ nixĩ.

Yox 14:3

¿Rü ñu̱xma rü tü̱xcüü̃ nixĩ i chixri choxü̃ cudawenüxü̃? ¿Rü tü̱xcüü̃ nixĩ i cugüpe̱xewa cha̱u̱xca̱x cungemaxü̃ nax choxna cucaxü̃ca̱x?

Yox 13:27

Rü cadénagümaxã choxü̃ íquichotaparagü. Rü cunangugü i guxü̃ma i ngẽma chaxüxü̃, rü ñu̱xũchi ngextá íchaxũxü̃wa rü cunangugü ya guxü̃ne ya chauchitügü.

Yox 8:18

Natürü ngẽxguma texé natuxuchigu i nachicawa rü taxúetama nüxü̃ tacua̱x nax yéma naxügüchiréxü̃.

2 Chamué 12:23

Natürü i ñu̱xma nax marü nayuxü̃ ¿rü ta̱xacüca̱x i chaxaurexü̃ ega taxucürüwa wena chanamaxẽxẽgu? Choma rü tá naxü̃tawa chaxũ, natürü i nüma rü taxucürüwa cha̱u̱xca̱x nataegu —ñanagürü.

Yox 3:13

Rü yexguma chi noxri chabuxgu chayu̱xgu ga chomax, rü ñu̱xma rü taxũchima choxü̃́ nangẽxma i guxchaxü̃gü rü taãẽãcüma chi chape natanüwa ga yema ãẽ̱xgacügü rü norü ngü̃xẽẽruü̃gü ga nügüégagu naxügüxü̃ ga taxü̃ ga norü cua̱xãchixẽẽruü̃gü, rü nügüxü̃́ nangutaque̱xexü̃ i úirugü, rü napatagü ya mexẽchigüne rü diẽrumü namaxã yapaxẽẽgüne.

Yox 7:21

¿Rü ẽ̱xna taxucürüwama choxü̃́ nüxü̃ curüngü̃ma i ngẽma chorü chixexü̃? ¿Rü taxucürüwa ẽ̱xna nüxü̃ curüngü̃ma ga yema chixexü̃ ga chaxüxü̃? Rü paxa tá chayu rü waixü̃mütüü̃wa tá changexma. Rü cha̱u̱xca̱x tá cudau natürü i choma rü marü tá chataxu —ñanagürü ga Yox.

Yox 27:19

Rü nawa tá nangu nax wüxi i chütaxü̃ tá diẽruã́xü̃ napexü̃, rü ngẽxguma moxü̃ãcü naba̱i̱xãchigu, rü ngẽxma nayacua̱x nax namuarü diẽruã́xü̃ rü marü nataxuma i norü diẽru.

Yox 14:10

Natürü ngẽxguma nayu̱xgu i wüxi i duü̃xü̃ rü ngẽxma nayagu i norü pora rü ngẽxma nayacua̱x i norü maxü̃.

Yox 20:8

Rü ñoma wüxi i ta̱xacü i nagu ixãnegüxü̃ rüe̱xna chütacü ingõ̱xetügurüxü̃ tá inayarüxo, rü tagutáma wena texé ñuxgu nüxü̃ tadau.

Wiyaegü 103:16

Rü ngẽxguma buanecü nagu nguxgu i ngẽma putürachacu rü ngẽxma narüxo rü taguma texé wena nüxü̃ tadau.