Yox 5:1 - Tupanaarü Ore

¹ ¡Rü aita naxü, Pa Yox, rü texé tá cuxü̃ ngãxü̃! ¿Rü ta̱xacürü Tupanaarü orearü ngeruxü̃ i daxũcüã̱xna tá cuca nax cuxü̃ nangü̃xẽxẽxü̃ca̱x?

Yox 5:1 Referans Kwoze

Yox 15:15

Rü nüma ya Cori ya Tupana rü tama nüxü̃́ nayaxõ i woo ngẽma norü orearü ngeruü̃gü i daxũcüã̱xgü erü woo nümagü rü ta ñuxguacü rü ínatüe. Rü bai i ngẽma dauxü̃guxü̃ i naane rü aixcüma nape̱xewa namexü̃, rü yexera taxũtáma nüxü̃́ nayaxõ i ngẽma yatü i chixexü̃gu maxü̃xü̃ rü chixexü̃gu rüxĩnüxü̃ ñoma ita̱xawa̱xgu rü dexágu rüxĩnüxü̃rüxü̃.

Yox 4:18

Rü nüma ya Cori ya Tupana rü tama nüxü̃́ nayaxõ i woo ngẽma norü orearü ngeruü̃gü i daxũcüã̱xgü, erü woo nümagü rü ta ñuxguacü rü ínatüe.

Popera ga Yudíugü ga yaxõgüxü̃ca̱x ümatüxü̃ 12:1

Rü yema muxü̃ma ga duü̃xü̃gü ga Tupanaaxü̃́ yaxõgüxü̃ ga yuexü̃, rü ñu̱xma torü ngaicamana nangẽxmagü nax tórü cua̱xruü̃gü yixĩgüxü̃ca̱x. Rü ngẽmaca̱x i ñu̱xmax, ¡rü ngĩxã nüxü̃ tarüxoe i guxü̃ma i ngẽma guxchaxü̃gü rü pecadugü i tüxü̃́ naguxchaxẽẽxü̃ nax mea yaxõgüxü̃! ¡Rü ngĩxã pora taxüe nax nawa ingugüxü̃ca̱x i ngẽma maxü̃ i tape̱xewaama ngẽxmaxü̃!

Efesios 1:1

Pa Chauenexẽgü ya Epéchiuwa Ngẽxmagüxe, choma i Pauru pexca̱x chanaxümatü i ñaa popera. Rü choma nixĩ ya Tupana choxü̃ yaxuxü̃ nax Ngechuchu ya Cristu choxü̃ muxü̃ca̱x nax nüxü̃ chixuxü̃ca̱x i norü ore. Rü pexca̱x chanaxümatü i guxãma i pema ya Epéchiuarü ĩanewa ngẽxmagüxe ya Tupanaarü duü̃xü̃gü ixĩgüxe ya Ngechuchu ya Cristuaxü̃́ yaxõgüxe.

Ichaía 41:1

Nüma ya Cori ya Tupana rü ñanagürü: —¡Iperüchianegü rü choxü̃́ iperüxĩnüe, Pa Márpechinüwa Ngẽxmagüxü̃ i Nachixü̃anegücüã̱x! ¡Rü pemax, Pa Guxü̃ma i Nachixü̃anegücüã̱x, ẽcü peporaãẽgü! ¡Rü nua pexĩ rü ngĩxã nachiga tidexagü i ngẽma tá ngupetüxü̃! ¡Rü ngĩxã nuxã wüxigu tangutaque̱xegü nax nachiga idexagüxü̃ca̱x!

Wiyaegü 106:16

Rü yéma ínapegüxü̃wa rü yema duü̃xü̃gü rü tama gumá Moichéga rü gumá Tupana nüxü̃ unetacü ga Aróü̃ga naxĩnüechaü̃ yerü naxca̱x nixãũxãchie nax norü ãẽ̱xgacü yixĩgüxü̃.

Wiyaegü 16:3

Rü ngẽma duü̃xü̃gü i cuxü̃́ yaxõgüxü̃ rü naporae, rü choma rü aixcüma namaxã chataãxẽ.

Wiyaegü 89:5

Pa Tupanax, guxü̃ma i ngẽma dauxü̃wa ngẽxmagüxü̃ rü cuxü̃ nicua̱xüü̃gü naxca̱x i ngẽma taxü̃gü i mexü̃gü i curü poramaxã cuxüxü̃. Rü ngẽma curü orearü ngeruü̃gü i dauxü̃cüã̱x rü tá cuxü̃ nicua̱xüü̃gü erü aixcümacü quixĩ.

Yox 17:3

Natürü cumax, Pa Corix, cuxü̃́ natauxcha nax chauétüwa quidexaxü̃. ¿Texé chi chauétüwa chogüxe, ega tama cuma yixĩxgu?