Yox 6:4 - Tupanaarü Ore

⁴ Rü nüma ya Yimá Guxãétüwa Ngẽxmacü rü chowa nayanawa̱xẽẽgü ya yima naxnegü, rü ngẽma norü naguchatagü rü chaxunegu nixũ. Rü ngẽma ãũcümaxü̃ i norü nu ya Tupana rü marü chowa nangu.

Yox 6:4 Referans Kwoze

Wiyaegü 38:2

Rü yima cuxne rü chowa narüwa̱xgü rü cuxme̱xmaxã choxü̃ quima̱x.

Yox 30:15

Rü poraãcü chamuü̃, rü yema nax duü̃xü̃gü chomaxã taãẽgüxü̃ rü ñoma buanecürüxü̃ choxna niña. Rü yema mexü̃ ga nawa chayexmaxü̃ rü narüxo ñoma caixanexü̃ rüxoxü̃rüxü̃.

Ucu̱xẽgüchiga 18:14

Yíxema ida̱xawexe, rü tümaarü taãxẽ tüxü̃ ínarüdaxẽxẽ. Natürü ngẽxguma taxoegaãẽgu ¿rü texé tá tüxü̃ ítarüdaxẽxẽ?

Wiyaegü 143:7

Pa Cori Pa Tupanax ¡paxa choxü̃ nangãxü̃! Erü ngẽmatama chayu. ¡Rü taxṹ i cuxoxü̃ nax choxü̃ curüngü̃xẽxẽxü̃! Erü ngẽxguma tama choxü̃ curüngü̃xẽẽgu rü tá chayu naxrüxü̃ i ngẽma yuexü̃.

Ore i mexü̃ ga Márcu ümatüxü̃ 15:34

Rü yematama oragu rü tagaãcü aita naxü ga Ngechuchu, rü ñanagürü: —Erí, Erí, ¿damá chabátani? —ñanagürü. Rü ngẽma rü ñaxü̃chiga nixĩ: “Pa Chorü Tupanax, Pa Chorü Tupanax ¿tü̱xcüü̃ choxna quixũgachixü̃?” ñaxü̃chiga nixĩ.

Yox 9:17

Rü wüxi i taxü̃ i guxchaxü̃ chi cha̱u̱xca̱x ínanguxẽxẽ, rü yexeraãcü chi nanamuxẽxẽ i ngẽma chorü o̱xrigü woo taxuxü̃ma i chixexü̃ chaxüxgu.

2 Corintios 5:11

Toma rü aixcüma torü Corixü̃ tangechaxü̃ rü naga taxĩnüe. Rü ngẽmaca̱x norü orearü uwa tapuracüe rü tayaxucu̱xẽgü i duü̃xü̃gü nax yaxõgüãxü̃ca̱x. Rü nüma ya Tupana rü meama toxü̃ nacua̱x, rü chierüna pema rü ta toxü̃ pecua̱xgügux.

Wiyaegü 45:5

Pa Ãẽ̱xgacüx, yima cuxnegü ya meama ixãmagune rü ngẽma curü uanügüarü maxü̃newa tá nayarüwa̱xgü rü ngẽma togü i nachixü̃anecüã̱xgü rü cuxme̱xgu tá nayi.

Wiyaegü 21:12

Erü cuma rü tá cuyabuxmüxẽxẽ, rü yima curü würa rü naguama cunatoenü.

Wiyaegü 18:14

Rü ínananguxẽxẽ ga norü chuxchigü rü ãẽmacügü. Rü yemacha̱xwa ga yema chorü uanügü rü nügü nawoone rü nibuxmü.

Wiyaegü 7:13

Rü nüma ya Tupana rü marü ínanaxüxü̃ ya naxnegü ya iya̱u̱xramagugǘne. Rü marü ínamemare ya yima naxnegü ya tüxü̃ imáxü̃ne.

Yox 31:23

Rü choma rü nüxü̃ chamuü̃ ga yema Tupanaarü poxcu, yerü nüma rü guxü̃étüwa nangẽxma rü taxũchima yáxna namaxã chaxĩnü ga yema norü poxcu.

Yox 21:20

Rü nümatátama nixĩ i naya̱u̱xãxü̃ ya Tupana ya Guxãétüwa Ngẽxmacüarü poxcu i nagu nguxü̃.

Wenaxarü naxümatü ga Tupanaarü mugü 32:42

Rü chorü chuxchigü rü tá nagümaxã nadumagu, rü chorü tara i taxrewa ãmaguxü̃maxã tá chanadai i ngẽma duü̃xü̃gü. Rü ngẽma yuexü̃wa rü ngẽma poxcuexü̃wa tá naba ya nagü. Rü tá chanadaü̃eru i chorü uanügüarü ãẽ̱xgacügü i ma̱xyaexü̃”, ñanagürü tá ga Tupana.

Rux 1:20

Natürü ga ngĩma rü inangãxü̃ rü ngĩgürügü: —¡Taxṹ i Noemí ñaperügü choxü̃! Rü name nixĩ i Mára ñapegürü choxü̃. Erü Tupana ya Guxãétüwa Ngẽxmacü rü taxü̃ i guxchaxü̃ choxna naxã.

Yox 20:16

Rü ngẽma chixexü̃ i naxüxü̃ rü ñoma wüxi i ãxtapeguchatarüxü̃ nixĩ, rü yixcamaxü̃ra rü tá nanayuxẽxẽ.

Yox 34:6

Rü choma rü wüxi i yatü i mexü̃arü üruxü̃ chixĩ rü taguma pecadu chaxü, natürü nüma ya Tupana rü ñoma wüxi i duü̃xü̃ i dorata̱xaxü̃ãcü choxü̃ nixĩxẽxẽ rü ngẽma taxü̃ i chorü guxchaxü̃ rü nüxü̃́ nataxuma i norü mexẽẽruxü̃”, ñanagürü ga Yox.

Ichaía 28:19

Rü ngẽxguma ínangugügu i ngẽma churaragü i ãũcümaxü̃ rü tá pexü̃ nigagü. Rü guxü̃ i ngunexü̃ tá ínangugüxü̃, rü ngunecü rü chütacü tá ínangugüxü̃. Rü ngẽxguma nüxü̃ pexĩnüechigagu rü muü̃maxã tá pidu̱xrue.

Auxexü̃chiga 2:4

Rü nüma ga Cori ya Tupana rü ñoma wüxi i uanü i marü norü würamaxã imaxnetachaxü̃xü̃rüxü̃ nixĩ. Rü ñoma wüxi i uanürüxü̃ nanadai ga guma ĩanearü ngextü̱xücügü rü pacügü. Rü ñoma wüxi ga üxüemarüxü̃ nixĩ ga Cori ya Tupanaarü nu ga namaxã yaguãxü̃ ga napata ga guma ĩane ga mexẽchine ga Chióü̃wa yexmane.

Yox 7:20

Rü ngẽxguma chixexü̃ chaxüxgu ¿rü ta̱xacürü chixexü̃ ẽ̱xna cumaxã chaxü, Pa Yatügüarü Ngugüruxü̃x? ¿Rü tü̱xcüü̃ wüxi i cuxnemaxã choxü̃ cuchuxchaü̃xü̃ choxü̃ quixĩxẽxẽ? ¿Ẽ̱xna cuxca̱x rü wüxi i curü guxcharuxü̃ chixĩ?

Yox 16:9

Rü Cori ya Tupana rü ñoma wüxi i naeü̃ i düraxü̃ i chowe íñaü̃xü̃ rü chaugu wagüxü̃rüxü̃ nixĩ i chomaxã. Rü nüma rü ñoma chorü uanü yixĩxü̃rüxü̃ choxü̃ nadawenü.

Yox 19:12

Rü guxü̃ma i norü churaragü rü chauxü̃tawa nabuxmü, rü chopataxü̃ ínachomaeguãchi. Rü ngéma nügü namexẽẽgü nax cha̱u̱xca̱x íyaxü̃ãchixü̃ca̱x.

Wiyaegü 38:3

Rü ngẽma chorü chixexü̃gagu nixĩ i chomaxã cunuxü̃. Rü ngẽmaca̱x i ñaa chaxune rü guxü̃wama nida̱xawe rü bai ya wüxi ya chauxchina̱xã ya mexü̃ne.

Ucu̱xẽgüchiga 14:10

Wüxichigü i duü̃xü̃ rü nüxicatama nixĩ i nüxü̃ nacuáxü̃ i norü guxchaxü̃gü, rü tama togü i duü̃xü̃gü i tama nüxü̃ nacuáxü̃maxã nüxü̃ nixu i norü taãxẽ.

Auxexü̃chiga 3:3

Rü muẽ̱xpü̱xcüna guxü̃ma i oragu choxü̃ napoxcu.