Yox 6:10 - Tupanaarü Ore

¹⁰ Rü woo nax ngúxü̃ chingexü̃ rü chorü taãxẽ nixĩ nax guxü̃guma naga chaxĩnüamaxü̃ i ngẽma norü mugü ya Tupana ya üünecü.

Yox 6:10 Referans Kwoze

Yox 23:12

Rü guxü̃guma mea chayanguxẽxẽ i norü mugü rü norü ucu̱xẽgü, rü taguma choxrütama ngúchaü̃ chaxü.

Ichaía 57:15

Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.

Lebítanüxü̃arü puracüchiga 19:2

—¡Rü Iraétanüxü̃ i duü̃xü̃gümaxã nüxü̃ ixu i ñaa ore!: “Rü name nax pixüünegüxü̃ i pemax, erü choma ya perü Cori ya Tupana rü chaxüüne.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:8

Rü yema ãgümücü ga daxũcüã̱x ga maxẽxü̃, rü wüxichigü nüxü̃́ nayexma ga 6 ga naxpe̱xatügü. Rü guxü̃wama ga naxpe̱xátüétüwa rü naxpe̱xátütüü̃wa rü namuxetü. Rü ngunecü rü chütacü rü ñanagürügüecha: “Naxüüne, naxüüne, naxüüne nixĩ ya tórü Cori ya Tupana ya Guxü̃étüwa Ngẽxmacü rü Woetama Yexmacü rü Ñu̱xma Ngẽxmacü rü Guxü̃gutáma Ngẽxmacü”, ñanagürügüecha.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:7

Rü yema chomaxã idexaxü̃ rü ñanagürü ta: “Chanaxwa̱xe i Filadélfiawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü rü ñacurügü tá: ‘Ñaa nixĩ i norü ore ya yimá Üünecü ya aixcüma Cristu ixĩcü. Rü nüma rü ãẽ̱xgacü ya Dabírüxü̃ poracü nixĩ. Rü nüxü̃́ nangẽxma i pora nax yawãxnaãxü̃ca̱x rü nawãxtaãxü̃ca̱x. Rü ngẽxguma texéca̱x yawãxnaãgu, rü taxucürüwama texé tümacha̱xwa tanawãxta. Rü ngẽxguma texécha̱xwa nawãxtaãgu, rü taxucürüwa texé tümaca̱x tayawãxna’.

Romanos 8:32

Nüma ga Tupana rü tama tüxna nayanuxũ ga Nanexü̃chi, natürü taxca̱x inanamu ga Nane nax taxca̱x nayuxü̃ca̱x i guxãma i yixema. Rü ñu̱xma nax taxca̱x inamuãxü̃ ga Nane nax taxca̱x nayuxü̃ca̱x, ¿rü taux ẽ̱xna tüxna naxããxü̃ i guxü̃ma i ngẽma inaxwa̱xexü̃ nax mea naxca̱x imaxẽxü̃ca̱x?

Ngechuchuarü ngúexü̃gü ga yamugüxü̃arü puracüchiga 20:27

Erü marü meama pemaxã nüxü̃ chixu i guxü̃ma i ngẽma Tupana pexü̃́ naxwa̱xexü̃, rü taxuxü̃ma ichicu̱x.

Ngechuchuarü ngúexü̃gü ga yamugüxü̃arü puracüchiga 20:20

Rü taguma íchayachaxãchi ga pemaxã nüxü̃ nax chixuxü̃ ga guxü̃ma ga yema ore ga perü mexü̃ca̱x ixĩxü̃. Rü guxü̃ ga duü̃xü̃güpe̱xewa, rü pepatagüwa rü ta pexü̃ changúexẽxẽ ga yema ore.

Abacú 3:3

Rü nüxü̃ chadau ya Cori ya Tupana i Temáü̃anewa ne naxũxü̃ nawa ya yima Paráü̃arü ma̱xpǘne. Rü dauxü̃guxü̃ i naane rü norü üünemaxã nanapá. Rü guxü̃ma i ñoma i naanewa ngẽxmagüxü̃ rü nüxü̃ nicua̱xüü̃gü.

Abacú 1:12

Dücax, Pa Corix, Pa Chorü Tupanax ¿tama ẽ̱xna i cuma i guxü̃guma cungexmaechaxü̃? Erü cuma rü üünecü rü taguma yucü quixĩ. Pa Corix, Pa Chorü Poxü̃ruxü̃x, cuma nixĩ i pora nüxna cuxãxü̃ i ngẽma Cadéugü nax nawa cuyanguxẽẽxü̃ca̱x i ngẽma poxcu i tomaxã cuxueguxü̃.

Ochéa 11:9

Rü marü taxũtáma wena pemaxã chanu, Pa Efraíü̃tanüxü̃x, rü taxũtáma wena pexü̃ chadai, erü choma rü tama duü̃xü̃mare chixĩ. Rü choma ya Tupana ya Üünecü nax chixĩxü̃ rü petanüwa chamaxü̃. Rü tama perü daiwa nixĩ i nua chaxũxü̃.

Wiyaegü 119:13

Rü cha̱u̱a̱xmaxã tá nüxü̃ chixu i guxü̃ma i ngẽma curü mugü i nüxü̃ quixuxü̃.

Wiyaegü 37:30

Rü yimá yatü ya mecü rü mea nüxü̃ nacuáãcüma nidexa, rü ngẽxguma yadexaxgu rü aixcümaxü̃ nixu.

Yox 22:22

¡Rü irüxĩnü i norü ucu̱xẽ rü cuãẽgu namaxã nanguxü̃ i norü ore!

Yox 9:4

Rü nüma ya Cori ya Tupana rü naporaxüchi rü ñu̱xũchi nüxü̃ nacua̱xüchi. ¿Rü texé chi Tupanaxü̃ nüxü̃ tarücua̱xmae nax ngẽmaãcü tama tüxna naca̱xaxü̃ca̱x naxca̱x i tümaarü chixexü̃?

Yox 3:22

Rü ngẽma taãxẽ i naxca̱x tadauxü̃ rü düxwa tüxna nangu i ngẽxguma tayu̱xgu rü tümamaxü̃gu tixücuchigu.

1 Chamué 2:2

Rü tataxuma ya texé ya cuxrüxü̃ üünexe, Pa Corix. Rü tataxuma ya texé cuxrüxü̃ duü̃xü̃güna dauxe, Pa Torü Tupanax. Rü nataxuma i ta̱xacü i cuxü̃ rüporamaexü̃.

Wenaxarü naxümatü ga Tupanaarü mugü 29:20

Rü nüma ya Cori ya Tupana rü taxũtáma nüxü̃́ nüxü̃ narüngüma i ngẽma norü chixexü̃, rü naétügu tá nananguxẽxẽ i norü nu. Rü naxca̱x tá ínangugü i guxü̃ma i ngẽma guxchaxü̃gü i ñaa poperagu ümatüxü̃. Rü ñu̱xũchi nataagü i ngẽma yatü rü Tupana rü ñoma i naanewa tá inayanaxoxẽxẽ.

Yox 11:4

Rü cuma nüxü̃ quixuxgu rü nawe̱xgu i ngẽma curü ĩnü, rü cugü ícurümearü maxü̃ã̱x i Tupanape̱xewa.

Yox 15:11

¿Rü tama ẽ̱xna cuxü̃́ ningu i ngẽma ucu̱xẽ ya Tupana namaxã cuxü̃ taãẽxẽẽxü̃ rü ngẽma ucu̱xẽ i toma ngechaü̃ãcüma cumaxã nüxü̃ tixuxü̃?

Yox 23:11

Rü choma rü guxü̃guma mea naga chaxĩnü rü taguma nüxna chixũgachi i ngẽma norü ucu̱xẽ i chomaxã nüxü̃ yaxuxü̃.

Wiyaegü 119:50

Rü ngẽxguma changechaü̃gu, rü ngẽma curü uneta nixĩ i choxü̃ taãẽxẽẽxü̃. Erü curü unetawa nüxü̃ quixu nax maxü̃ tá choxna cuxãxü̃.