Yox 7:6 - Tupanaarü Ore

⁶ Rü ñoma ta̱xacü paxãma ixũxü̃rüxü̃ nixĩ i ngẽma chorü maxü̃, rü paxãma inixũ nax norü gu̱xwa nanguxü̃, rü taxucürüwama íchayachaxãchixẽxẽ.

Yox 7:6 Referans Kwoze

Yox 9:25

Rü ngẽma chorü ngunexü̃gü rü paxãma inaxĩ, taxuxü̃ma i taãẽxü̃ ichayangauyane.

Yox 17:15

¿Rü ngextá tá nixĩ i nüxü̃ ichayangauxü̃ i wüxi i chorü ngu̱xẽxẽ? ¿Rü texé tá naxca̱x tadau i wüxi i mexü̃ i cha̱u̱xca̱x ixĩxü̃?

Nüxíraxü̃xü̃ ga popera ga Pedru ümatüxü̃ 1:24

Erü Tupanaarü ore i ümatüxü̃wa rü ñanagürü: “Guxü̃ma i duü̃xü̃gü rü ñoma wüxi i natüanerüü̃mare nixĩ. Rü guxü̃ma i norü mexü̃, rü wüxi i nanetüchacurüü̃mare nixĩ. Rü ngẽma natüane rü nayu, rü nachacu rü narüngu. Rü ngẽxgumarüxü̃ ta tama natai i duü̃xü̃güarü maxü̃ i ñoma i naanewa.

Ucu̱xẽgüchiga 14:32

Duü̃xü̃ i chixexü̃gu maxü̃xü̃, rü norü chixexü̃gagu tá inarütaxu. Natürü duü̃xü̃ i mexü̃gu maxü̃xü̃, rü ngẽma mexü̃ i nacüma tá ínanapoxü̃.

Wiyaegü 144:4

Rü yimá duü̃ rü wüxi i ngü̃ãcüürüxü̃ nixĩ i norü maxü̃. Rü ngẽma norü maxü̃ rü ñoma wüxi i gáuxchipetaxü̃ üpetüxü̃rüü̃mare nixĩ.

Yox 17:11

Rü ngẽma ngunexü̃gü i nagu chamaxü̃xü̃ rü nigúetanü, rü guxü̃ma i ngẽma chaxüxchaü̃xü̃ rü nagu charüxĩnüxü̃ rü ngẽxma narüxogümare.

Popera ga Chantiágu ümatüxü̃ 4:14

Pema rü tama nüxü̃ pecua̱x nax ta̱xacü tá pexü̃ üpetüxü̃ i moxü̃. ¿Ta̱xacü nixĩ i perü maxü̃? Perü maxü̃ rü tá inayarüxo ñoma wüxi i cherena i paxaãchi nüxü̃ idauxü̃ rü ngẽxgumatama ngupetüxü̃rüxü̃.

Popera ga Chantiágu ümatüxü̃ 1:11

Rü ngẽxguma nangunagügu ya üa̱xcü rü poraãcü nangu̱xetügu, rü narüñexẽ i ngẽma putüra rü narüngu i nachacu, rü ngẽxma nagu̱x nax namexü̃. Rü ngẽxgumarüxü̃ tá ta nayu i ngẽma diẽruã̱xü̃chixü̃ rü ngẽxma tá guxü̃ma i norü ngẽmaxü̃gümaxã inayarüxo.

Wiyaegü 102:11

Rü ngẽma chorü ngunexü̃gü rü paxa naxüpetü ñoma wüxi i gáuxchipetaxü̃rüxü̃. Rü chayarümaãchi ñoma maxẽrüxü̃.

Yox 16:22

Rü yimá noxre ya taunecü ya choxü̃́ íyaxücü nax chamaxü̃xü̃ rü marü nigúetanü. Rü paxa tá ichaxũãchi nax to i nachicawa chaxũxü̃ rü ngéma tagutáma chataegu —ñanagürü ga Yox.

Yox 13:15

Rü woo chi Tupana choxü̃ ima̱xgu, natürü tá nüxü̃́ chayaxõõma. Rü nape̱xewa tá chaugü íchapoxü̃ama.

Yox 6:11

Rü ñu̱xma rü chagúarü poraã̱x rü marü tama yáxna namaxã chaxĩnü i ngẽma guxchaxü̃gü. Rü marü taxuca̱xma tü̱xcüü̃ nua chamaxecha.

Yeremía 2:25

Pa Iraétanüxü̃, ¡taxṹ i pegü pengu̱xcutüxẽẽgüxü̃ nax ngearü chapatuãcüma ipexüãchixü̃ rü taxṹ i pegü pipaxmanaaxẽẽgüxü̃ nax ngẽma naxchicüna̱xãgüwe perüxĩxü̃ca̱x! Natürü ga pema rü ñaperügügüama: “Taxucürüwa nüxna tixĩgachi i ngẽma naxchicüna̱xãgü. Erü toma rü nüxü̃ tangechaxü̃ i ngẽma togü i nachixü̃anegüarü tupananetachicüna̱xãgü, rü ngẽmaca̱x nawe tarüxĩ”, ñaperügügü.

Nüxíraxü̃xü̃ ga popera ga Pedru ümatüxü̃ 1:13

Rü ñu̱xma nax Cristuarü duü̃xü̃gü pixĩgüxü̃, rü penaxwa̱xe nax pexuãẽgüxü̃ rü ípememarexü̃ nax penaxüxü̃ i norü ngúchaü̃. Rü name nixĩ i aixcüma ípenangu̱xẽxẽ i guxü̃ma i ngẽma mexü̃gü ya Tupana tá pexna ãxü̃ i ngẽxguma Ngechuchu ya Cristu núma ũxgu.

Yox 14:19

Rü ñoma dexá i nuta imu̱xgüpütaxü̃rüxü̃, rü ñu̱xũchi ñoma pucü i waixü̃müte̱xe ingexü̃rüxü̃ nixĩ nax cuma icuyanaxoxẽẽxü̃ i ngẽma duü̃xü̃gü ínangu̱xẽẽxü̃.

Yox 17:16

Rü ngẽma ngu̱xẽxẽ rü wüxigu tá chomaxã nayu, rü wüxigu tá chomaxã waixü̃müte̱xewa naxũ —ñanagürü ga Yox.

Yox 19:10

Rü nüma ya Tupana rü guxü̃wama chaugu nayanachixexẽxẽ ñoma wüxi i nai i naxchúma̱xãmaxã nabéxü̃rüxü̃. Rü ngẽmaca̱x i ñu̱xma rü taxucürüwama íchananguxẽxẽ ga yema mexü̃ ga noxri nagu charüxĩnüxü̃.

Yox 17:1

Rü nüma ga Yox rü ñanagürü ta: —Marü nataxuma i chorü pora rü marü ningaica nax chayuxü̃. Rü choxmaxü̃ i nagu tá chatáxü̃ rü marü ínamemare.