Yox 7:7 - Tupanaarü Ore

⁷ ¡Rü nüxna nacua̱xãchi, Pa Tupanax, nax ñoma yáxna rüngü̱̃xü̃rüxü̃ yixĩxü̃ i ngẽma choxrü maxü̃, rü tagutáma wena taãxẽ choxü̃́ ngẽxmaxü̃!

Yox 7:7 Referans Kwoze

Popera ga Chantiágu ümatüxü̃ 4:14

Pema rü tama nüxü̃ pecua̱x nax ta̱xacü tá pexü̃ üpetüxü̃ i moxü̃. ¿Ta̱xacü nixĩ i perü maxü̃? Perü maxü̃ rü tá inayarüxo ñoma wüxi i cherena i paxaãchi nüxü̃ idauxü̃ rü ngẽxgumatama ngupetüxü̃rüxü̃.

Wiyaegü 78:39

Rü nüma ga Tupana rü nüxna nacua̱xãchi nax duü̃xü̃gümare yixĩgüxü̃ rü ñoma wüxi ya buanecü ya üpetücü rü taguma taegucürüxü̃ nixĩ i norü maxü̃.

Yeremía 15:15

Rü yexguma ga Yeremía rü Tupanaxü̃ nangãxü̃ rü ñanagürü: —Pa Corix, Pa Tupanax, cuma nüxü̃ cucua̱x i guxü̃ma. ¡Rü choxna nacua̱xãchi rü paxa nua naxũ rü choxü̃ yarüngü̃xẽxẽ! ¡Rü choxü̃ naxütanü rü napoxcue i ngẽma chowe ingẽxü̃tanüxü̃! ¡Rü taxṹ i yáxna namaxã cuxĩnüxü̃ rü nüxü̃́ cunatauxchaxẽxẽxü̃ nax choxü̃ yama̱xgüxü̃! ¡Rü dücax, nagu rüxĩnü nax cuxca̱x yixĩxü̃ i poraãcü ngúxü̃ chingexü̃!

Wiyaegü 89:47

Pa Corix ¡nüxna nacua̱xãchi rü ngẽma chorü maxü̃ rü nax nanuxũxü̃! Rü yimá duü̃ ya cuma cuxücü rü tama nama̱x i norü maxü̃.

Wiyaegü 89:50

Pa Corix ¡dücax i toma nax curü duü̃xü̃gü tixĩgüxü̃, rü togu nidauxcüraxü̃gü i muxü̃ma i duü̃xü̃gü! Rü ngẽma rü poraãcü chorü maxü̃newa nangu̱x.

Wiyaegü 74:18

Pa Corix ¡taxṹ i nüxü̃ icurüngümaxü̃ i ñuxãcü ngẽma curü uanüã̱xgü cumaxã chixexü̃ yaxugüexü̃! ¡Rü dücax i ngẽma duü̃xü̃gü i tama naãẽxü̃ cua̱xgüxü̃ rü ñuxãcü chixri cuchiga nidexagü!

Wiyaegü 74:22

¡Inachi, Pa Tupanax, rü ínapoxü̃ i ngẽma cuxca̱x mexü̃! ¡Rü nüxna nacua̱xãchi nax torü uanügü i naechitamare maxẽxü̃ rü guxü̃guma chixexü̃ cumaxã nixugüe!

Yox 10:9

¡Rü nüxna nacua̱xãchi nax waixü̃müwa choxü̃ cuxüxü̃! ¿Ẽ̱xna wena waixü̃müte̱xexü̃ choxü̃ quixũxẽxẽchaü̃?

Yox 9:25

Rü ngẽma chorü ngunexü̃gü rü paxãma inaxĩ, taxuxü̃ma i taãẽxü̃ ichayangauyane.

Neemía 1:8

¡Rü nüxna nacua̱xãchi i curü ore i Moichémaxã nüxü̃ quixuxü̃! Erü cuma rü nüxü̃ quixu rü ngẽxguma toma chixexü̃ cupe̱xewa taxü̱xgu rü tá togü i nachixü̃anegügu toxü̃ cuwoonemare, natürü ngẽxguma chi wena cuxca̱x tawoeguxgu rü aixcüma nagu tamaxẽgu i curü mugü, rü woo ñoma i naane íyacuáxü̃gu tawoonegu, rü cuma rü chi tochixü̃aneca̱x toxü̃ cuyagagü, rü ngẽma nachica i üünexü̃ i cumatama nüxü̃ cuxunetaxü̃ nax nawa cungexmaxü̃wa wenaxarü toxü̃ cugagüxü̃ca̱x.

Naanearü ügüchiga 42:36

Rü yexguma nüma ga Acóbu rü nanegüxü̃ nangãxü̃, rü ñanagürü: —Pema rü ngẽmatama choxü̃́ penagu̱xẽxẽ ya chaunegü. Rü Yúche rü marü nataxuma i tatanüwa. Chimeóü̃ rü ta marü nataxuma. Rü ñu̱xma rü ngématama peyaga ya Bẽyamíü̃. Rü guxü̃guma rü choma nixĩ i ngúxü̃ chingexü̃ —ñanagürü ga Acóbu.

Yox 7:16

Rü tama marü yáxna chaxĩnü. Rü tama marü chanaxwa̱xe nax chamaxü̃xü̃. ¡Rü taxṹ i choxü̃ cuchixeãẽxü̃! Erü ngẽma chorü maxü̃ rü ñoma yáxna rüngü̱̃xü̃rüxü̃ nixĩ.

Wiyaegü 4:6

Rü muxü̃ma i duü̃xü̃gü rü ñanagürügü: —¿Texé tá tüxü̃ tarüngü̃xẽxẽ? —ñanagürügü. Pa Corix ¡cuxü̃́ tangechaxü̃tümüxü̃gü rü toxü̃ rüngü̃xẽxẽ!

Yox 10:20

Rü ñu̱xma nax nanuxũxü̃ i chorü maxü̃, rü ¡taxṹ i choxü̃ cunaxĩ̱xãchiãẽxẽxẽxü̃ nax ngẽmaãcü íxrarüwa chataãẽxü̃ca̱x naxü̃pa nax chayuxü̃, rü nawa chaxũxü̃ i ngẽma waanexü̃ i taxucürüwama nawa itaeguxü̃ rü guxü̃guma ẽanexü̃! —ñanagürü ga Yox.

Wiyaegü 39:6

Rü wüxichigüarü maxü̃ rü ñoma wüxi i gáuxchipeta i ngupetüxü̃rüxü̃ nixĩ. Rü natüca̱xma nananutaque̱xe i norü ngẽmaxü̃gü, natürü tama nüxü̃ nacua̱x i texéarü tá yixĩxü̃ i nawena.