Yox 42:3 - Tupanaarü Ore

³ ¿Rü cupe̱xewa rü ta̱xacü chixĩ i choma rü ngẽmaca̱x tama cuxü̃́ chanayaxuxü̃ i ngẽma curü ucu̱xẽgü? Rü ngẽmaãcü chanango̱xẽẽxü̃ nax taxuxü̃ma chacuáxü̃. Rü choma rü nachiga chidexa i ta̱xacü i ãũcümaxü̃ i tama nüxü̃ chacuáxü̃ i cuxicatama nüxü̃ cucuáxü̃.

Yox 42:3 Referans Kwoze

Wiyaegü 131:1

Pa Cori Pa Tupanax, choma rü tama chaugü chicua̱xüxü̃ rü tama chauxetümaxã togüétüwa chaugü chaxǘxẽxẽ. Rü tama naxca̱x chadau i ngẽma taxü̃ i mexü̃gü i taxucürüwa choxü̃́ ngẽxmaxü̃.

Wiyaegü 139:6

Rü guxü̃ma i ngẽma cua̱x rü chauãxẽ rü tama ningu nax nüxü̃ chacuáxü̃ i ngẽma. Rü ngẽma nax nataxüchixü̃ i ngẽma cua̱x rü tama nüxü̃ chacua̱x i ñuxãcü nax yixĩxü̃.

Wiyaegü 40:5

Pa Cori Pa Chorü Tupanax, namuxũchima nixĩ ga yema mexü̃gü ga curü poramaxã cuxüxü̃. Rü namuxũchi ga yema mexü̃gü ga toxca̱x cuxüxü̃. Rü yema nax namuxũchixü̃, rü ngẽmaca̱x taxucürüwama nüxü̃ chixu i guxü̃ma ga yema mexü̃gü ga toxca̱x cuxüxü̃.

Yox 38:2

—¿Texé quixĩ i cumax rü ngẽmaca̱x tama cunayaxuxü̃ i ngẽma chorü ucu̱xẽgü? Rü curü dexawa nixĩ i nangóxü̃ nax cuxü̃́ nataxuxü̃ i curü cua̱x.

Yox 5:9

Erü nüma ya Cori ya Tupana rü muxü̃ma i taxü̃ i mexü̃gü naxü. Rü yixema rü tama nüxü̃ tacua̱x nax ñuxãcü naxüaxü̃ i ngẽma.

Yox 11:7

¿Rü nüxü̃ cucuáxü̃ yixĩxü̃ i ngẽma Tupanaarü cua̱x i ẽxü̃guxü̃? ¿Rü cuxü̃́ natauxchaxü̃ nax nüxü̃ cucuáxü̃ i ngẽma nüxü̃ nacuáxü̃ ya Yimá Guxãétüwa Ngẽxmacü?

Yox 11:9

Rü ngẽma norü cua̱x rü ñoma i naanearü yexerawa nangu rü ngẽma már arü yexerawa nixĩ i nanguxü̃.

Yox 13:1

Rü nüma ga Yox rü ñanagürü: —Guxü̃ma i ngẽma nüxü̃ pixuxü̃ rü chauxetümaxã nüxü̃ chadau, rü chauchi̱xẽmaxã nüxü̃ chaxĩnü.