Yox 7:16 - Tupanaarü Ore

¹⁶ Rü tama marü yáxna chaxĩnü. Rü tama marü chanaxwa̱xe nax chamaxü̃xü̃. ¡Rü taxṹ i choxü̃ cuchixeãẽxü̃! Erü ngẽma chorü maxü̃ rü ñoma yáxna rüngü̱̃xü̃rüxü̃ nixĩ.

Yox 7:16 Referans Kwoze

Yox 10:1

Rü marü düxwa chipa nax ñoma i naanewa chamaxü̃xü̃. Rü ngẽma ngúxü̃ i chingexü̃gagu rü taxũtáma chaugüna chachogü nax nüxna chaca̱a̱xü̃ nax tü̱xcüü̃ ngúxü̃ choxü̃ yangexẽẽxü̃.

Nüxíraxü̃xü̃ ga popera ga ãẽ̱xgacügüchiga 19:4

Rü yemawena rü taxúema íxãpataxü̃wa naxũ. Rü wüxi ga ngunexü̃ inixũ, rü wüxi ga naixtüü̃wa nayarütoõchi. Rü nügügu naxĩnügu rü nayuxchaü̃. Rü yemaca̱x Cori ya Tupanaxü̃ ñanagürü: —¡Marütama, Pa Corix, rü choxna nayaxu i ñaa chorü maxü̃! Erü woetátama chayu rü narümemae nax ñu̱xmatama chayuxü̃ —ñanagürü.

Yoná 4:8

Rü yexguma üa̱xcü ngunagügu rü Tupana yéma nanamu ga wüxi ga buanecü ga naiemacü ga éstewaama ne bucü. Rü nüma ga üa̱xcü rü Yonáerugu nabáxi rü yemaacü poraãcü nüxü̃́ nangu̱xema rü namaxã nayuéga yerü poraãcü nangu̱xema. Rü yemaca̱x ñanagürü: —Narümemae nixĩ nax noxtacüma chayuxü̃ rü tama nax chamaxü̃xü̃ —ñanagürü.

Wiyaegü 39:13

Pa Corix ¡taxṹ i numaxã choxü̃ cudawenüxü̃! ¡Rü cha̱u̱xca̱x yataanexẽxẽ nax wena chataãẽxü̃ca̱x naxü̃pa nax chayuxü̃! —ñachagürü.

Yox 14:6

Rü ngẽmaca̱x chanaxwa̱xe i ícuyachaxãchi nax choxü̃ cungugüechaxü̃ nax ngẽmaãcü taãẽwa changexmaxü̃ca̱x. ¡Rü taxṹ i choxna cunachu̱xuxü̃ nax ñoma wüxi i puracütanüxü̃rüxü̃ chataãẽxü̃ca̱x ñu̱xmatáta nagú i chorü ngunexü̃gü!

Yox 10:20

Rü ñu̱xma nax nanuxũxü̃ i chorü maxü̃, rü ¡taxṹ i choxü̃ cunaxĩ̱xãchiãẽxẽxẽxü̃ nax ngẽmaãcü íxrarüwa chataãẽxü̃ca̱x naxü̃pa nax chayuxü̃, rü nawa chaxũxü̃ i ngẽma waanexü̃ i taxucürüwama nawa itaeguxü̃ rü guxü̃guma ẽanexü̃! —ñanagürü ga Yox.

Yox 9:21

Choma rü taxuxü̃ma i chixexü̃ chaxü, natürü choxü̃ nanataxuraü̃ma nax chamexü̃. Rü marü chipa nax chamaxü̃xü̃ i ñoma i naanewa.

Yox 6:9

Rü chierüna wüxicana choxü̃ yagaxgu ya Tupana nax ngẽxma nagúxü̃ca̱x i chorü maxü̃.

Yoná 4:3

Rü ngẽmaca̱x Pa Cori Pa Tupanax, rü chanaxwa̱xe nax noxtacüma choxna cunayaxuxü̃ i ñaa chorü maxü̃. Erü cha̱u̱xca̱x narümemae nax chayuxü̃ rü tama nax chamaxechaxü̃ —ñanagürü.

Wiyaegü 144:4

Rü yimá duü̃ rü wüxi i ngü̃ãcüürüxü̃ nixĩ i norü maxü̃. Rü ngẽma norü maxü̃ rü ñoma wüxi i gáuxchipetaxü̃ üpetüxü̃rüü̃mare nixĩ.

Wiyaegü 78:33

Rü yemaca̱x nixĩ ga Tupana ga poxcu ga ãũcümaxü̃chixü̃ naxca̱x ínangu̱xẽẽxü̃, rü noxtacüma nanadai ga muxü̃ma naxü̃pa ga nawa nax nanguxü̃ ga yema ngunexü̃ ga woechitama nagu nayuexü̃.

Wiyaegü 62:9

¿Rü ta̱xacüwa name i ngẽma nax nadiẽruã̱xgüxü̃ i duü̃xü̃gü rü ngẽma nax nangearü diẽruã̱xgüxü̃? Rü nümagü rü ngẽxguma chi wüxigu yáruü̃wa nangugügu, rü ñoma buanecürüxü̃ tama nayá.

Wiyaegü 39:10

¡Rü marütama nax choxü̃ cucua̱xixü̃! Erü curü cua̱ximaxã rü tá chayu.

Naanearü ügüchiga 27:46

Rü yemawena ga Rebéca rü Ichaámaxã iyadexa, rü ngĩgürügü: —Düxwa nüxü̃ charüchau i nacüma i ngẽma taxre i Itítanüxü̃ i Echaú namaxã ãmaxü̃. Rü ngẽxguma chi Acóbu rü wüxi i ngẽma númacüã̱x i Itítanüxü̃maxã naxãxma̱xgu, rü narümemae nixĩ i noxtacüma chayuxü̃ —ngĩgürügü.

Yox 7:7

¡Rü nüxna nacua̱xãchi, Pa Tupanax, nax ñoma yáxna rüngü̱̃xü̃rüxü̃ yixĩxü̃ i ngẽma choxrü maxü̃, rü tagutáma wena taãxẽ choxü̃́ ngẽxmaxü̃!

Yox 7:15

Rü narümemae nixĩ nax choxü̃ cuwẽxnaxãxü̃. Rü chanaxwa̱xe nax wüxicana iyanaxoxü̃ i ñaa chorü maxü̃.

Wiyaegü 78:39

Rü nüma ga Tupana rü nüxna nacua̱xãchi nax duü̃xü̃gümare yixĩgüxü̃ rü ñoma wüxi ya buanecü ya üpetücü rü taguma taegucürüxü̃ nixĩ i norü maxü̃.

Yeremía 8:3

Rü ngẽma duü̃xü̃gü i chixexü̃ ügüxü̃ i ñu̱xma maxẽxü̃wa íyaxügüxü̃, rü choma rü tá to i nachixü̃anegu chanawoone. Rü ngẽma ínachamugüxü̃wa rü tá nagu narüxĩnüe rü chi narümemae ga noxtacüma nax nayuexü̃ rü tama namaxẽxü̃. Rü chomatama ya Cori ya Tupana ya Guxãétüwa Ngẽxmaxe nixĩ i nüxü̃ chixuxü̃ i ngẽma ore —ñanagürü.

Wiyaegü 39:6

Rü wüxichigüarü maxü̃ rü ñoma wüxi i gáuxchipeta i ngupetüxü̃rüxü̃ nixĩ. Rü natüca̱xma nananutaque̱xe i norü ngẽmaxü̃gü, natürü tama nüxü̃ nacua̱x i texéarü tá yixĩxü̃ i nawena.

Ngu̱xẽẽtaeruü̃arü ore 2:17

Rü choxü̃́ nawa̱xtümüü̃ nax ñoma i naanewa chamaxü̃xü̃, erü guxü̃ma i puracü i ñoma i naanewa ixüxü̃ rü inarüxomare. Rü aixcüma nixĩ i guxü̃ma i ngẽma ixüxü̃ rü natüca̱xmamare yixĩxü̃. Rü ñoma buanecü ya taxucürüwama yayauxemacürüxü̃ nixĩ.