Yox 7:4 - Tupanaarü Ore

⁴ Rü ngẽxguma nachütagu rü chorü ngürücaregu chacaxgu nax chapexü̃ rü cha̱u̱xca̱x rü nama̱x i ngẽma chütaxü̃. Rü düxwa chipamare nax chanadixegucücaxü̃ ñu̱xmata yangunemare. Rü nagu charüxĩnü rü chaugüna chaca rü ñachagürü: “¿Ñuxgura tá yangunexü̃?” ñachagürü.

Yox 7:4 Referans Kwoze

Wenaxarü naxümatü ga Tupanaarü mugü 28:67

Rü poraãcütama namuü̃e. Rü ngẽma ãũcümaxü̃gü i naxetümaxã nüxü̃ nadaugüxü̃gagu, rü pa̱xmama i ẽxü̃wa rü tá ñanagürügü: “¡Chierüx paxa nachütagu!” Rü ngẽxguma nachütagu rü ñanagürügü tá: “¡Chierüx paxa yangunegu!” ñanagürügü.

Wiyaegü 77:4

Rü cumax, Pa Tupanax, rü tama choxü̃ cuyaxtaxẽxẽ. Rü ngẽma nax poraãcü chanaxĩ̱xãchiãẽxü̃ rü taxucürüwa chidexa.

Yox 17:12

Rü pema nagu perüxĩnüe nax ngẽma chütaxü̃ rü ngunexü̃ yixĩxü̃. Rü woo naxẽanegu, rü nüxü̃ pixu nax marü yangóonexü̃.

Ichaía 54:11

Rü ñanagürü ta: —Pa Yerucharéü̃cüã̱xgüx, ñu̱xma rü peyaxĩ̱xãchiãẽgü rü tataxuma ya texé ya pexü̃ taãẽxẽẽ́xe. Natürü i choma rü nutagü ya achabáchemaxã rü nutagü ya chafírumaxã tá ichanaxügü nax chanaxüxü̃ i perü ĩanearü poxeguxü̃tápü̱x. Rü nutagü ya rubímaxã tá chanaxü i norü dauxü̃taechicagü rü nutagü ya berílumaxã tá chanaxü i norü ĩã̱xgü rü nutagü ya mexẽchicümaxã tá chanaxü i naxtaxpü̱xgü i düxétüwa ngẽxmagüxü̃.

Wiyaegü 130:6

Choma rü ñoma dauxü̃taegüxü̃ i ngóonexü̃ ínangu̱xuxẽẽgüxü̃arü yexera cuxü̃ íchanangu̱xẽxẽ, Pa Cori Pa Tupanax. Rü Pa Iraéanecüã̱xgüx, rü ngẽma dauxü̃taegüxü̃ i ngóonexü̃ ínangu̱xuxẽẽgüxü̃rüxü̃ rü name nixĩ i ípenangu̱xẽxẽ i norü ngü̃xẽxẽ ya Cori ya Tupana. Erü nüma rü tüxü̃ nangechaü̃ rü tüxü̃ ínanguxü̃xẽxẽ naxme̱xwa i tórü uanügü.

Wiyaegü 109:23

Rü ngẽma chorü guxchaxü̃gümaxã rü inixũ nax chixachigüxü̃ ñoma wüxi i gáuxchipetaxü̃ ixũxchigüxü̃rüxü̃. Rü ñu̱xma rü marü chixaxüchi, rü ngẽmaca̱x ya yimá buanecü rü choxü̃ niga ñoma wüxi i munüxü̃ yagaxü̃rüxü̃.

Wiyaegü 6:6

Rü marü chipa nax charüdoxüxü̃. Rü guxü̃ i chütaxü̃gu rü poraãcü chaxaxu, rü ngẽmaca̱x düxwa chauxgüxü̃etümaxã niwai i chorü cüxeruxü̃.

Yox 30:17

Rü ngẽma ngúxü̃ i chingexü̃ rü chauxchina̱xãgüwa nangu. Rü chütacü rü taguma choxü̃́ narüna.