Yox 7:1 - Tupanaarü Ore

¹ Rü ñoma i naanewa i yixema rü ñoma wüxi i puracütanüxü̃ i norü puracütanü ínanguxẽẽxü̃rüxü̃ tixĩgü.

Yox 7:1 Referans Kwoze

Wiyaegü 39:4

—Pa Cori Pa Tupanax ¡choxü̃ nüxü̃ nacua̱xẽxẽ nax ngexta tá yacuáxü̃ i chorü maxü̃ rü ñuxre i ngunexü̃ tá choxü̃́ ngẽxmaxü̃! ¡Rü choxü̃ nüxü̃ nacua̱xẽxẽ nax nanuxũxü̃ i ñaa chorü maxü̃!

Yox 5:7

Rü ngẽma guxchaxü̃gü rü duü̃xü̃gü nixĩ i nango̱xẽẽxü̃ ñoma üxüxü̃́pa i nexgütanücüüxü̃rüxü̃.

Ichaía 40:2

¡Rü nüxü̃ pengechaü̃ãcüma ngẽma Yerucharéü̃cüã̱xgümaxã pidexagü! ¡Rü namaxã nüxü̃ pixu nax marü iyacuáxü̃ nax togüme̱xẽwa nangẽxmagüxü̃ rü marü nanaxütanü i norü chixexü̃gü! Rü guxü̃ma ga yema norü chixexü̃ ga naxügüxü̃ca̱x, rü taxree̱xpü̱xcüna nüxü̃ chanaxütanüxẽxẽ —ñanagürü ga Tupana.

Ichaía 21:16

Rü Cori ya Tupana rü chomaxã nidexa rü ñanagürü: —Ñoma wüxi i puracütanüxü̃ i wüxi ya taunecüca̱x nüxü̃ ixunetaxü̃rüxü̃ tá nixĩ nax wüxi ya taunecü inguxgu rü tá nagúxü̃ i norü pora ya yima ĩane ya mexẽchine ya Quedáx.

Ngu̱xẽẽtaeruü̃arü ore 8:8

Rü taxúema namaxã tapora i tümaarü maxü̃ nax tama tayuxü̃ca̱x. Rü ngẽxguma tümaarü ngunexü̃wa nanguxgu rü tayu. Rü taxúetama nawa tiña i ngẽma yu. Rü ngẽma yatü i chixexü̃gu maxü̃xü̃ rü ngẽma norü chixexü̃ rü taxũtáma yuwa ínananguxuchixẽxẽ.

Wenaxarü naxümatü ga Tupanaarü mugü 15:18

Rü tama name nax cunachu̱xuxü̃ nax cuyangéxü̃ i curü mugüruxü̃ i 6 ya taunecü meama cuxü̃́ puracüxü̃. Erü wüxi i duü̃xü̃ i meama norü puracü ãtanüxü̃arü ngãxü̃gumare nüxü̃́ cunaxütanü. Rü ngẽxguma cuma meamare cuyange̱xgu, rü nüma ya Cori ya curü Tupana rü tá cuxü̃ narüngü̃xẽxẽ nawa i guxü̃ma i ngẽma cuxüxü̃.

Lebítanüxü̃arü puracüchiga 25:50

Rü ngẽma duü̃xü̃ rü wüxigu namaxã i ngẽma naxca̱x taxexü̃, rü tá nayaxugü nax ñuxre ya taunecü ngupetüxü̃ nawena nax nügümaxã nataxexü̃ ñu̱xmata nawa nangu ya yimá ngúxü̃chigaarü taunecü. Rü wüxi ya taunecüarü puracütanü tá nixĩ i naxãtanüxü̃ i wüxichigü ya yimá taunecügü ya taxucü ñu̱xmata nawa nangu ya ngúxü̃chigaarü taunecü. Rü ngẽmaãcü tá nanaxütanü nax norü corime̱xẽwa ínanguxuchixü̃ca̱x.

Ichaía 38:5

—¡Wena íyadau ya Echequía! ¡Rü namaxã nüxü̃ ixu i chorü ore i ñaxü̃: “Yimá Cori ya Tupana ga curü o̱xi ga Dabíarü Tupana rü ñanagürü: ‘Marü cuxü̃́ nüxü̃ chaxĩnü i curü yumüxẽ, rü nüxü̃ chadau i cu̱xgüxü̃etü nax cuxaxuxü̃! Rü cuxü̃́ tá 15 ya taunecü chaxünagü nax cumaxü̃xü̃.

Yox 7:2

Rü ñoma wüxi i mugüruxü̃ i ga̱u̱xetüxü̃wa yáxna rüngü̱̃xü̃rüxü̃ tixĩgü. Rü ñoma wüxi i puracütanüxü̃ i norü puracütanü i diẽru ínanguxẽẽxü̃rüxü̃ tixĩgü.

Yox 10:17

Rü taguma cuxü̃́ nataxu i ngẽma chauchigaxü̃ cumaxã ixugüxü̃. Rü ngẽma nax chomaxã cunuxü̃ rü nitachigü. Rü ñoma wüxi i churaratücumürüxü̃ tama ícuyachaxãchi nax cha̱u̱xca̱x ícuyagoõchixü̃.

Yox 14:1

Rü ngẽma yatü i ngexewa íxraxü̃ rü nanuxũ i norü maxü̃, rü muxü̃ i guxchaxü̃gü nüxü̃́ nangẽxma.

Ichaía 16:14

Rü ñu̱xma ya Cori ya Tupana rü ñanagürü: —Wüxi i puracütanüxü̃ rü tomaepü̱x ya taunecü inaxuneta nax napuracüxü̃. Rü ngẽxgumarüxü̃ tá ta tomaepü̱x ya taunecü rü Moáanearü pora rü tá inayacua̱x, rü ngẽma muxü̃ i norü duü̃xü̃gü rü tá nayue. Rü noxre tátama i duü̃xü̃gü ínayaxügü natürü tá nangearü poraã̱x —ñanagürü ya Cori ya Tupana.