Yox 5:8 - Tupanaarü Ore

⁸ Rü ngẽxguma chi choma rü cuxrüxü̃ chixĩxgu, Pa Yox, rü Cori ya Tupanaca̱x chi chataegu, rü namaxã chi nüxü̃ chixu i chorü guxchaxü̃gü.

Yox 5:8 Referans Kwoze

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Yox 22:21

¡Rü dücax, rü wenaxarü Tupanamaxã rüngüxmü! Rü ngẽmaãcü tá wenaxarü mea cuxü̃ naxüpetü.

Wiyaegü 37:5

¡Rü Cori ya Tupaname̱xẽgu naxǘ i curü maxü̃! ¡Rü nüxü̃́ yaxõ! Rü nüma rü tá cuxü̃ narüngü̃xẽxẽ.

Nüxíraxü̃xü̃ ga popera ga Pedru ümatüxü̃ 4:19

Rü ngẽmaca̱x ya yíxema Tupana naxwa̱xexü̃ãcüma ngúxü̃ ingegüxe, rü name nixĩ nax mexü̃ taxügüechaxü̃ rü Tupana ya tüxü̃ ücüme̱xẽgu nax tanaxüxü̃ i tümaarü maxü̃ nax nüxna tüxü̃́ nadauxü̃ca̱x. Erü nüma ya Tupana rü mecü nixĩ rü nayanguxẽxẽ i ngẽma tümamaxã inaxunetaxü̃.

Norü taxre ga popera ga Timutéuca̱x naxümatüxü̃ ga Pauru 1:12

Rü ngẽmaca̱x nixĩ i ngúxü̃ chingexü̃ rü chapoxcuxü̃ i ñu̱xmax. Natürü tama naxca̱x chaxãne i ngẽma, erü choma nüxü̃ chacua̱x nax texéaxü̃́ chayaxõxü̃. Rü nüxü̃ chacua̱x nax naporaxü̃ i nüma nax nüxna nadauxü̃ca̱x i ngẽma puracü i choxna naxãxü̃ ñu̱xmatáta ngẽma ngunexü̃ i nagu wena núma naxũxü̃.

Yox 22:27

Rü ngẽxguma curü yumüxẽwa ta̱xacüca̱x nüxna cuca̱xgu, rü nüma rü tá cuxü̃ naxĩnü. Rü cuma rü tá cuyanguxẽxẽ i guxü̃ma i ngẽma namaxã icuxunetaxü̃.

Nüxíraxü̃xü̃ ga popera ga Pedru ümatüxü̃ 2:23

Rü yexguma duü̃xü̃gü chixexü̃ namaxã ixugüegu, rü nüma rü taxuxü̃ma ga chixexü̃maxã nanangãxü̃. Rü yexguma ngúxü̃ nüxü̃ yangexẽẽgügu, rü nüma rü tama ta̱xacürü chixexü̃maxã nanaxãũxü̃ne. Natürü nüma ga Cristu rü nügü inaxã nüxna ya Tupana ya mea nangugücü i guxü̃ma i duü̃xü̃güarü maxü̃.

Yox 8:5

¡Rü namaxã idexa ya yimá Tupana ya Guxãétüwa Ngẽxmacü, rü nüxna naxca̱x naca nax nüxü̃́ cungechaü̃tümüxü̃ca̱x!

Yox 13:2

Rü ngẽma pema nüxü̃ pecuáxü̃ rü choma rü ta nüxü̃ chacua̱x. Rü taxuwama nixĩ i pexü̃ nax charüñaxtügumaexü̃ i chorü cua̱xwa.

Yox 13:3

Natürü narümemae chi nixĩ nax Tupanamaxãxü̃chi chidexaxü̃ nax namaxã togü tachoxü̃gagüxü̃ca̱x ya yimá Guxãétüwa Ngẽxmacü.

Yox 11:13

¡Tupanana cugü naxã! ¡Rü nüxna naca nax cuxü̃ nangü̃xẽxẽxü̃ca̱x!

Yeremía 11:20

Natürü i cumax Pa Corix, Pa Tupana ya Guxãétüwa Ngẽxmacüx, rü wüxi ya ãẽ̱xgacü ya mecü quixĩ. Cuma rü aixcüma nüxü̃ cucua̱x nax mea cunangugüxü̃ i wüxichigüarü maxü̃. ¡Rü choxü̃ nüxü̃ nadauxẽxẽ nax ñuxãcü tá cunapoxcuexü̃ i ngẽma duü̃xü̃gü! Erü marü cumaxã nüxü̃ chixu i chorü guxchaxü̃ rü cuxme̱xwa chanangexmaxẽxẽ i ngẽma.