Yox 5:12 - Tupanaarü Ore

¹² Nüma rü ngẽma womüxẽẽxü̃ cua̱xgüxüchixü̃arü ĩnügu nayanachixexẽxẽ. Rü ngẽmaãcü inayanaxoxẽxẽ i ngẽma nagu naxĩnüexü̃ i ngẽma womüxẽẽxü̃ cua̱xgüxüchixü̃.

Yox 5:12 Referans Kwoze

Wiyaegü 21:11

Erü ngẽma curü uanügü rü nagu narüxĩnüe nax chixexü̃gu cuxü̃ nagu̱xẽẽgüxü̃ca̱x, natürü taxũtáma mea nüxü̃́ ínanguxuchi i ngẽma nagu naxĩnüexü̃.

Ichaía 8:10

Rü woo chi ngẽma nagu perüxĩnüexü̃ãcüma penaxü̱xgu, natürü tá peyueama. Rü woo pegümaxã nüxü̃ pixuxgu i ngẽma penaxwa̱xexü̃ nax penaxüxü̃, natürü tagutáma pexü̃́ ningu, Pa Nachixü̃anegü i Yáxü̃wa Ngẽxmagüxü̃. Erü Tupana rü tomaxã inarüxã̱ũ̱x.

Ucu̱xẽgüchiga 21:30

Tupanape̱xewa rü nataxuma i duü̃xü̃arü cua̱x i mexü̃, rü tataxuma ya texé ya nüxü̃ cuáxe, rü nataxuma i ĩnü i aixcüma mexü̃.

Wiyaegü 37:17

Erü nüma ya Cori ya Tupana rü tá inayanaxoxẽxẽ i ngẽma duü̃xü̃gü i chixexü̃ ügüxü̃. Natürü tá tüxü̃ narüngü̃xẽxẽ ya yíxema mexü̃gu rüxĩnüxe.

Ngechuchuarü ngúexü̃gü ga yamugüxü̃arü puracüchiga 12:11

Rü yexguma nüxü̃ nicua̱xãchi ga Pedru, rü nügümaxã ñanagürü: —Ñu̱xma waxi i nüxü̃ chacuáxü̃ nax aixcüma Cori ya Tupana núma namuxü̃ i norü orearü ngeruxü̃ nax Eródeme̱xẽwa choxü̃ napuxü̃, rü nawa choxü̃ ínanguxuchixẽẽxü̃ i guxü̃ma i ngẽma chomaxã naxügüchaü̃xü̃ i ngẽma Yudíugü i tama yaxõgüxü̃ —ñanagürü.

Neemía 4:15

Rü yexguma torü uanügü nüxü̃ cuáxchigagügu ga toma rü marü nüxü̃ nax tacuáxü̃ ga yema nagu naxĩnüexü̃, rü Tupana rü marü toxü̃ ínapoxü̃xü̃, rü yemaca̱x ga nümagü rü toxna nixĩgachitanü. Rü toma rü naxca̱x tawoegu ga nawa nax tapuracüexü̃ ga yema ĩanearü poxeguxü̃tápü̱x.

Ichaía 37:36

Rü yematama chütaxü̃gu rü wüxi ga daxũcüã̱x ga Tupanaarü orearü ngeruxü̃ rü nanadai ga 185,000 ga churaragü ga Achíriaanecüã̱x. Rü yexguma yangunegu rü guxü̃ma nayue.

Ichaía 19:3

Rü tá íchananu̱xãẽxẽẽgü nax tama naãẽxü̃ yacuáxü̃ca̱x. Rü ngẽma nagu naxĩnüexü̃ rü tá nüxü̃́ nagu chanachixexẽxẽ. Rü ngẽmaca̱x i nümagü rü tá norü tupananetachicüna̱xãgüna rü yuüxü̃güna nacagü. Rü tá yuetaãẽca̱x nangemagü nax nüxna nacagüxü̃ca̱x. Rü ñu̱xũchi duü̃xü̃gü i ẽxü̃guxü̃arü uruü̃güna tá nacagü.

Yox 15:5

Rü ngẽma curü ĩnü i chixexü̃ nixĩ i ngẽmaãcü cuxü̃ idexaxẽẽxü̃ rü nüxü̃ quixuxü̃ i dexagü i tama aixcüma ixĩgüxü̃.

Ichaía 44:25

Rü ngẽma orearü uruü̃güneta rü ngẽxguma nüxü̃ yaxugüegu nax ta̱xacü tá ngupetüxü̃, rü choma rü nüxü̃́ ichayanaxoxẽxẽ nax tama yanguxü̃ca̱x i ngẽma nüxü̃ yaxugüexü̃. Rü ngẽma ẽxü̃guxü̃xü̃ cua̱xgüxü̃ rü choma nixĩ ichanatoõẽmarexü̃ nax tama nüxü̃ nacua̱xgüxü̃ca̱x i ta̱xacüchiga yixĩxü̃ i ngẽma nüxü̃ yaxugüexü̃. Rü ngẽma duü̃xü̃gü i cua̱x nüxü̃́ ngẽxmagüxü̃ rü choma nixĩ i nügümaxãtama chanaxutagagüxẽẽxü̃ nax ngẽma norü cua̱x rü taxuwama namexü̃.

Yeremía 8:8

¿Rü ñuxãcü i pema rü nüxü̃ pixugüxü̃ nax nüxü̃ picuáxü̃, rü pexü̃́ nangẽxmaxü̃ i chorü mugü? Erü ngẽma chorü mugü ümatügüxü̃ rü chixri nanaxümatügü rü ínayatõxẽẽgü.

Abdía 1:8

Rü nüma ya Cori ya Tupana rü ñanagürü ta: —Rü ngẽma ngunexü̃ i nagu tá chanapoxcuxü̃ i Edóü̃anecüã̱xgü rü choma rü tá chanadai i norü duü̃xü̃gü i nüxü̃ icua̱xüchixü̃. Rü nüxna tá chanayaxu i norü cua̱x i ngẽma duü̃xü̃gü i Echaúarü ma̱xpǘanewa ngẽxmagüxü̃.

Naanearü ügüchiga 31:22

Rü tomaepü̱x ga ngunexü̃guwena rü Labáü̃ rü nüxü̃ nacuáchiga ga nax yaxũxü̃ ga Acóbu.

1 Chamué 23:13

Rü yexguma ga Dabí rü ñu̱xũchi norü duü̃xü̃gü ga 600 ga norü mu rü ĩane ga Queiráwa ínachoxü̃, rü inaxĩ tama nüxü̃ nacua̱xgüãcü nax ngextá tá naxĩxü̃. Rü yexguma Chaú nüxü̃ cuáchigagu ga Dabí rü marü nax yañaxü̃ ga ĩane ga Queiráwa, rü ínayachaxãchi nax nawe nangexü̃.

2 Chamué 11:9

Natürü nüma ga Uría rü tama nachiü̃wa naxũ. Rü ãẽ̱xgacüpataarü ĩã̱xü̃tagu nape naxü̃tagu ga yema churaragü ga yéma dauxü̃taegüxü̃.

2 Chamué 17:14

Rü yema Uchái i Aquítanüxü̃arü ĩnü rü Acharóü̃ca̱x rü ñu̱xũchi guxü̃ma i Iraétanüxü̃ca̱x rü Aitópearü ĩnüxü̃ narümemae. (Yerü nüma ga Cori ya Tupana rü yemaacü Aitópearü ĩnügu nayanachixexẽxẽ nax yemaacü Acharóü̃gu nanguxü̃ca̱x ga chixexü̃.)

Norü taxre ga popera ga ãẽ̱xgacügüchiga 6:9

Natürü Tupana rü Erichéuxü̃ nüxü̃ nacua̱xẽxẽ ga yema Chíriaanecüã̱xarü ãẽ̱xgacüarü ĩnü. Rü yemaca̱x ga Erichéu rü Iraéanecüã̱xgüarü ãẽ̱xgacüxü̃tawa namuga nax tama yema nachicawa naxĩxü̃ca̱x yerü yema Chíriaanecüã̱xgü rü yexma ínayacu̱xeü̃güchaü̃.

Neemía 4:9

Rü yexguma ga toma rü tayumüxẽgü, rü Tupanana taca nax toxü̃ nangü̃xẽẽxü̃ca̱x. Rü ñu̱xũchi dauxü̃taeruxü̃ itamugü nax chütacü rü ngunecü nadauxü̃taegüxü̃ca̱x nax yemaacü togü ítapoxü̃xü̃ca̱x.

Ucu̱xẽgüchiga 22:12

Nüma ya Cori ya Tupana rü nüxna nadau i ngẽma duü̃xü̃ i naãẽxü̃ cuáxü̃, natürü ínanaxue i norü dora i nüxü̃ yaxuxü̃ i ngẽma idorata̱xáxü̃.

Yeremía 49:7

Ñaa nixĩ i Cori ya Tupana ya Guxãétüwa Ngẽxmacüarü ore nachiga i Edóü̃ane. Rü ñanagürü: —Yima ĩane ya Temáü̃wa rü marü nataxuma i duü̃xü̃gü i aixcüma nüxü̃ cua̱xüchixü̃. Rü ngẽma nüxü̃ cuáxüra rü tama nüxü̃ nacua̱x i ta̱xacü tá naxügüxü̃. Rü Temáü̃wa nataxuma i duü̃xü̃gü i aixcüma nüxü̃ cuáxü̃ nax naxucu̱xẽãxü̃ i duü̃xü̃gü.