Biblia Todo Logo
Bib sou entènèt

- Piblisite -




Yox 5:2 - Tupanaarü Ore

2 Rü ngẽma naechita maxẽxü̃ rü ngẽma norü nu rü norü ngúchaü̃ düxwa yuwa nanagagü.

Gade chapit la Kopi




Yox 5:2
19 Referans Kwoze  

¡Rü taxṹ i cugü nüxna cuxã i ngẽma nu! Erü ngẽma nu nixĩ i duü̃xü̃gü i naechitamare maxẽxü̃maxã icuáxü̃.


Natürü Tupana tá tümamaxã nanu rü tá tüxü̃ napoxcu ya yíxema tama naga ĩnüechaü̃xü̃ i ore i aixcüma ixĩxü̃ rü naxca̱x daugüxe nax chixexü̃ taxügüxü̃.


Rü ngẽma Iraéanecüã̱xgü i Efraíü̃tanüxü̃ rü ñoma muxtucu i nu ne nañaxü̃ rü ngearü cuááxü̃rüxü̃ nixĩgü. Rü ngẽmaca̱x Equítuanecüã̱xgüna ngü̃xẽẽca̱x nacagü, rü ñu̱xũchi Achíriaanecüã̱xgüna ngü̃xẽẽca̱x nacagü.


Ngẽma duü̃xü̃ i tama naãẽxü̃ cuáxü̃ rü nanuãchiwa̱xe, natürü ngẽma duü̃xü̃ i naãẽxü̃ cuáxü̃, rü nüxü̃́ nanataxuraxü̃mare ega woo texé chixri nachiga idexagu.


Rü nümagü i ngẽma duü̃xü̃gü ga norü chixexü̃gagu rü norü pecadugügagu ida̱xaweexü̃, rü nanaxĩ̱xãchiãẽgü. Rü woo ga yema norü õnagü rü tama nüxü̃́ nachi̱xégagü yerü naturae rü marü nayuechaü̃.


Rü ngẽma tama naãẽxü̃ icuáxü̃xicatama nixĩ i tama nüxü̃ cua̱xgüchaü̃xü̃ nax namexẽchixü̃ i curü puracü.


Rü choma ya Tupana rü ñachagürü nüxü̃ i ngẽma nügü icua̱xüü̃güxü̃ rü ngẽma chixexü̃ ügüxü̃: —¡Taxṹ i pegü íperütagüxü̃ rü pegü picua̱xüü̃güxü̃!


Rü ngẽma duü̃xü̃gü i naechitamare maxẽxü̃ rü nagu narüxĩnüe nax nataxuxü̃ ya Tupana. Rü guxü̃ma i ngẽma duü̃xü̃gü rü chixexü̃gu narüxĩnüe rü nanaxügü i ngẽma Tupanape̱xewa chixexü̃chixü̃. Rü bai i wüxi i mexü̃ üxü̃.


¿Ẽ̱xna nagu curüxĩnügu rü curü nugagu rü tá nangeãcu i ñoma i naane rüe̱xna yimá nutagü rü tá nachicawa nixĩgachi?


Rü yexguma Raqué nüxü̃ icua̱xãchigu nax tama Acóbuaxü̃́ naxãxacüxü̃, rü iyaxãũxãchi naxca̱x nax ngĩeya̱x ga Léaxicatama ãxacüxü̃. Rü yemaca̱x ngĩtexü̃ ngĩgürügü: —Ngẽxguma taxũtáma cuxü̃́ chaxãxacügu rü tá chayu —ngĩgürügü.


Erü ngẽma duü̃xü̃gütanüwa nangẽxmagü i nümaxü̃ i ĩpatagu ichocuetanüxü̃. Rü norü ngu̱xẽẽtaemaxã nayawomüxẽẽgü i ngẽma ngexü̃gü i ngéma ngẽxmagüxü̃ i tama naãẽxü̃ icuáxü̃ rü chixri maxẽxü̃. Rü ngẽma ngexü̃gü, rü norü ngúchaü̃gütama chixexü̃wa nanagagü, rü woo guxü̃guma nangúe natürü taguma aixcüma nüxü̃ nacua̱xgü i ngẽma ore i aixcüma ixĩxü̃.


Natürü nüma ga Tupana rü nanangãxü̃ rü ñanagürü: —¿Cuxca̱x rü namexü̃ nax ngẽmaãcü cunuxü̃ nagagu nax nayumaxü̃xü̃ i ngẽma nanetü? —ñanagürü. Rü nüma ga Yoná rü Tupanaxü̃ nangãxü̃ rü ñanagürü: —Ngẽmáacüx, cha̱u̱xca̱x name i ngẽma, erü ngẽma chorü numaxã chayuxchaü̃ —ñanagürü.


Pa Ngextü̱xücügü i Tama Ũãẽgüxü̃ rü Peechitamare Maxẽxe, ¡naxca̱x pengúe nax pexuãẽgüxü̃ rü aixcüma peãẽxü̃ pecuáxü̃!


Yimá nutagü rü yimá naxnücü rü niya, natürü ngẽma norü nu i ngẽma chixexü̃gu maxü̃xü̃, rü narüyamae.


Natürü nüma ga Onáü̃ rü nüxü̃ nacua̱xama nax yema naxacügü ga ngĩwa buexü̃ rü taxũchima naxacüacü nüxü̃ nacua̱xgüxü̃. Rü yemaca̱x ga yexguma ngĩmaxã namaxü̱̃xgu, rü naxuãxẽ nax tama nüxü̃́ naxãxacüxü̃ca̱x nax yemaacü tama nagagu naxãtaxaxü̃ca̱x ga gumá naenexẽ ga yucü.


Yíxema nagu ixũxe i mugü, rü tümaarü maxü̃na tadau. Natürü yíxema nüxü̃ oxe ya Cori ya Tupanaarü mugü, rü tümaarü yuca̱x tadau.


Yíxema nuechaxe, rü tá tapoxcu. Natürü ngẽxguma poxcuwa tüxü̃ ícunguxuchixẽẽgu, rü tá yexera chixexü̃ taxü.


Swiv nou:

Piblisite


Piblisite